-شفت الممرضه اجت بتجاهنه و وجه يحجي اكو اخبار حلوه من الابتسامه لي على وجه انطتني طاقه ايجابيه من بيعد و تخليت راح تجي و تكول ابويه كعد من غيبوبته وفعلاً صار هذا شي اجت و بلغتنه طرت فرح متت من الفرح اصلاً هيج احس روحي حمامه طاير بالسمه ردت روحي للدنيا ستوه رجليه احسه بعد متشيلني من فرحي شما احجي و شما اكول مستحيل اكدر اوصف فرحتي نسيت مرضي و ألمي نسيت الواكفين نسيت كلشي و رحت اركض طايره طيور فتحت الباب شفته متمدد على سديه ركضت لـ حضنه حضنته و كعدت اشهك و ابجي بادلني الحضن و كعد يمسح على شعري و جنت حيللل حيللل مشتاقه لحضنه و سوالفه وكلشي رفعت راسي اتئمل جمال وجه لي صاير كله تجاعيد رغم هوه مو كلش جبير بس اويليي من الضيم لي عاشه اشوف وجه تعبان تلمست وجه بچف ايدي و رجعت حضنته بقوه اكثر بجيت و لعنت و سبيت بـ نرجس(امي) لمن كلت جنت ناسيه كلشي و ما مهتمه لشي بس هوه كعد يحجي بكلامته الحنونه لي تلامس روحي من يحجيه و يمسح دموعي بـ ابهامه الجبير
-وسام: بنيتي الحلوه جوريت روحي طفلتي كبرانه و حليانه وصايره مره ليش تبجين يا عيوني انتِ هاي اني يمج بعد و ما اعوفج بنيتي -جوري: اوعدني -وسام: وداعت عيونج لـ احبهن بعد منتفارك
-رجعت لحضنه الدافي و حضنته نيمني على صدره و كعد يكول
-بنيتي الحلوه كبرانه و صايره من النسوان بس باعي لا عبالج كبرتي بعيني لا بعدج صغيره بنضري بعدج الطفله لي تكمز و تركض و تلعب ولي تجي تركض لحضني من ارجع من دوامي تكبرين بعيون الكل و متكبرين بعيوني وما اشوفج غير طفله مدلله الي منا لحد ما الله ياخذ امانته
-جوري: لا يمه اسم الله عليك بويه لتحجي هيج فدوه اروحلك -بسام: بنيتي الموت فريضه علينا كلنا اذا ما اموت اليوم لو باجر اموت بعد سنين بالناهيه اموت و كلنا نموت -جوري: اي بويه بس مو هسه بعد عمر طويل اريد اشبع منك -بسام: مندري شوكت الله ياخذ امانته فجاه يجي الموت ومحد يعيش اكثر من يومه -جوري: بابا حباب سد الموضوع ان شاءلله بعد عمر طويل -بسام: ان شاءلله
-ارجع و اكول حضنته حضنه اقوى من لي قبلهن اعرف لزكت بس احس روحييي طايرهه طايرهه ما اكدر اوصف فرحتي و اشتياقي لـ ابويه و واخواني كلهم مشتاقهه لـ حنانهم و سوالفهم و ضحكهم و كلشي يخصهم روحي احسه جانت مفرفحه عليهميعني اني هسه لو اموت عادي عندي لان مرتاحه شفت اخواني و ابويه رتاحيت صح مو كل اخواني شفتهم شفت بس ثلاثه و ضلو اربعه من سئلت عليهم كالو محد يعرف وينهم عايشين ميتين لو وين محد يعرف وحسن جاي يدور عليهم وخرت عن ابويه اباوع عليه و ارجع اتئمل قاطع تئلمي صوت جواد
-جواد: كافي شنو هاي ما شبعتو خلو النا دور لو بس شفت جوري هاي هيه نسيته رحنه طرنا بح اويلي منج جوري مادري شمسويه اله تخيلي بس يشوفج بعد هاهيه يروح يفصل عن العالم يصير كأنو موجوده بس انتِ ولاكانو احنه ولد و يكول عندي ولد لا كبل بس جوري عنده وهيه هم طامعه كبل تاخذه
-بسام: شبيك نهديت على بنيتي عوفه خل اشبع منه مشتاق لوجه الحلو صار سنين مشايفه دباعه شلون كبارنه وصايره مره تخبل -جواد: عميي والله افتهمه حلوه والعباس افتهمه كل شويه حاجيه تره راح تكبر براسه و تنفخ ريشه و تشيل خشمه علينا و طول لسانه فوكما لسانه طويل -جوري: يبووو منككك شكد تغارر من يوم يومك ما تغيريت عيب امي عيب انتَ كبرت بعد متلوك الك هل سوالف وتغار لان يحبني و دللني و يتغزل بيه وانتو شاويكم على فحم تموتتت تموتتت غيرهه ميكودد -جواد: نجبي لج فاره على شنو اغار دورحي انتِ شايفه نفسج بالمرايه جنج بريج خاف عبالج انتِ انجلينا جولي من وره ابويه -جوري: بابي تسمع شلون يحجي وياي بسام: اي حبيبتي اسمعه هسه بس اكوم شويه على حيلي ادبه الج لشتلين هم -جواد: اي اي كبر براسه انتَ -جوري: هههههههه شوفووو راحح يموتت من الغيرهه يمه يمه -هيثم: كافي بره شكد مزعجين شوكت تكبرون و تبطلون سوالفكم مال الزعاطيك -جوري: نجب انتَ معليك هم تغار اصلا كلكم تغارون -جواد: هااا شفتووو خو شفتوو بعينكم شلون تجاوزت على هيثم وهوه ساكت و فوكاه يضحكله وبعدين يكول لسانه طويل و يصيح شلعت گلبي من وره لسانه -بسام: شبيك حاط دوبك من دوبه وين غلطت كلشي ما سمعت -جواد: شنو ما سمعت هاي حجت نجب نون، جيم، باء -بسام: شوكت ما سمعت جواد: طبعاً متسمع هاي جوري حجته هذا لو جواد جا كلبت الدنيا فوك راسه بس جوري متحجي وياه ليش لان مدللتك -جوري: ايويلييييي حاسدنييي حاسدنييي عمييي لحكووو راحح يموتت كلبه راح يسكت
-سوه نفسه زعلان برطم شفته و كتف اديه لصدره لكل يعرف بجواد جاي يشاقه و يضحك و طبعاً ضحك الكل المكان لي بي جواد بي حياة و طاقه اجابيه حرفياً عنده طاقهه ايجابيهه بكشلل مو طبيعي و يعرف يراضي واهم شي من يشوف واحد مطنكر لو ضايج كبل يروح يضحكه و يواسي حتلو كان ميعرفه وصفت جواد هواي خل اكمل
-اثناء الضحك اجه لـ اتصال ل علي و ما فهمنه غير مقتطفات و طلع يركض صاروخ.....
يتبع🌿....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انستا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
