هلا عيناي شلونكم ان شاء الله مو بخير المهم اني فصليه وحبيت اروي قصتي الكم وتشوفون التمسلت بعينكم✨✨
اني اسمي رسل عمري 19 سنه بعدني بيبي المهم طولي 170 وزني60 زين يعني شعري قصير مو كلش اسود لونه واني حنطيه لا سمره ولا بيضه المهم كتلكم اني غير من الفصليات✨
عائلتي متكونه من
امي: مريم عمرها 46
ابوي: محمد عمره49
اخوي: ادم عمره 24
اختي: شهلاء عمرها20
عندي بس اخت وحده واخو واحد واني يعني 3
المهم هسه نبدي بلتمشخط✨✨✨✨
جنت راجعه من الجامعه اني مرحله اولى قسم تصميم فنون جميله نزلت من الخط لبيتنه احنى ساكنين ب بابل المهم اشوف هوسه يم الباب وزلم كومه وصريخ والوضع زفت زفت حرفيأ اني انهارت اعصابيي من شفت هيج دخلت ركض للبيت وصلت الباب اريد افوت ماكدر هواي رياجيل ولد فروخ هم المهم لن واحد منهم خزرني خزرهه متت بدمي تخيلو متت ورجعت عشت بدقيقه وكفت الدم بعد ميمشي بيه من الخوفه المهم كتلكم شوفو التمسلت
ف شنو دخلت للبيت امي واختي واخوي يبجون وكعت بحضن امي ابجي هم كلتلها شكو كالت ابوج كتل واحد بحادث سياره اوف شصار بيه وكتلها هسه ابوي وين كالت بلمستشفى يمه يمه الدم نشف يمي وكعت ابجيي انهاريت اله شويه اموت اوف اوف المهم ف شنو الناس والجيران وعمامي وخوالي يمنه واني ابجي وهوسه واني ابجي اجه عليه ابن خالي طبعا يحبني يموت بيه بس اني لا المهم كلي
اسمر: على كيفج عيوني راح تموتين من البجي ان شاء الله نلكه حل
رسل: لا منلكه حل ورجعت ابجي
راح عني اسمر بعد ما كالي نلكه ان شاء الله رجعت ابجي وفحطت هم من الضحك على روحي ✨
المهم ثاني يوم سو كعده عشاير وكالو نريد فصليه اجه اخوي شايط شنو فصليه و500 مليار انصدمت من المبلغ واجه ببالي قصص الفصليات شلون يرحن ويكتلوهن ويحبهن البطل كزاز لو لايلون المهم البطل يحبهن ويعيشن حياتهن اوي المهم كيفت حروح فصليه بس مجنت اعرف شمنتضرني اوف اوف همزين رحت
اجو كلولي ووافقت بسرعه ثاني يوم ودعت امي واختي واخوي واسمر شبع بجي عليه خيولي المهم ف شنو رحت لهناك وطبعا همه من البصره وصلت للبيت واني انصدمت من جماله اوف اوف يجنن
نزلت من السياره وطبعا اني مكتلكم اني مو محجبه وجنت لابسن بنطرون اسود عريض وقميص اسود ستن هم عريض مو مخصر وچركز اسود وشعري قصير بس حطيت اله فيونكه وردي وحطيت حمره نود وعليها كلوس ومساكره وبلشر وعدلت حواجبي وخليت عطر وطوخت شاماتي طلعت اجنن اوف اوف
نزلت ولن اشوف المخيزر يجيني من هذا الولد الشفته يم بيتنه يمه متت بدمي وهاي المره متت دقيقتين وعشت اوف اوف المهم بقيت اباوع اله بعين صلفه المشكله هوه يجنن طويل ولابس دشداشه بيضاء وشعره طويل يجنن ولحيه ورموش وضخامه اوف اوف المهم نزلت من السياره وودعوني عمامي واخذني الولد الحلو للبيت بس مجنت اعرف شمنتضرني
.
يلا كافي ولو عني تعبت واني اكتب التمشخط✨✨✨ انتضروني ببارت يلعب النفس تقريبا نفس التمشخط وازيد يلا سيوو بيبيز✨
