Intersection of Ribbon

-4-

''လမ်းကြောင်းရှင်းရဲ့လားChan''

''ရှင်းပါတယ် Boss ပွဲစီစဥ်သူတွေဘက်ကလုံခြုံရေးအပြည့်ချထားပေးတယ်ပြောပါတယ် ကျွန်တော်တို့လူတွေလည်းပါတော့အင်အားတောင့်ပါတယ်''

''အင်း ဒါဆိုသွားဖို့ပြင်တော့ နောက်ကျနေရင်မကောင်းဘူး''

''ဟုတ်ကဲ့ပါ Bossထွက်လာပြီ အားလုံးအသင့်ပြင်''

Chanကသူ့လူတွေအကုန်လုံးကို အသိပေးပြီး ရိပေါ်နဲ့အတူအခန်းထဲကထွက်လာခဲ့တယ်..

ဒီနေ့ပွဲက Canadaမှာရှယ်ယာရှင်တွေတွေ့ဆုံပွဲရှိတယ်..ပြောရရင်တော့ night partyပွဲလိုသဘောမျိုးပေါ့ ရှယ်ယာရှင်တွေတွေ့ကြဆုံကြစကားပြောကြတဲ့ပွဲမျိုးပါပဲ..ထူးထူးခြားခြားကြီးတော့လည်းမဟုတ်ပေမဲ့ ဒီလိုပွဲမျိုးကသတိကြီးရတယ်..တစ်ချက်လေးအငိုက်မိသွားတာနဲ့ အခြေအနေတွေကဟန်ချက်မညီဖြစ်သွားတတ်တယ်..ဒါကြောင့် ရိပေါ်ရဲ့လူတွေကသေချာစောင့်ကြည့်နေရတယ်..

ရိပေါ်ကလူငယ်တစ်ဦးဖြစ်တဲ့အပြင်ကိုမှ သူတို့ထက်ခြေလှမ်းပိုသွက်ပြီး အချို့ရှယ်ယာရှင်တွေလိုချင်တဲ့လုပ်ငန်းစုတွေကိုလည်း လက်ဦးမှုယူပြီးချဲ့ထွင်ထားတော့ အချို့သူတွေက ရိပေါ်ကိုမျက်နှာဖုံးများနဲ့သာဆက်ဆံကြသည်..မျက်နှာမှာပြုံးရယ်နေပေမဲ့ ရင်ထဲမှာတော့ အခဲမကျေတဲ့အနေအထားကြီးတွေနဲ့ပေါ့..ဒါကိုလည်းရိပေါ်ကသိသည်..စကားများများအဖက်လုပ်ပြောမနေဘဲ ပြုံးပြရုံသာဆက်ဆံသည်..

ဒီနေ့ကပြည်ပခရီးစဥ်ရဲ့နောက်ဆုံးရက်ပင် အရှေ့ရက်တွေမှာ လေလံပွဲတွေ အစည်းအဝေးပွဲတွေနဲ့ လုပ်ငန်းသစ်မိတ်ဆက်ပွဲတွေမှာ အရာရာဘေးကင်းခဲ့သည်.. လုံခြုံရေးလည်းကောင်းပြီး စိတ်ချရတာမို့ အရင်ပွဲတွေထက်စိတ်လုံခြုံမှုရခဲ့သည်..ဒါကြောင့် အခုနောက်ဆုံးရက်ရဲ့partyပွဲမှာလည်း စိတ်အေးနေကြရပေမဲ့ သတိတော့ထားရသည်..

partyပွဲပြီးသည်အထိ ဘာမှမဖြစ်တာကြောင့် hotelကိုစိတ်အေးလက်အေးပြန်လာခဲ့ကြသည်..

ရိပေါ်ရဲ့ကားအရှေ့တွင်တစ်ကားသွားပြီး သူနောက်တွင်တစ်ကားသွားသည်..

''Chan မနက်ပြန်ဖို့အတွက်အကုန်ပြင်ဆင်ပြီးပြီလား''

ကားဘောင်ပေါ်လက်တင်ထားပြီး နားထင်ကိုဖိကာမျက်လုံးများမှိတ်ရင်းမေးလာသည်..