بالبدايه حبيت اقول ان القصه من وحي الخيال واني كاتبه مبتدئه 💕
.بسم الله الرحمن الرحيم
.
.
.
في عصر يوم السبت
مجتمعين عائلة فيصل يتقهون ويسولفون كالعاده
فيصل:ها كيف استعدادتكم بترجعون تدرسون
سعود:اخيس شعور فالتاريخ تعبت وربي
حنين:عشتو توك اول متوسط اقول احمد ربك بس
جينان:احلا ايام عمري المتوسط ودي ارجع
نجد:اوهه انا متحمسه اقابل صديقاتي مرهه حماس
ريهام: احسب انش تبين تذاكرين عشان تصيرين جراحه طلعتي تبين خوياتش
ضحك فيصل بخفه وقال:تبي صديقاتها وتبي الجراحه سوا صح جودي
نجد:صح عليك يافهمني كفك وقرب لها يدها وعطها تحيه (🫷🫸) كذا مقصدي اتمنى فهمتو 😭
نجد:بابا انا ولين نبي المول عادي تودينا
فيصل:والله مافيني خلو السواق يابنتي
نجد:يقول مشغول مودي السياره لل الصناعيه
فيصل:كلمي لين وقلي عادي بكره
نجد:اوكيه بس وعد تودينا
فيصل:اشر على عيونه وقال من عيوني تامرين امر
نجد:ابوس عيونك الحلوين وتقدمت تقبل خده
يلا بقول ل لين
دقت نجد على لين
لين:لبيه ياعيوني
نجد:لباش ياقلبي والله ابوي يقول مافيه وكلمت السواق مودي السياره الصناعية وقال ابوي بكره ابشرو
لين:امم بكلم واحد من عيال هديل ودينا لانه ضروري مرهه
نجد:خايفه ابوي ييعي وقول لا
لين:معليش اعرفه فصولي اكيد بيوافق
ضحكت نجد بخفه قالت :حلوه فصولي خلني اكلمه وارد لش خبر
لين:وانا بروح اشوف من بودينا
نجد:تم باي
لين:بيات
راحت لين بيت هديل بحكم انه جنب بيتهم ودخلت وسلمت على هديل قالت لين وين العيال
هديل:تحصلينهم على البلايستيشن
ضحكت لين بخفه وقالت قصدش السوني
هديل:اي البقعا الي يلعبون فيها ولا يدرسون
لين: سهله اسحبيه وارتاحي يلا بروح لهم
لين دخلت على العيال وشغلت النور صرخ تيام ويقول قوللللل
صرخت لين قالت
عياللل
محمد اخوياي معي ف القيم ياحيوانه
لين:اقول انطم انت وياهم
تيام:لبيه جايه وش تبين ماتجين الا تبين شي
لين:ابي واحد منكم يوديني المول انا ونجد بنت فيصل
تيام:بدا صدره ينزل ويصعد من سمع اسمها وقال خلاص بوديكم تجهزو
لين:يسسس احبك يااجمل ولد اخت ف العالم
تيام ضحك بخفه يلا تجهزو بسرعه نص ساعه ماطلعتو بسحب عليكم مالي دخل ماحب الي يتاخر
لين:تمام بروح اقول ل جودي واشوف ايذا ابوها وافق
وعند نجد راحت لغرفه امها وابوها وطقت الباب
وقال ابوها ادخلي دخلت نجد وحصلت ابوها منسدح على السرير ويطقطق بجواله
نجد:اا بابا بطلبك طلب
فيصل:لبيه سمي امريني
نجد:مايمر عليك عدو
اا لين قالت ضروري ان نروح وقالت بكلم واحد من عيال عمه هديل عادي اروح معها
فيصل:بس كذا عادي يابوي انتي بس تحجبي زين وانتبهي لنفسش وايذا ببتاخرين وقبل تطلعين علمي امش
نجد:اشرت على عيونها وقالت من عيوني
فيصل :ابوسها يلا انا بنام
نجد:نوم العوافي
لين دقت على طول على نجد قالت
لين:ها وافق؟؟ يارب انه وافق
نجد:وافق وافقق
لين:اخيرا نقدر نجيبها له يسس
نجد:اي أخيرا وباقي ورنا تجهيزات كثيرر
لين:واهه حماس بيفرح كثير
نجد:اي عاد فخاطري اجيب له هديه مميزه
لين:اي لازم تكون مميزه
نجد:الا من راح يودينا ؟؟؟
لين:تيام محمد عيا
نجد:تياااام !!!!!!!!
لين:اي ليه ؟؟
نجد: لا مافيه شي بس تيام يعي لما تقولين لها ودنا وكذا دايم حمود او سعد
لين:مدري قال يلا بوديكم الا بسرعه قال نص ساعه ماطلعتو بسحب عليكم واحنا طولنا اكثر جودي بسرعه
نجد:تمام ياروحي
توجهت نجد لغرفتها هي وحنين وحصلت حنين تذاكر وجينان تطقطق بجولها قالت
نجد:بنات
حنين وجينان:هم
نجد:بطلع تبون اجيب لكم شي وانا راجعه؟؟
جينان:اي تكفين ابي تجوكلت من كوفي****
نجد:ابشري من عيوني وانتي حنون تبين شي؟
حنين:لا ياعمري انتي بس وين بتروحين
نجد:سر بقول لكم بكره ومرهه سر يونس
جينان وحنين:تمام بس مع من مو ابوي قال بكره
نجد:قلت سر بايي لبست عبايتها ونقابه سوت خفيف مسكره وطلعت تستنا لين دقت لين عليها قالت يلا احنا برا وينش
نجد :يلا جايه
لين:يلا تيام قدهو بيفجر فيني يقول تاخر على اخوياه هو ماوعدهم الساعه ١١
نجد:ضحكت بخفه وقالت باقي معه وقت ليه مستعجل على السرابيت
ضحكت لين وقالت اما سرابيت ماكذبتي فيها ياجودي يلا اطلعي
نجد:يلا
ركبت نجد السيارة
نجد:السلام عليكم
لين:وعليكم السلام
تيام:وعليكم السلام بس تبون المول ؟؟
لين:اي بس نبي قبل كوفي ******
تيام:تمام واحنا راجعين ابشرو
لين:تبشر بالجنه
قعدت نجد تطقطق بجولها فيماهم يصلون المول طفت الجوال وقالت اطربنا شوي ياابن العمه
تيام:اا وش تسمعون
نجد:اي شي
لين:شرايكم فلاح المسردي كلنا نحبه
نجد:ايي حطي فلاح امانه لاتخليني اكثر وحده احبها
تيام:حطي امانه تخليني ليش لا
حطت لين وقعدت تغني بصوت واطي يغنون مع فلاح
تعبت اساري الحزن المطوال واكتم العبرات
وحزني للسنين المقبله وش عاد بقالي
تخاطفني هموم تثر بحالي لمنها جاات
واشوف الموت بعيوني ولو الموت يشواني
ترا بعدك خذا عمري وانا عمري معك بالذات
انا مقدر على بعدك ولا فرقاك بتالي
انا مغرم بك ولاااكن ضروف الوقت والعالم
ضحيه وقتك الي فيه كني مغرم لاحالي
انا ليت الزمان يروف بحالي واترك الهاات
لاكنه واقف ضدي وعيا متهيالي
وبعد مده وصلو لل المول ونزلو وقرتت لين انهم يتقسمون قالت لين :خلاص انا بروح هناك اجيب الورد والبلون واتفق مع حقت الكيك وانتي ياجودي وتيام روحو دورو هديه لفيصل
تيام بصدمه :هديه وش؟؟
لين: نجد قولي له وانتو راحين يلا مامعنا وقت وباقي نرجع ننام عشان المدرسه
نجد:طيب طيب هدي
توجهت لين للمحل وتوجهت نجد وتيام لمحل الهديا وسألها تيام: وش هديته ؟؟
نجد:ل بابا لان عيد ميلاده بكره وهو قدله سنين محتفل فهاذا اليوم ف ودي انا ولين نفرحه شوي فهمت
تيام:اي طيب وش ناويه تجبين له
نجد:امم ابي اجيب له ساعه بس ماعندي ذوق ل الساعات الرجال تساعدني ومدت كفها بحركه طفوليه وبدون وعي
ضحك بخفه وصافح كفها قال بساعدك ليش لا
نجد:يس شكرا تياام بعدها استوعبت قالت :لا جودي مو كذااا
قالت :اسفه مو قصدي بس تحمست
تيام:عادي
دخلو المحل توجهو للمحل الساعات ودق جوال تيام قال: ادخلي وشفي الساعات على بال ما ارد
نجد:تمام
دخلت نجد وكلمت الموظف وقالت ابي ساعات رجاليه
الموظف :تمام تفضلي
نجد احتارت وقالت ميد الموظف وش تشوف حلو بينها دخل تيام وعلى دخلته قال الموظف :ايذا تبين الساعه ل زوجش واشر على تيام
نجد بحده:ولد عمتي
الموظف:اسف
تيام: الي حس بشعور غريب اول ماقال زوجش وقال :لاعادي ها اخترتي
نجد:اعجبتني ثنتين هاذي وهاذي وش رايك
تيام:الاولى احلا تصلح لعمي
نجد:اوك بخذها وباخذ معها كبك وقلم ومحفظه
تيام :تمام لو سمحت حطها لنا ف بوكس
الموظف:تمام راح الموظف وجهز ها لهم
قالت نجد:ابي محل الورد الي جب المحل
تيام:تمام
خلص الموظف وعطاهم الكيس وتوجهو لل محل الورد
قالت نجد للموظفه: لو سمحتي ابي تسوين لي هاذي الهديه بهذا الشكل ورتها نجد الشكل
الموظفه :تمام تبين اكتب انا ولا انتي
نجد:لا انا بكتب
عطتها الموظفه البطاقه والقلم وكتبت نجد:كل عام وانت اجمل شخص فالدينا عقبال المئه عام ياروحي ابنتك نــــٌجَد ❤️
اول بارت لي مادري اذا كان جيد او لا بس انشاءالله
يعجبكم💖
<اعتذر ايذا فيه اغلاط املايُه >
