بين الحقيقة و الوهم

البارت الـ 3

زين العابدين : حسيت بشعور اول مره احس بي ما بين قهر ما بين عصبية ما بين انهيار ما بين انكسار اني متأكد امي خلاص ماتت و اخوي يبجي بكل حركة كلب كدام عيني يم امي و يكول يمه ردي عليه اني مو ابنج و امي ما ترد هذه شي فوك طاقتي بذيج اللحظة اريد بس انتحر و اخلص من الي اني بي هذه فوك طاقتي

علي الاكبر : يمه ليش ما تردين عليه ولج يمه ررردي
زين العابدين : حاولت اسيطر على نفسي بس ما اكدر منظر صعب اتحمله ما بين خسارة امي وما بين انهيار اخوي على امي وما بين انكساري فجأة دخل علينه دكتور

الدكتور : انتم شسون هنا انتم ما لازم تكونون هنا امشو اطلعو يله انتم منو دخلكم منو سمحلكم دخلون
زين العابدين : اخوي هو دخل هنا و اني جنت ادور عليه

دكتور : يله اطلعو ما يصير يدخل احد هنا غيرنه احنه حتى الممرضين ما مسوح الهم يدخلون بس اني وكم واحد وياي
زين العابدين : الي صار مو بقصد بس اخوي دخل هنا و اني ما ادري بي

دكتور : خلص مو مشكله اطلعو يله

زين العابدين: علي كوم ما لازم تبقه بهذه مكان

علي الاكبر : ولك شلون اطلع شلون اعوف امي ولك هاي امي روحي من الدنيه امي

دكتور : ابني انته ما لازم تبقه هنا
علي الاكبر : اسكت ولك اني مو ابنك لا دكول ابني اني ابن امي

دكتور : تمام انته ابن امك بس كوم يله اطلع

علي الاكبر : ما اطلع ما اعوف امي

زين العابدين : شلته و طلعته صار يصيح و يضرب بيه

علي الاكبر : ولك ليش هيج سويت رحعني على امي

زين العابدين : اخي ما يصير هيج اسوي و شبيك تضرب بيه امي راح تصير بخير

علي الاكبر : جذاب انته جذب عليه

زين العابدين : ما اجذب عليك و هذه دكتور و راح اساله كدامك

علي الاكبر : يله اساله كدامي

زين العابدين : دكتور من رخصتك

دكتور : هاا عيني تفضل

زين العابدين : دكتور امي مو راح تكون بخير

دكتور : ان شاءالله راح تكون بخير و راح ترجع للبيت

زين العابدين : هاا علاوي شفت مو كتلك

دكتور : بس انتم ما لازم تبقون هنا لازم ترجعون للبيت و شيصير احنه نبلغكم

زين العابدين : تمام دكتور ممنونين

دكتور : درت وجهي و مشيت والله اول مره هيج يصير بيه رحت بالحمامات ابجي من قهر ما كدرت اكللهم امكم توفت هيه من وصلت ميته كلت لا تنكسر كلوبهم