_الاشيـم
_سـالـي إبـراهيم
_نجمة وتعليق بين الفقرات🌟
_صلِ على محمد وآل محمد
.................
حـور:-
خلصن اڪل وبعـد سـاعة خلصت الحنة واخيراً متت تعب رحت سبحت وانجطلت ؏ الجرباية من التعب حتى ماساعدتهم نمت بسرعة…
يـوم العـرس....
1/1
ڪعدت الصبح على صوت هوستهم بالڪوه ڪمت بعدني تعبانة وجسمي مڪسر من البارحة رحت للحمام غسلت جسمي بـدون شعري…
لان البارحة بليل سبحت طلعت للغرفة لبست عباية واخذت اغراضي نزلت جـوا علي طلع بـدلة العرس للسيارة الي تجنن جابها اشيـم حلوة هواي مثل ماردت…
والاهـم عنـده مستـورة ڪعدت اتريك اڪلت زين حتى لا اجـوع بسرعة خلصنا وطلعنا للسيارة اني وسارة وندى وعمتي الصغيرة وياي…
امي مڪدرت تجي وتعوف الناس لان بيتنا هوسة وصلنا للصالون انتظرت شـوية واجا دوري سوتلي مڪياج حلو ونازك عجبني…
بس شفتي رسمتها طلعت تجنن حيل حبيتها رجعت سوتلي تسريحة رفـع صبغت اضافري احمـر للظهر بعثلنا اشيـم اڪل ويا حيدر جنت جوعانة فاڪلت…
لــ 4:00 خلصت ڪُلشي خابرت حنين على ضياء يجي ياخذنا اخذنا صور لبسوني البرڪع اجا ضياء وويا علي بسيارة ثانية لان متڪفي البدلة تاخذ مُڪان…
طلعنا واني مخنوڪة ڪلشي ماشوف البنات لازميني صعدوني بالسيارة رفعته سحبت نفس باوعلي ضياء بالمراية عيونه مدمعة
ضياء:- الف مبروك ياروح اخوج ان شـاء الله حياتج ڪلها سعادة
ڪلت بصوت يرجف ونزلت دمعتي
:- الله يبارڪلك حبيبي
ڪال يحاول يضحڪني
:- لتبجين يمعودة هسه يطلع جبار
ابتسمت مسحت دموعي ڪالت حنين
:- ضوضو شنـو رأيك بالميك اب؟
:- اشتعل ضوضو ولجج
ضحڪت على ردة فعله وصلنا للبيت نزلوني بصعوبة بس دخلت عله صوت الهلاهل ڪعدوني بالصالة انتظر اشيـم حضنت ماما ماريـد اعوفها…
وهيه عيونها مدمعة تجاهد تنزلهم ڪدامي شغلن اغاني ويرڪصن شـوية وصارت الهورنات واصوات اغاني عالية اجوا الجهال يرڪضون اجا العريس اجا العريس…
تـوتـرت هواي ايـدي ترجف انتبهت عليّ سارة شربتني مايّ وتقرأ ايات شـوية ارتاحيت دخلوا اهل العريس يرڪصن…
صارت هوسة مـو طبيعية اباوع على خالة شڪثر فرحانة بعرس ابنها شـوية ودخل بهيبته المُتادة لابس قاط اسـود مع قميص اسـود…
مزين لحيته مسويها خفيفة ويا شـواربه التجنن هَـو يضل بـدون لحية بس شوارب جنه ضابط بس ڪتله احب اللحية الخفيفة وسواها لخاطري…
أنت تقرأ
الاشيـم
Romanceيغـار عليها من رمـش عينيها مهـووس الى درجـة غير مُتوقعة ڪيف ستتصرف بطلتُنا...
