حوراء المحمداوي ...
بقلمي « مهمة سرية »
°°°°°°°°°°°°°°°°°°°°°°°
يعلمك الزمن ألا تلهث وراء ضوء
يخفت لتعيد وهجه
ولا وصل ينقطع لتصلحه
كل ما تلاشى من حياتك
كان ببساطة ذاك حجمه فيها وانتهى
::: __ يقين __ :::
جعفر: اي يقين
يقين: نعم
وكف مقابيلي وخله ادي بجيوب البنطرون
جعفر: شنو تهمتج ومن اي مركز اجيتي
يقين:صفنت بوجهه واراجع سؤالة براسي معقولة هل شي حقيقي ؟ لو اختبار اخير يكشفون مدى صبري وتحملي للمهمة اليودوني الها ؟
جعفر: ويين صفنتيي
يقين:قطع صفنتي صوت نبرته العالية باوعت بعيونة احاول التمس الامان خاب ظني بتكرار سؤالة الثبتلي اني بمكاني الحقيقي مو مجرد اختبار
جعفر: شنوو تهمتتج
يقين: تراجعت خطواتي للورا وتابعت كلامي بتوتر :
جريمة قتل
جعفر: قتل! قتلتي منو وليش
-غمضت عيوني بتعب
زوجي قتلت زوجي لان خاني بنص بيتي
راح بتجاه المكتب سحب الكرسي كعد عليه وفتح احد السجلات الموجودة كدامة
: اسمج ماموجود بالسجل؟ شوكت اجيتي وليش ماعندي سجلج
-اليوم اجيت وما ادري اباقي الاجراءات
:بأي مركز ومنو الحقق وياج ؟
-صفنت ثواني استرجع ذاكرتي لاسم سجن النساء الجنت متوقعة مهمتي بي : جنت بسجن ****
نزل شفايفه للاسفل وسد الملف
:هيج سجن ميحول المركزنا بدون علمي
فهميني شلون نقلوج هنا بدون ميكون عندي سجل لمعلوماتج؟
- مدري
:جنتي بالحبس لو
-لا خلوني بالنظاره المفردة اسبوع سجلو اقوالي واقوال الشهود بعدها نقلوني هنا اما سبب نقلي وعدم اخبارك بوجودي واحضار سجل التحقيق تكدر تحقق بهل شي بنفسك مو تسألني
:اللسانج طول قبل ثواني جنتي خرسه
-انتبهت لصوتي ونبرتي التهجمية دنكت راسي وعصرت ادي امثل الندم … آ آسفه ما ما انتبهت لنبرتي
:مانتبهتي؟
-اي سيدي
باوعلي بأنزعاج وصاح على الشرطية البرا ثواني ونفتح الباب ودخلت …
مها :نعم سيدي
جعفر:اخذيها للحبس الانفرادي وماتطلع منه لحد ما ارجع
أنت تقرأ
مهمة سرية
Actionكنبتة متمردة على الارض ارادت ان تعلو فسكنت على قمة جبل شاهق ... من تحت جذورها امطرت السماء كثيرا لكنها لم تحصل على قطرة ماء واحده ماتت ..! فكان ارتفاعها سبب موتها #حب #حرب #فراق #خداع #سحر #انقاذ 🚫ما اسامح ولا ابري الذمه الياخذ الرواية بدون علمي...
