လမ္မကျမ်း

အစအဆုံး - ကျမ်းကျွန်

ရေးသူ - စောခန့် ( အမေချစ်သူ )

ဒီနွေမှာကျွန်တော်တို့သူငယ်ချင်းတစ်စုခရီးထွက်ခဲ့ကြတယ် ... သတ်မှတ်ထားတဲ့နေရာတွေထက်လူသူအရောက်အပေါက်နည်းတဲ့နေရာတွေဆီသွားရတာဝါသနာခုံမင်တဲ့ကျွန်တော်တို့သူငယ်ချင်းတွေကတောထဲကိုမျက်စိကြခဲ့ကြတယ် ... ရန်ကုန်ကနေမိုင်၂၀၀ကျော်ဝေးတဲ့ "ဖိုဝင်တော" ကိုသွားဖို့သူငယ်ချင်းတွေဆုံမှတ်တွေစီစုကြရင်းမနက်၅လောက်ကစပြီးရန်ကုန်ကနေခရီးနှင်ခဲ့ကြတယ် ... စုစုပေါင်း၈ယောက်ရှိတဲ့ကျွန်တော်တို့သူငယ်ချင်းတွေကကျား၅ယောက်(ကျွန်တော်အပါ)မ၃ယောက်ပေါ့ ... ၈ယောက်လုံးကဘူမိဗေဒမေဂျာဆင်းတွေဆိုတော့ထွေထွေထူးထူးပထဝီအကြောင်းဆွေးနွေးစရာမလို သဘာဝကိုမြတ်နိုးကြသူချည်းပင် ... ပစ္စည်းအပြည့်နဲ့ခရီးဆက်ရင်းနဲ့မိုးမလင့်မှီတဒင်္ဂနားနားပြီးသွားလိုက်တော့ Camping လုပ်မယ့်ဖိုဝင်တောကိုရောက်လာပါတယ် တကယ့်တောအစစ်ကြီးထဲလူသူမရှိ ကျောချမ်းစရာခံစားချက်နဲ့သဘာဝကိုအပြည့်ခံစားနေရတယ် ဖိုဝင်တောဟာနေရောင်နဲ့သာလှပေမယ့်အလင်းရောင်ပျောက်သွားရင်ဇီးကွက်ငြီးသံရေစီးသံကျီးအစိမ်းအာသံနဲ့တော်တော်ကျောချမ်းစရာပါဘဲ ... သူငယ်ချင်းတစ်စုတောထဲဝင်လာရင်းနဲ့လိုတဲ့ပစ္စည်းတွေကိုယူပြီးမလိုတာတွေကိုတော့ကားပေါ်ဘဲတင်ထားခဲ့လိုက်တယ် တကယ့်ကို Camping vibe အပြည့်ရတဲ့ဒီခံစားချက်တော့မေ့မရနိုင် ... စမ်းချောင်းနဲ့ခပ်လှမ်းလှမ်းမှာ Tent တွေနေရာချလိုက်ပြီးမီးမွှေးသူကမွှေး စားစရာပြင်ဆင်သူကပြင်ဆင်နဲ့အလုပ်တွေရှုပ်နေတုန်း ကျွန်တော့်ဖုန်းသံကမြည်လာတယ် မြို့နဲ့သိပ်မလှမ်းတဲ့ဖိုဝင်တောကဖုန်းလိုင်းမိတယ်ဆိုရုံတစ်တိုင်လောက်ဘဲရတယ် အမေဆက်တာပါ ခရီးလမ်းအဆင်ပြေလားလှမ်းမေးတာပါ အသံလည်းခပ်တုန်တုန် ခပ်ဖျင့်ဖျင့်နဲ့မို့စကားကိုတစ်ခွန်းစနှစ်ခွန်းစပြောပြီးတော့ဖုန်းချလိုက်ပြီး ပြင်ဆင်ကြတယ် ... ခဏအကြာတော့ မီးပုံကြီးလည်းမီးအရှိန်အပြည့်နဲ့ကင်ထားတဲ့အသားတွေလည်းကျက် ပါလာတဲ့ Soup တွေလည်းကျက်တော့တဝဆွဲကြရင်းနဲ့ဂစ်တာတီးကြရင်းနဲ့အကုန်ပျော်ရွှင်နေကြတယ် ... အကုန်စားသောက်ပြီးတော့စကားစမြည်ပြောကြရင်းနဲ့အိပ်ဖို့လုပ်ကြတယ် ...