أعمياء الحب

Bart-2

﷽
بقلـمي : مريم الـحسن
Mariam_Al-Hassan
oua_.13
انسـتا
- شـاطراني..
لسـانك لو تـحبني شاطراني
واكـرهة الذي بـحبك شاطراني
خذت مـيه بمحبتك شاطر اني
اذاً غـصباً عليك تصير اليـة"

•-Bart-2-•

السـاعة 4:44 مسـاءً ...

نهضت وبديت افتح عيوني شوي شوي المكان عندي غواش بس هيه دقايق حته توضحلي احنه بالمستشفى ولريحه تكتل لزمت راسي على اثار الالم الفضيع الديصير بي لكيته ملفوف بشاش

مُمرضه : الحمدالله على السلامة

نطقت بصوت خافت وردفيت

مـذهب : وين اني لحضه انتِ منو. شهل مكان وين امان صارله شي؟؟

مُمرضة : اهدي عزيزتي تره حاطيلج كانونه لا تتحركين وتنوجعين اكثر

نترت ايدها مني بس هيه ثواني ورجعت غمضت عيني ونص ساعه وفتحتهن

لكيت عمتي فوك راسي تبجي عمي يجي ويروح على طول الغرفه نور كاعده مقابيلي ولازمه ايدي وبس الصراصير تنسمع وبكائهم

أحـلام : كعدت كعدت

كلهم اتجمعو داير مدايري واني راسي موتني حيل راساً نور ذَبت نفسها عليه وحضنتني وكعدت تبجي وتقول

نـور : خفتتتت خفتتت اخسرررج خفتتت هلل شعوورر رااح يمووتني انييي ماعندي ااخت غييرج لو صاارلج شي انيي مااضل عاايششه مستحييييللل

تبجي وتشهك حطيت ايدي على ضهرها وكلت بصوت شبه مسموع

مذهب : ا، أمان ش، شلون صار؟

نـور : ز، زين زين لا يضل بالج هس، هسه اتطيبوون ونررجع سوه لبيت اي اي هههه لا هسه مثل الحبابين تطيبون ونرجع ناكل ونضحك ونتعارك خوش اي اي

أحلام : يمه ابتعدي عنها اذيتيها

بسرعه بس سمعت كلام امها ابتعدت عني رادفه بقلق وخوف مليان قهر

نـور : ا اسفه

داجرها لحضني مانحس غير بسرعه طلعت من الغرفه حيل قهرتني وخلتني ابجي