أعمياء الحب

Bart-3

﷽
بقلـمي : مريم الـحسن
Mariam_Al-Hassan
oua_.13
انسـتا
تِعَنيت لِـ أَهل الوَرد
رِدت أَشتري وَرده
صادفني أَسمَر حِلو
تِبسملي و تِعَده
اشتَميت ريحَة عِطر
تِسوة أَلف وَردة
ثاريها مو بِالوَرد
ثاريها مِن عِنده

•-Bart-3-•

"نــــــــــور"

هما يتناكرون واني بكلبي اكول وجت ياعلي ماعرفت شلون افلت لان اني مو جوي واجوائي هاي المواضيع ولعركات لا عرفتها عركه ولا موضوع للنقاش

انسحبت شوي شوي وبسرعه ركضت للبيت دخلت رحت اشوف ماما شتسوي لكيتها تخيط ملابس بابا

أحلام : ايي همزين اجيتي هستوني داكوم اصيحلج

استغربت على شنو تصيحلي منها من الشيطان والله جديات ماما بحياتها ماطلبتني بموضوع هاي اول مره بحياتي اسمعها تكول هستوني ردت اصيحلج

ابتسمت وكعدت يمها وردفيت

-كولي ماما

- كومي منو كلج تكعدين

اختفت ابتسامتي وبينت عليه ملامح الانزعاج كمت ابين مو منحرجه بس كلش ضايقني تصرفها واسلوبها وياي حافظت على ابتسامتي المتصنعه

-تمام يمه شنو تردين

-كلشي ماريد مو كلش موضوع مهم بس كولي لمذهب تجهز نفسها جايينه خطابة الها

-شنووو ماما بعددها صغيررره وتدرس ومستحيل تقبلل من كل عقلج ترديين تزووجيهاا

-دنجبي واكلي خرا ماماخذه رائيج اني

هزيت راسي رافضه رادفه

-امـان مستحيل يقبل ماما حتلو هيه قبلت هووا مستحييل يقبل!!

ضحكت وكالت

-بلاا وانتِ تقرين افكاره وبعدين الزواج قسمه ونصيب نشوف ماخسرانين يلا ولي وجهج على مذهب وبلغيها بس كليلها خطار لتكليلها خطابة هيج راح تعاند وماتقبل تبدل