النجف الاشرف / الساعه السادسه صباحاً
فتحت الباب وطلعت واني اعدل بعبايتي واثبت الجنطه على متني واسمع دعوات امي وراي
اخذت نضره خطف للشارع فارغ محد بي وهو اصلاّ دائما فارغ نادراً تشوف الاطفال تطلع تلعب
رحت تمشيت حد سيارتة جان واكف يعدل المرايات الجو يجنن والشمس ستوهها طالعه وصوت العصافير والحمام مالي شارعنا وصلني لحد مدرستي ونزل وياي لحد ما طبيت يلا تركني وراح طبيت متأخره اخذت اقلامي وبديت امتحن كتبت كل الاجوبه الاعرفه والي ماعرفه عفته فارغ طلعت من القاعه صارت بوجهي صديقتي هدى گعدنا نسولف بمواضيع عشوائين
هدى: حور يا انشاء اختاريتي
حور: شنو اختار! هو قريت واحد وكتبته
هدى: تحجين صدگ ههههه زين ياهوه القريتي؟
حور: قريت الثاني وكتبته
هدى: خرب لج هو جاي اول واحد
حور: ادري احساسي ثقه وميخيب
قطع سالفتنا الحارس وهو يتقدم اتجاهنا
بنياتي لحد تطلع واذا عدكم ارقام اهلكم حتى اخابرهم
هدى: شكرا عمو مخابرتهم اني هسه يجون عليه
التفت عليه وحجه وانتي بابا؟
حور: شكراً عمو ماريد اخابرهم
هدى: شنو ما كاتبه رقم ابوج؟
حور: شنو كاتبه هو غير اني حافظته على الغيب
الحارس: يلا بابا رديلي رقمه حتى نخابره
رديتله رقمه واتصل عليه وانطانياه بيدي
اخذت نفس وجاوبت بهدوء
ها يابه اني خلصت امتحاني تگدر تجي خليه
حبست انفاسي منتضره رده شوي وسمعت صوته يگول "خوش تانيني"..
وره تقريباً 20 دقيقه
جنه نسولف اني وهدى عن الروايات الجديده
قطع سالفتنا وصوله نزل من سيارته بكامل اناقته ضحكته على وجهه جان لابس بوقتها رسمي نيلي
سلم على الحارس وتشكر منه وگلي يلا امشي
تقدمت ووقفني الحارس وهو يطلب منه الهويه
باوع للحارس وضحك بحس رجولي طلع هويته من جيبه وقدمها للحارس رجع سأله الحارس
هاي بنتك؟
جاوبه أي
شسمها؟
حوراء
اعذرنا يابه تگدر تاخذها
مشكور يلا بابا امشي
مشيت گدامه وهو سرع خطواته ووگف يمي نزل عينه عليه بسبب فرق الطول واخذ يسألني عن الامتحان لحد ما وصلت للسياره اول ما صعدت كلعاده لازم يقدملي عصير ويسألني شلون جانت اجوبتي جاوبت على اسئلتة بأختصار والتفتت عليه وسألته بملل لو نجحت من السادس يا كلية اروح؟
ابتسم الي تك خد وگال انتي حيل حساسه وحنونه وگلبج رقيق متلوگلج الطبيه ابد
حوراء: بس ليش؟
عَـباس: انتي اذا شفتي شخص يتوجع تتوجعين لوجعه وتبجين لبجيته مترهم تصيرين بهيج مجال...
حوراء: لعد وين اروح
وسع ابتسامته وگال بثقه تربية
بين على وجهي الدهشه وگتله تربية؟؟؟!!!!
اردف بهدوء اي نعم تربية
انتي حيل تجيدين هاي المهنه ومتأكد افضل شيء الج التربية لان انتي مثل الام ♡
وبالنهاية أي درب يختاره الي افروديت راح امشي بي واني مغمضه وبدون شك
" اني بدزنه نجف مابيها ابو الحسنين "
...
