#روايات و#قصص #عراقيه #واقعيه:
تصفح
بارت 4
61.3K 2.2K 140
بواسطة MemeAlsamarrai
للكاتبة
Nuha-d-
نبيل-عمو اني كل العندي خمس ملايين اخذوهن
اهم شي اخوي
زهراء -خطية عمو اعرف هو ماندة وشي اكيد عاصر نفسه عصر يالله طلع هذني الفلوس لان هم حالة نفس حالة بابا تعبان ماديا وعندة خمس بنات والعيشة صعبة والله يعلم شلون دبرهن
نبيل -عمي زهورة رحتي زرتي ابوج بالمستشفى
زهراء -لاوالله عمو محد عندنا يودينا
نبيل - يالله بوية جهزوا نفسكم خلي نروح نشوفة
بدلنا اني وخواتي وقفلنا البيت وطلعنا للمستشفى
وصلنا هناك وشفنا مثنى بالمستشفى وامي وخطية وعمو سالم الفراش صديق بابا وصدفة اشوف
الدكتور ياسر ابتسم واتقرب من عندنا وسلم علينا
كال بعد يومين عمو ابو زينب يدخل العمليات بس نكمل الاجراءات والفحوصات
اني كبل ما كدرت الزم نفسي وسئلت ماماكدامهم -شلون دبرتوا المبلغ مال العملية
ياسر حك انفة وابتسم -الفلوس دبرت اختي لاتشيلين هم ب.....
رفعت راسي وباوعت عليه واجت عيني بعينة وهو بقة صافن علية ماشال عينة يمة اني هنا صرت صنم
ماكو اي حركة ما اعرف ليش بهيج مواقف تصير عندي حالت ثولان موطبيعي
نزلت عيني وهو انتبه على نفسة انو ماكمل كلامة
ياسر-لايظل بالكم على عمو ابو زينب بالحفظ والصون انتو بس اندعولة
امي ظلت تدعي للدكتور -روح الله يبعد عنك اولاد الحرام ويقرب عليك اولاد الحلال ويرزقك من وسعة
الدكتور ياسر -خالة امانة ادعيلي برويحة حلال بنية تعرف تسوي كليجة تصير من قسمتي اشو هذا رفع عنة علية ويباوع علية
اني كلبي صار طبل
ندستني زينب اختي -اكول زهيرة شن🤔و? سالفت هذا الدكتور منين تعرفينة
زهراء وهي تحك بزندهة -ووجع من وين اعرفة حتى ماحجيت وياه كلمة بس هو يحجي وياي اني حتى ما اجاوبة ولا ارد عليه
بس بيني وبين نفسي يمه گلبي تبخر من الرجيف ومعدتي احس صار بيهة طابوك
ياسر -عن اذنكم اني اترخص
19
عمار
نايم بحضن نوال مثل ما متعود اذا عندة كلام يحجي الهة وهو نايم بحضنهة وهي تلعب بشعرة
عمار-تدرين نوال گلبي وكع وحب ومحد سمه عليه
نوال بابتسامة -يعني صادوك شيخنا
عمار -اي والله نوال غزالة صادتني بعيونه دخيل الله شلون عيون
تكولين حسناء بس شايلة جمال اويلي يابة
بس تردين الصدك اني هذا كلة بصفحة وادبه وثكلهة ورزانته بصفحة يعني صدك ذهب
نوال متعجبة-شيخنا تحجي صدك لو تتشاقة منهي هاي ووين شفته وشلون اتعرفت عليهة ومن وين هي وبنت منو ومن يا عشيرة نعرفهة لولا ؟؟؟؟؟؟؟؟؟
عمار-يمة يمة يمة دخيلك ربي رشاشة صلي حشة انتي مكانج مو هناانتي لازم تشتغلين بالامن يم الاستخبارات تفيدين بالاستجواب من يستجوبون المجرم !
انطيني مجال احجي
نوال ضحكت ورجعت تلعب بشعرة
عمار -نوال لكيتهة بساكية الطين واكعة اويلي يابة شنو من ساكية عجيبة طلعت منهة حورية
بس هَـا اخوج هو الي وكعهة بالطين
خطية وخليتهة بس تبجي ولج بوكتهة بدي اشيلة وافتح صدري واضمهة بي وما اخلي اي واحد بشوفهة
نوال -يابعد عمري شيخنا والله واجة الوكت الي حبيت بي
عمار -نصي صوتج لحد يسمعج والله استحي اكول حبيت من تالي عمري اكوم احب مثل المراهقين واتحلم بيهة يمي وبغرفتي واصبح بوجهة يمكن اموت من الفرحة
14
