خلصت نجد الرساله وعطت الموظفه وحطتها الموظفه مع الهديه وعطت نجد وكانت ثقيله فجا تيام يبي يشيلها فتلامست ايديهم ببعض وتوترت
نجد وشالت يدها بسرعه وبدا صدرها يصعد وينزل
وتيام بدا صدره ينزل ويصعد من تلامست ايديهم ببعض وحس بنفس الشعور الي حسه ف المحل الاول قالت نجد بعد صمت للحظات :اا يلا نمشي
تيام:يلا يلا
توجهو نجد وتيام ل المكان الي اتفقو انهم ايذا خلصو يجونه فتاخرت لين قالت نجد:بروح اخذ لي قهوه تبي شي ؟؟؟
تيام:ايذا فيه v60 جبي لي
نجد:تمام
راحت نجد وطلبت اثنين v60 وجا ولد يكلمها ويطلب سنابها طنشته نجد ولا عطته اهتمام الين جا وبغا يلمس يدها قالت بصوت عالي:بعد ماعندك خوات انقلع
الولد:ماعندي خوات يازين الي يقلعني تبين نروح نتقهوى
جا تيام وحس بعصبيه مدري ليه عصب بس انقهر منه وقال :نعم خير وش تبي بالبنت ؟
الولد:شدخلك اختك ولا زوجتك ذي حبيبتي الجديده وغمز ل نجد بطريقه مستفزه بزايده انصدم تيام منه وعصب ولا قدر يتمالك نفسه وقام وعطاه بوقس فوجه وطيحه وف الأرض وكمل عليه ضرب الين جو رجال الامن وبعدوه عنه اول ماخلص خذا تيام v60 صبه فوجه الولد وقال ايذا اهلك ماربوك انا اربيك ياابن الكلب وقال ميد الموظف عطني اثنين v60 ونجد كانت مغطيه عيونها من اول ماضرب تيام الولد وهي فيها غصه قال تيام:
لاتخافين عادي هاذي المواقف تصير كثير وانا اسف ادري ان مالي دخل بس ماقدرت اتحكم باعصابي
نجد:لا عادي وشكرا لك على ضربك له ودي انك زدت ضرب
ضحك تيام بخفه وقال:تبين ازيد بروح له ترا ماعندي مشكله
ضحك نجد بخفه قالت:لا لا مايحتاج يلا اكيد لين قدهي هناك
تقدم تيام وخذا v60 عطا نجد حقتها وتقدمو لل المكان فيما هم يمشون قالت نجد:ممكن انك ماتعلم حد السالفه الي صارت
تيام:ابشري ولايهمش
وصلو حصلو لين قالت لين:سنه وبعدين ليه رايحين ومخلين الهديه تخيلو تنسرق محد يقدر منكم يقعد عندها ؟؟ ناضرت نجد تيام وقال تيام:هي الحين مسروقه ؟
لين:لا ماهي مسروقه
تيام:طيب ليه العصبيه
لين:ليه رحتو كلكم
نجد:اا خفت اروح لحالي بعدين يلا اخلصو باقي ورنا دوام
توجهو للبيت وقف تيام عند بيت نجد وقالت نجد:الهديه والاغراض خليها عندش وتعالي لي بها بكره مع حد عشان محد يشك
لين:تمام بجيبها انا وتيام لانه يدري تم يا تيام؟
تيام:تم ليه مو تم
نجد:مع السلامة يلا تصبحون على خير
لين وتيام:مع السلامه وانتي من اهله
نزلت نجد ودقت الباب فتح لها سعود وبيده ورد قامت نجد وسلمت على سعود وشالت ورد ودخلت بها جوا حصلت حنين وجينان وامها يسلفون يتقهون جت سلمت عليهم وتقدمت قبلت راس امها وجلست وسألتها جينان وين الي قلت ميدش ؟
نجد:لااا نسيت تكفين والله اني نسيت عشان بكره
امها:وش عندش بكره وروحتي قلتي ابي اغراض وينها؟؟؟
نجد:بس رحت اجيب اغراض لل الشروع وخليتها عند لين
امها:متأكده وغمزت لها وقالت:اعرفش زين يانجد قولي قبل لا اخرب عليش
نجد:اميي كيف تعرفين خلاص بقول بس وعد ماتعلمون ابوي وانتي يا جينان اعرفش ماتسكتين
جينان وحنين و امها:خلاص وعد
قالت نجد :بكره تاريخ كم ؟؟
امها:٦/٤ ليه
نجد:وشش يصير فهاذا اليوم
حنين:عرفت عرفتتت
نجد:قولي لهم
حنين:بكره يوم ميلاد بابا
جينان وامها :صدققق!!
نجد:اي فرحت انا ولين نجمع فلوس ورحنا نجيب ل ابوي هديه وكم غرض لل الحفله
حنين:تدرين اني جايبه له هديه وكنت ببارك له واعطيه ايها بس فكرتكم حلوه
جينان: طيب انا مجبت له
امها:حتى انا بس بكره بروح انا وانتي الصباح قبل دوامش تمام
جينان:تمام
نجد:يلا بروح انام تبون شي
كلهم:لاسلامتش
راحت نجد وخذت لها شور سريع وسوت سكين كير ونامت وكل واحد راح ل غرفته
