هلو شباب شلونكم؟
رواية فحش جديدة.
تنزيل مرة بالاسبوع.
..........................................
"مليت منك ومن عيشتك الزفـرة"
صـرخت بصوت عالي بنبرة تمليها العصبية واحتقان ملامحها بغضب وهي تمسح على وجها بـ عصبية وهيجان بسبب الگاعد امامها بكل برود يـدخن و مامهتم لكلامها وشكوتها الي ماتنتهي.
چان واكف بمنتصف الدرج سامع لصوت أمة الصاخب فـ تنهد بتعب ونـزل الـدرج وهو يتنهد بملل يعرف الوضع الجوة مشحـون بين أبوه وأمة بسبب عرايكهم الي ماتخلص بس مجبور ينـزل لأن هذا وقت العشـا ولازم يلتمون كلهم على نفس السفرة ياكلون.
راح للصالـة ووقعت عيـونه على أبيه الي چان مستند بضهرة على القنفة وهو گاعد على گاع ويـدخن جگارة مثني تك رجل ويباوع ببرود للامام.
اول ماعتـبت اقدامة خطوة لداخـل الصالة وراد يسلم عليهم ما أن فتح ثغره يريد ينطق، وكفت أمه تنتـر بصوت عالي بأبوه
"ماريد حتى اتزقنـب وياك اكـل وي حيوان شارع ومااگابلك على لگمة"
مشت أمه بعد ماخلصت كلامها واجت من صفة وباعت عليه "اذا تريد تعال أكل وياي بالمطبخ لاتگابل هذا گابل كحبة ولاتگابل ابوك" بصوت هامس همست اله وهي تربت على چتفه عض على شفته يبلع لزوجة ريگه ويحول عيونه لابوه الي چان يباوعلة ويزفر دخان الجگارة من حلگة،تتخطاه امه تروح للمطبخ.
تنـهد بتعب من هاي الاشياء الي تصير والحـزازيات
ويستخدموه هو رهين بينهم.
مشى بأتجاه السفـرة وهو يتجـاهل تحديقات أبوه الي ابتسم بخفة من شافـة يگعد على جانبة بينما هو مترأس السفرة.
باوع لصغيـره ونطق بهدوء لـه عكس برودة
"لاتخاف مو مثل امك واحقد عليك اذا رحت تاكل بالمطبخ انطيك حقك المشاكل تسد النفس اذا تريد روح لغرفتك"
رفـع بصيرتة يواجه عيون أبوه الي أشـر له يروح لغرفتة مثل مگال له لكن نفى هو واخذ الخبـزة يحط بيها شيش من كباب ويبدي ياكـل
"لا جوعـان اني ودايخ من الجوع "
طفى جگارتة بالنفاضـة و تربع بگعدته يسمي بأسم العز وجـل ذو الجلال والإكرام رب العالمين.
ثم ياخذ خبـزة يحط بيها شيش من مشويات وياخذ طماطة مشوية وكرفـس ويلفها علمود يگدر ياكل ابنه براحتة.
أنت تقرأ
فُحـْش||bxb
General Fictionيَاريت العُمر بَس وياك بَليّاها الأوادِم كُلها والجَنه . نـوع؛ محـرم محـرم.
