زعمَا لِينا فِي النهَايات الحلوة نصِيب 💚.. (روايات_ليبيه)

الحلقه 1 ♥️➰

قبل كل شي روايه خياليه مش حقيقه ♥️
خلوني نعرفكم ع ابطال الراويه 🤍.
عيلة البطله :

انا ساجدة م 2000 عمري 24 نقرا ف كليه الطب بنخش دكتورة اسنان بيضه وعيوني زرق عندي شدوق ملامحي مريحه وهاديه وطفوليه وجسمي مخصر وكان حطيت شي ف راسي خلاص انديره انديره وحنينه ونحب ناخد حقي بيدي ودمي خفيف شخصيتي قويه مقارنه ب اخواتي عايشه مع امي وبوي واخواتي وخوي وعندي صحبتي اسمها ريم بيضه وعيونها عسليات جوها يهبل
دنيا :اصغر مني بـ 3 سنين م 2003 عمرها 21 دلوعه وبيضه وعيونها خضر ع عسلي لاكن حلوات هلبااا وجوها حلو وحساسه
واختي وجدان: اصغر مني بـ سنه م 2001عمرها 23 نكديه تقرا ف كليه القانون بتخش محاميه ومتعرفش تكدب بشرتها بيضه وعيونها عسليات عندها غمزات ملامحها حلوة
وخوي :اسمه ايهم م 1999 اكبر مني بـ سنه عمره 25 حنين هلبا وجوه حلو لاكن وقت الجد ميعرف حد وعيونه خضر يخدم ف شركه مع بابا
بوي :اسمه عبدو م 69 عنده شركه كبيرة واسمه تقريبا معروف ف البلاد طيب وحنين ويحبنا هلبا وهوا وماما تجوزو عن حب وعيونه زرق وعنده غمازات
ماما حنين: طيبه وتحب بابا هلبا وتدلع فينا غير ‏شن نبو وتحب خوي اكتر منا ماهو الولد الوحيد طبعا تعرفو انتم الامهات 😂. بيضه وعيونها خضر ملامحها تهبل وعندها شدوق
عايشين ف فيلا

نمشو لعيلة البطل :
محمد : عيونه عسليات وبشرته حنطيه تهبل وشخصيته عصبي وحنين معمره كلم بنات م 1994عمره 30 حتى ℘ـوا يخدم ف شركه بوه وصحاب ℘ـوا وايهم وجوه حلو
بوه اسمه اكرم : حنين وطيب وعيونه عسليات وصاحب عبدوو هلباااااا من الابتدائي وهما مع بعض وفاتحين شركات مع بعض وقراب هلبا من بعض
امه كريمه : طيبه لاكن تتعصب فيسع نكديه لاكن حنينه هلباااا وصحاب هيا وحنين
اخته : هيام م 2003 عمرها 21 تهبل دمها خفيف وديما تضحك وتخاف من محمد صاحبت دنيا
اخته التانيه: كوتر ذكيه م 2001عمرها 23وتخاف من محمد هلبا ولاكن هيا عكس اختها لسانها ملوي ع رقبتها وجريئه لاكن جوها يضحك
وهما كانو ف تركيا عايشين واليوم بيروحو
______________________________
فِ حوش عبدو ♥️.

حنين : هيااعععع فيسععع نوضووو مفيش وقتت اكيدة توا طيارتهم قريب توصل
دنيا : ماما ونبي فوتوني خلوني نرقد الله يربحكم
وجدان : حتني بنرقد
انا : ماما باللهي اطلعي وسكري الباب وراك
حنين كرت من عليهم البطاطين تبو تنوضو ولا اناديلكم خوكم ؟
كلهم ناضو يجرو توزعو للحمامات وحنين قعدت تضحك عليهم
حنين : قتلكم نعرف دواكم 😂
وطلعت قعمزت ع الصفرة كان فيها ايهم وعبدو
حنين : عبدو امتى بيوصلو ؟
عبدو : ساعه 12 قالو
ايهم : انا بنطلع لشركة انستو
وطلع
عبدو : ضميتو الجناح الفوقي ولا ؟
حنين : اي ضمينا وعطرناه
جو البنات يجرو حضنو بوهم
عبدو : بنياتي العسل صباح الخير
انا&دنيا&وجدان: صباح النور
حنين : واني نمشي من هني خير
جينا حضنا ماما : صباح الخير ياغاليه
حنين : صباح النور قعمزو افطرو
بعد وقت من الملل جت الساعه 12