مريم بصدمه :ســــــــآلم
سالم بعصبيه و هو يتنفس بقوه : هيه سالم سالم اللي خدعتيه
مريم بارتباااك : أنــ.......أآآآننننـ
سالم بالم واضح من صوته : بس بس كلل شي واضح يا مريم كل شي واضح
وارتفع صوته شوي شوي : لييييييييش .. لييييييييييييييييييش
و قرب صوبها يباا يعطيها كف
لكن مسكته يد كان يعشقها .. مسكته بقوه و عناد و طالعت في عينه بقووه : لين هني و خلاااص تراني عطيتك ويه بزيااده ياخي افهم افهههههههههم انا ما احبــــــــــك ما احبك .. احب فلوسك اللي كانت مصبرتني عليك و على ملاغتك يالسخيف
سالم بعصبيه و بصوت عالي انتشرفالمول كله : جــــــــــــــــــــــــ ـــــــــب
فهاللحظه كل الناااس التفتو لهم و عين بطي ما فارقتهم اللي تقريبا فهم القصه اللي بينهم
قرب صوب سالم و قال بصوت خفيف : هدي هدي يا سالم العالم كلها صارت تطالعكم
سالم لف و انتبه لهم يطالعونه بفضل كانهم يطالعون مشهد في مسلسل او مسرحيه
قرب من مريم زياده و قال بصوت خفيف و هو يصرعلى ضروسه : انا اراويج يا بنت اللذين و الله .. و الله لانسيج اسمج
طالعته ببروود عكس خوفها منه و من نظرته اول مره تشوفه معصب جذيه
خوز يد بطي اللي على كتفه بعصبيه و قفاا عنهم و هو معصبب
...
في كارفور عند ميثاني و عبدالله
عبد الله بتعب و ملل في نفس الوقت : اووف مامليتي من الدواره لفيتي المول كله فهالساعتين
ميثاني : تفو تفو عن تدقني بعين خلني اتشرا برااحتيه دامه من فلووسك
عبد الله : ههههه ان كيدهن عظيم
ميثاني : عندك مانع الشيخ
ميثاني : لا لا افا تشري على راحتج امرره الفلوس فلوسج بس خلصينا الله يرحم والديج
ميثااني : هههه اووك شووف شوف هالكعب كشخه " و اشرت عليه "
و قربت صوبه تبا تمسكه و في نفس الوقت حرمه ثانيه شلته
ميثاني باحباط : لاااااا
البنت : تبينه خلاص ماباه
ميثاني رفعت راسها هالصوت مب غريب عليها و طالعت ويه البنت من تحت الغشوه و صدق احساسها
قالت بتردد : مهاااري
هني فز عبدالله و طالع البنت اللي توه ينتبه لها
مهااري رفعت راسها و طالعت ميثاني اللي كانت متغشيه بعد : اووه ميثاني
ميثاني فجت غشوتها و قالت بفرحه : ههههه انتي شو تسوين هني
مهاري فجت الغشوه يوم شافت المحل فاضي : بلاج امس قلتلج انا بني هوونا و باتمشى مع اماايه و الرياامي
ميثاني و هي تمثل انها نست : صح نسيت وينهم عيل ما اشوفهم
مهاري : فهووم سنتر اللحين بيوون تعالي معانا
ميثاني و هي تلف على عبد الله : لا لا انا قااعده مع عبد الله خويه تعرفين لازم نخليه يفلس اليوم هع
مهاري : ههههههههههههه يالمكاره
ميثاني : يلا حبي عيل ما ابا اخخرج انا بروح مع عبد الله الحين
مهاري و هي تحبها على خدها : اوكي سي يو حياتي
ميثاني : سي يو تو
هني مهاري لفت على ميثووه و بالغلط طالعت عبد الله يطالعها و ما خوز عيونه عنها
هني حمدت ربها مليون مره انها ردت تغشت بعد ما سلمت على ميثاني و لا ويهها الطماطه بيبين صدق من الاحراج
ميثاني و هي تغمز حق عبدالله : هاا شرايك
عبد الله و هو توه ينتبه لها : هااااااااه
ميثاني : بلااااك تنحت بصراحه ما الوومك و لا حد يشووف هالزين و ما يتنح ها اعتبره موافقه
عبد الله بغباء : موافقه على شو
ميثااني : على خطبتك بعد شووو و ها تراك شفتها لا تقول ماشفتها تراني متعمده اخليك تشوفها و على ما اظن تراك شفتها قبل و لا " و غمزت له "
عبد الله تووه استوعب السالفه : ايا الخبيثه كل هذا تسوينه و نحن ما ندري عن شي
ميثاني : ههههههه انا ميثوه و الاجر على الله هاا شو قلت نخطبها لك
عبد الله و هو يتذكر شكل مهاري يوم تضحك : اكيد
ميثاني : راح فيها الاخ
...
في امريكــآ
راحو سيف و سالم مشي لشارع ....... و هم يمشون سيف شرح باختصار حاله مطر
سيف : الله يسلمك نحن الحين مروحين لواحد اماراتي اسمه مطر و على فكره هو اخو مها و ا يعني تقدر تقول واحد صايع لانه مالقى حد يهتم فيه و مايصلي و مرابع شله من هالصيع
سلطان : اووف اووف خييبه كل هذا في اخو مها .. انزين نحن شو المطلوب منا
سيف و هو يطالع سلطان بجديه : نحن لازم نرجعه لحالته الاووليه لان اللي عرفته انه من رابع هالصيع استوى جذي يعني مب من زمان و خصوصا عشان خاطر مها لان شكلها تعاني منه فهمتني
سلطان و هو يضرب على كتفه : اووونه كل هذا لعيون مها
سيف : تقدر تقول جذي ^ــ*
سلطــآن : ههههههه عيل خلاص تم يلا ويااك شو نسوي بعد
سيف : بس بس انطم اكيد هذاك اللي فالمطعم
سلطان : ههه يبين من شكله انه صايع
سيف : يلا خلنا نروح تاخرنا عليه
سيف و سلطان : السلام عليكم
مطر : هلا
سلطان بصوت خفيف و كانه ما ارتاح لشكله : انزين رد السلام مثل العرب
سيف و هو يدقه عالخفيف : بس انطم لا تفضحنا
و قال بصوت عالي : ظنيه انت مطر صح
مطر : هيه نعم و انت سيف
سيف : هيه انا سيف و هذا ربيعي سلطان
مطر : يا هلا .. نعم تبا شي
سلطان بنقمه : حتى ما يعرف يرمس طالعو انتو
سيف : احم و الله نحن شفناك و يعني عاد حبينا نرابعك تعرف اماراتي و مب من كثر الاماراتيين هني
مطر : هيييه .. بس انا ما ارابع ناس ما اعرفهم " و طالعهم باحتقار " عندي ربع يكفون و يوفون
سلطان هني عصب و نش قال بصوت عالي : الله يغربلك يالصاايع من زين ربعك احينه كل واحد اخيس عن الثاني .. قم قم سيف مالنا قعده هني
مطرقام و كنه بيضارب ما صدق : اييييييه ايييه شتقول انته من زينك عيل استغفر الله طالعوو شو لابس وين يالس انتته " سلطان و سيف كانو متفقين يلبسون كندوره عشان مطر << بدايه التغيير "
سلطان عصب منه : لاعاد مصختها تراك هذي كندووره اماراتيه ظنيه ما تعرفها و لا تعرف بلادك و لا تراثك و لا عاداتك بس مب منك منا نحن يايين عندك
مطر عصب منه زود و قرب صوبه و ضربه و بدت الضرابه
سيف طالعهم و هو يهز راسه : لا اله الا الله هاذيلا اللي بيخربون كل شي سويته
و بدا يفكك بينهم و هو يقول : هدو هدو اللعب شباب
بعد حوال عشر دقايق من الصراعات النفسيه و الجسديه و الصوتيه قدر يفكك بينهم
تم يلف ويهه مره على مطر و مره على سلطان و هو يطالع نظراتخهم الناريه اللي بين بعض
مطر : انا الغلطاان اني رضيت اقابلكم
سلطـآن : و ـآآآ ...
قاطعه سيف وهو يطالعه بنص عين و لف على مطر : افا بس افا هد اللعب بو الشباب نحن ما اتفقنا على جي الحين نحن قلنا بنتمشى معاك شوي نفرفش مع بعض مافيها شي ترانا كلنا من بلاد وحده و كلنا اماراتيين و عرب
مطر : انا اتفقت اقابلك انته مب هو
سيف : خلاص خلاص هدووو و خلو عنكم شغل اليهال خلونا نتمشى شوي
مطر : لــ...
قاطعه سيف : ماشي اعذار يلا عشاني
مطر : خلاص شو نسوي بعد
سيف : يلا سلطان " و طالعه بنظره "
سلطـآن : الحين بيي
...
...
عند ساروه .. فتحت تلفون البيت و هي تدق على ارقام فون شويخ بعد ما كبرت علاقتهم و تحولت لصداقه بس الى الان ما صار أي تغيير فشويخ و هذا اللي خلا سارووه تفكر هالفكره
شويخ : هلا و الله بالغلا
ساروه : اهلين شواخي شحالج
شويخ : و الله تمام و من صوبج
ساروه يسرج الحال .. اقول شواخي انا داقتلج و ابا اطلب منج طلب و اتمنى ما ترديني
شواخي : امرره تم فالج طيب
ساروه بتردد : اـ شرايج نروح الصالون اليوم
شواخي بحده : لييش
ساروه بخوف من رده فعلها : امم عشان اقص شعريه شويه و منها نعدل عمارنا
شواخي بقوه : لا
ساروه باحباااااط قوي : ليييش
شواخي : خلاص سكري الساالفه انا قلت لا يعني لا
سااروه : بس انتي قلتي تم
شواخي مسكت عمرها : خلاص اووكي بس لاني قلت تم بيي معاج الصالون بس اتعدل لا
ساروه و هي تقول فبالها باقنعها فالصالون : خلاص عيل بنتلاقا فصالون ....... الساعه 5 لا تتاخرين
شواخي بملل : اووكي يلا باي
ساروه : باي
...
فالفندق في فرنسااا
طبعا هذا حالهم من امس لا هو يكلمها و لاهي تكلمه خلاص وصلت حدها منه و زعلااانه منه واايد على كل التصرفات اللي سواها و خصوصا اخر موقف لهم هي تتالم من زمان و هي بقربه فاحسب حل البعاد على انها لين الحين تتالم رغم انهم ما يتكلمون و متقاطعين
يعني تسويله الاكل و تحطه فالمطبخ و ترد حجرتها تطالع الجو و لا تكتب أي شي و اذا طلع ترووح الصاله تطالع التلفزيون
كانت قاعده فالصاله تطالع فلم و لابسه بجامه بنطلون ابيض و كله دباديب صغار بالوان وايده " احمر ازرق اخضر اصفر برتقالي ....... الخ " و القميص كامل ابيض و فالنص دبدوب عود لونه احمر و مسويه عقص طبعا هي هالايام ما تتعدل لانه اصلا مالها بارض تتعدل
دخل عليها و ما انتبهت له فتحسب انها رضت عليه فرح و قعد عدالها
اول ما حست بانه موجود علطول فرت الجهاز و قامت
مسكها من يدها : قعدي بلاج انتي كني شبح من دخلت فزيتي و خشيتي فغرفتج
مهاري طالعته و قالت بصوت واضح : اننت صدق انسان متقلب و مزاجي فنفس الوقت " و خوزت يده عنها "
طالعها بصدمه .. ابصم بالعشر انها مب مهاري الاوليه مستحيل مستحيل ان هاي مهاري .. مسكين ما تدري ان الانسان على كثر ما يكتم ينفجر في وقت ما يتوقعه أي احد ..
قبل لا توصل الباب قال : ترا طيارتنا اليوم فليل تجهزي
مهاري قالت بصوت خفيف : و اخييييييرا " على انه قلبها يصرخ لا لا ماشي باقي على فراقنا لا "
...
في بيت ابو سلامي
سلامي و هي تصارخ : اماااايه امااايه
ام سلامه : هااه هااه بلاج تباغمين من الصبح
سللامه : لحقــــي
أم سلامه و هي تحط يدها على قلبها : بسم الله شو صاير
سلامه : اقووووووولج عويش رقدوها فالمستشفى من يومين و نحن ما ندري
أم سلامه : يا فضيحتنا عند ام عااشه اقولج نشي نشي ييبي عباتي و لبسي عباتج انتي بعد
سلامه : اخيييج لا يكون تبيني ازور عويش لو الموت روحي روحج ما بروح
ام سلامه : اقولج قومي عن اييب العصا المحنايه احينه يلا بسرعه مافيني على بزا البنات انا
سلامه : انزين انزين عن تعصبين بس كله و لا العصااا برووح برووح
راحت و هي تتحرطم على سالفه العصا .. الحين انا عمريه 17 و بعدها تهددني بالعصا لاااحوول
...
عند شموه
ياربي شوهالملل الفظيع بلاااها عويش ما ترد علي من يومين اخااف فيها شي لا لا ما اظن هاي عويش مب أي حد يغلبها
ام خلني ادق حق محمد منها اساله عن عوش و منها اسمع صوته العذآآآب
و اخيرا رد بعد حوالي 5 مرات دقيتله فيها
محمد : نعم
شما بدلع : هلا محمد
محمد بملل : تبين شي
شما : افا افا بلاك جيي انا داقه اسالك عن عويش
محمد : هي بلااها
شما : من يومين و انا ادق عليها ما ترد شو فيها صار لها شي
محمد باستهزاء : ههه عويش من يومين فالمستشفى و تتووج تسالين عنها
شما و هي تشهق : اويه بلااها
محمد : مادري ياتها حاله عصبيه و اليوم ظنيه بتطلع
شما: اووك اوك انا يايه
محمد : باي
و سكر التلفوون فوييهااا .. لا اله الا الله انا ناقصنها هااي الله يصبرني عليها بس
بعد حوالي ربع ساعه
وصلت شما المستشفى و هي و لا كانها رايحه المستشفى يعني ريحه عطرها وااصله اخر الشاارع ^ــ* و طبعا ماله داعي اوصفلكم شكلها لانه كالعاده مظهر وحده صااايعه
سالت عن غرفه عايشه الـ.....ي و راحت غرفتها و صوت كعبها يطق طق و هذا اللي خلا محمد ينتبه لها
شما و هي تقرب صوبه زياده : هلا
محمد بدون نفس : اهلين
شما بدلع : شحالك محمد
محمد بملل : بخير
و فهاللحظه وصلو قوم سلاموه اللي انصدمت من منظر شما و محمد و كيف كانو واقفين عدال بعض و صدق طااح من عينها
أم سلامه: السلام عليكم
فهاللحظه لف محمد و شااف سلامي و امها و ارتبك لانه كان مع شما و فنفس الوقت استانس لانه شافها
شما بارت : ااااا هلا
محمد بتورتر " هذا وقتج يا شما " : مرحبا شحالج خالوه " طبعا يناديها خالوه من الاحترام لانهم وايد مع اهل قوم شموه "
ام سلامه : مرحبين الساع شحالك محمد ربك بخير و سهاله
محمد : و الله تمام و من صوبكم
ام سلامه : يسرك الحال و شحال هلك كلهم ان شاء الله بخير
محمد : كلهم بخير ما فيهم باس يسلمون عليكم
ام سلامه : هيه يلا عيل انا بترخص الحينه بسير عند ام عاشه و بنتها شي فخاطرك يا ولدي
محمد : سلامتج ام سعيد
راحت ام سلامه و لحقتها سلامه و يوم يت بتدخل نادت شموه
أم سلامه : تعالي يا شما شو تترييين
شما بارت : هاااا هي هي الحين يايه
و طالعت محمد بقهر لانه من يت سلامه ا خوز عيونه عنها و هي من متى عنده و هو ما فكر يطالع كشختها
دخلت سللامه اول شي و هي تفكر : الحين محمد راعي هالسوالف هي هي اكيد جذي اكيد بينه و بين شموه شي و لا ما بيوقفون و بيسولفون مع بعض جذي اكيييد اكييد يحبها .. بس تعالي انا ليش منقهره .. ام بس انا كنت احسبه يحبني و خصوصا يوم شفت نظرته فالفندق .. انزين انتي تحبينه .. مادري مادري يمكن معجبه فيه و بموااقفه مع هليه و خوانيه ههه اكيد ان امنخدعه فيه هي انا ما احبه ما احبه ^ـ^
و توها تنتبه انها واقفه مكانها و ما سلمت : السلام عليكم
ام عاشه اللي كانت تقرا قراان على عويش و هي راقده : صدق الله العظيم .. و عليكم السلام سلامه شحالج بنتي
سلامه و هي تقرب صوب ام عايشه و تحبها على راسها لانها شرات امها : بخير و الله و شحالج خالو و شحـآل .. عايشه
ام عاشه بعد ما تنهدت : هي هي بخير بخير الحمد الله على كل حال
للحظه دخلو شما و ام سلامه و سلمو و عقب ام عايشه تمت ترمس مع ام سلامه بالخفيف و تقرب بهم و شما تطالع سلامه بنظرات ناريه و هي تقابلها بالمثل
...
في امريكا
كانو يتمشون في الشوارع بليا شغل و طبعا مطر و سلطان ما كانو يسولفون مع بعض اول شي بس شوي شوي بدو يسولفون كلهم بس من بعيد لبعيد
سيف : ههههه ذكرتني بساالفه يوم كنت صغير يمكن 10 سنين اقولكم كنا نتجمع نحن عاد الشله الاقوياا فالحااره و نيلس ورا الدكان كل ما يطري على بالنا و نفكر في فكره نلعوز بها راعي الدكان
و في يوم يتنا فكره رهيييييبه حليله راعي الدكان مسلم و كان فرمضان وقت الاذان قبل الاذان بربع ساااعه ربعنا له و قلنا له اذن اذن سير كل و افطر و هو حليله من تعبه ما صدق و علطول طلع شويه عشان يشرب كوب ماي من الثلاجه و يرجع و نحن علطووووووول هجوم عالحلاوه كلنا حلاوه ما كلناها طول حياتنا ههههه و الله حليله راعي الدكان انصدم شوي وو بيغمى عليه يوم اكتشف انا كذبنا عليه فطرناااه استغفر الله بس عشان حلاوه خخخ
مطر و سلطان : ههههههههههههههههههههههههه ه
سلطان : حليله راعي الدكان ما سلم منكم و لا فطرتووه هاه
مطرر: و الله يا حظكم حلوه سواالفكم فالامارات ليتني عشت هناك
سيف : انزين ما راحت عليك الفرصه
سلطــآآن : بس لازم تسوي اشيااءكثيييره قبل لا ترووح الامارات
مطر : مثل شو يعني
سيف : هو يعتمد عليك و على نيتك و اصررااارك
سلطـآن : انت صدق تبا تتغير من داخلك
مطر : هو بيني و بينكم انا صدق متدمر من دااخلي على التغييير اللي صاارلي تصدقون اني نسيت صلاتي بس ما اقدر ما اقدر اذا ودرت هالاشياء ببـ..بـ " و قال بصوت خفيف " بتذكرها
سيف : اوووف اووف لهالدرجه اثروو عليك رفقه السؤؤ
مطر ابتسم بالم : تصدقون اني وايد ارتحتلكم لاني اول مره اشوف صداقه جذي يعني انا يوم رابعت اصدقاء السوو على قولتكم و ربي اني ما حسيت بالمخوه حسيتهم رابعوني عشان فلوسي و عشان ما يستوون وحيدين يعني عشان ما يبون يكوننون بروحهم يدعون الصداقه هذا اللي شفته
سيف :و نحن بعد ارتحنالك تبا الصراحه اول ما رمستك حسيتك واحد من هاذيلاك تعرف قصدي يعني ما ارتحتلك ابدا بس الحين اكتشفت العكس
سلطان اللي ما يحب هالمواقف العاطفيه : اقوول اقوول بس بس عن سوالف هالبنات و ارتحتلك و ارتحتلي خلنا نرووح المطعم يوووعااان
سيف : ههههههههه اووك
و راحو مطعم قريب منهم
يلسو على طاوله وحده و شكلهم ملفت للنظر يعني يبين انهم اصدقاء و مرتااحين " الله لا يفرق بينهم و يغير نفسيه مطر "
سيف : ها الدفع عليك مطوور عشانه اول يوم هع
مطر : من احين بدينا الاستغلال ها هههه لا امزح افا عليك تم
سلطان : يلا شو تبون بسير اطلب
مطر : ا ييبلي همبرغر دياي
سيف : و انت سلطان
سلطان : لا انا اللي بروح انت شو تبا
سيف : لا حول و لا قوه الا بالله خل عنك سوالف اليهااال انا برووح و خلاص
سلطان : وفررت علي .. ييب همبرغر دياي بعد
سيف : اوووك و راح عنهم و هو متعمد عشان تتصافا القلووب
بعد فتره قصيره و الطاوله هدووء
سلطان : ام
مطر بتردد : امم انا اسف على الموقف اللي صار اليوم
سلطان : افا عليك ما صار شي و انا اسف بعد
مطر : حصل خيررر
و كملو سوالفهم لين يا مطر اللي استانس من شافهم يسوولفوون
سيف : هههههههههه خلاص طاح كرتي لاه
مطر : ههههههه شكلها السالفه جذيه
سيف و سلطان : ههههههه
...
عند سالم >..<
روح العزبه و منها رقا العراقيب اللي عدال عزيتهم و استقر على العرقوب اللي دوم ييلس فيه يشكيله الحال
سالم و اول دمعه حاره تنزل على خده بعد ما مسك عمره كل هالوقت
.. معقوووووووووووله معقوله بعد ما حبيتها كل هالحب تطلع خادعتني يعني كل هالحب غش كذب مستحييل كيف كيف حبيتها انا كيف .. بس ليش ما تحبني انا شو سويتلها .. صدق ان النفووس اللي مثل مريم ما تهمها الا الفلوووس الفلووس و بس .. آآه و الله اني ما ندمت على شي كثر ما ندمت هالسنتين اللي ضيعتها معااج ندمان عالحب اللي عطيتج اياه بس و الله لارااويج
و طبعا سوا اللي دوم يسويه فوق العرقوب
فتح تلفونه و سجل شلته بصوته
لا ردج الله لا ولا أطلب تردين .. ادعي عليج بعثرةٍ في صلاتي
عثرة تشلج ما بعدها تقومين .. يا للي نقضتي عهودنا الماضياتِي
كانت تروح الروح ساعة تروحين .. وتعاف نفسي شربها والمقاتي
وكنتي مناة القلب والروح والعين .. واليوم عينج يعلها ما تباتي
كنت أحسبج للعهد و الحب توفين .. قلتي الغدر بالحب ما هو سواتي
و بان الغدر سمٍ جرى بالشرايين .. الله عسى يسقيج سم الفعاتي
كلي سقيتج حب و اليوم تنسين .. تقولين حلم أيام و اليوم فاتي
و خذتي الهوا لعبه على ما تحبين .. إلين عصفت بالهوا عاصفاتي
و صرتي بشعري فالعذارى تباهين .. تقولين أنا شمس العصر في حلاتي
وبالشعر صورتج خزام ورياحين .. واثرج هضاب وشوك مابه هداتي
و بالشعر أغليتج على كل غالين .. و أثرج دنيَّه تتبعين الدناتي
رسمتج سحابة خير قطر تلفين .. فزت لج الصحرا زهور ونباتي
رسمتج مهاتٍ للجميلة تقودين .. و أثرج خروفٍ ضيعتها الرعاتي
توسلت لج على حب عامين .. عامين لكن في حسابي مئاتي
ناديت لكن لي أبد ما تسمعين .. عمري و روحي و الفكر في شتاتي
خنتي و بعتي كل عهدٍ وأيامين .. ما عاد يفرق بين ماضي و آتي
و صرتي مثل غيرج برخصٍ تبيعين .. يا مرخصتني مابقى لج غلاتي
تحسبين انج بالمهافات ترقين .. كيف الصعود يكون للهاوياتي
والنوق من تخرس فلا يفيد تمرين .. مايفيدها قلص وضرب العصاتي
ومع ناقة خرسا تكلفت سنتين .. فلا لانت بشده ولا بالهداتي
اسبوع فدوامِي و لا ايي غير يومين .. و يوم أوصل الدار أتصل و أحاتي
صبري نفذ و اليوم ثارت براكين .. مظلوم أنا و باجر تحل دعواتي
سمعي عسى من بعدها ما تسمعين .. سمعي دعاء من صار قلبه حصاتي
عساج عوقٍ منه ما عاد تبرين .. عوقٍ تشافق له قلوب العداتي
أدعي عسى من ناظرج ما تشوفين .. و تطحن بج الأيام طحن الرحاتي
يالله عسى يحتار فيج المداوين .. تبين الممات و لا يجيج المماتي
ويالله عسى كف الندامة تعضين .. تندمين يوم انه يفوت الفواتي
وتبكين دم يسيل من مقلة العين .. ويحتار قلبج من عناج وتعاتي
و عسى ما تلاقين منه القلب تهدين .. و إن هو حصل أدعي عساج الشتاتي
يا بلوة اللي وسط بيته تعيشين .. غافي و حوله شب جمر الغضاتي
عسى بعمرج ساعة ما تهنين .. و تمضي حياتج بين هم و شقاتي
يا بنت قلبي وين مثله تلاقين .. قلبٍ عطاج الحب ما قال هاتي
ييتج وروحي شلتها لج بكفين .. وفي التاليه رمح الخيانه جزاتي
يالله عساج النار يا أم ويهين .. كلنا انكشفنا ما تفيد العباتي
يالله عسى تلبسج جن و شياطين .. و تكونين مدعاة الحكي و الشماتي
والله ماني منتظر قلبج يلين .. و المجبلات أكثر من الفايتاتي
وماعادتي اتبع ظعون المقفين .. ريحٍ تشل ظعونج المقفياتي
يا ليلةٍ ظلمة على الله تزولين .. و تأتى ليالي سعدنا مشرقاتي
وياحيةٍ رقطه تقود الثعابين .. باجر تحل ايامج المعتماتي
يا ظالمة نفسج ترا الدهر يومين .. يوم النجاة و يوم ما به نجاتي
بيني و بينج تحكم أيام و سنين .. و انا شاهدي قلبٍ من الغدر ماتي
لو كان عذرج في كفوف الموازين .. لكان رِبَح كل غدر البناتي
يا دمعة التمساح لالا تذرفين .. العيون رغم دموعها كاذباتي
لا ما عرفتي الحب لا ما تحسين .. وغدرج تعدى غدر ذيب الفلاتي
الذيب يعوي قبل يغدر بمسكين .. و انتي غدرتي خافقي في سباتي
وانتِ السبب سقتِ على القلب جرحين .. غدر الغرام و وموجع الذكرياتي
وانتي السبب واليوم لا لا تلومين .. و ان ياج باجر شوفي شلون ياتي
والله لكتب و أفضحج في دواوين .. و أرزف وأغني يوم خبر الوفاتي
و أرسم لأهل العشق قلب و سهمين .. و قصة خيانة ما روتها الرواتي
و يمين لنشر فوق إسمج عناوين .. و أشهرج من قاصي اليمن للفراتي
و من غرب هالدنيا إلى قاصي الصين .. ديوان غدر فيه كل اللغاتي
و البادي أظلم سنة العين بالعين .. و الاَّ فهذي لا عادتي ولا صفاتي
و يا شبه انسانه براسِ و رجلين .. أعوذ بالرحمن منج في صلاتي
و علطول سوا ارسال الى رقم كان مسجل باسم : اغلى من سكن فالقلب و غيرها باسم : احتراف الغدر { فقدتج }
و فحاللحظه سمع صوت بطي يقول : صح لسانك بوغنيم
سالم لف ويهه عنه : نعم
بطي : افا افا ما هقيتها منك بو الشباب مب نحن اللي بتفرق بينا حرمه
سالم باستهزااء : و تسميها حرمه
و سكتو الثنينه
سالم : احم السموحه عالبكس اليوم
بطي و هو يحط يده على خده : مسمووح امرره بس هالعلامه من بيخوزها اسميك بتخليني نكته عند الشباب هه
سالم : هههههههه
بطي بتردد : انزين بتخليها تمر مروور الكرام
سالم باستهبال : من
بطي : من بعد عن الاستهبال بو غنيم لازم تخليها تخاف شوويه و تحرم تلعب مره ثانيه
سالم بتفكير : انزين كيف
بطي : هه افا عليك طحت عند بطي راعي الافكااار انا بقولك شو تسوي
...
عند ساروه و شويخ فالصالون " بعد ما استذنت ساروه من امها من باب لاحترام و لا امها مب مهتمه و الدليل شميم "
سارووه : مرحبا السااع و اخيرا شرفتي
شويخ : قلتلج بيي بعد شوو
ساروه بتردد : اممم اووكي انا بقص شعريه طشوونه شرايج تقصينه من تحت شويه بطريقه حلوه احسن من جذي
>> شويخ كانت مسويه عقص لان شعرها طوله متوسط و خاشتنه تحت العباه <<
شويخ بعناد : لا
سارووه و هي تترجاها : بلييز بلييز عشان خاطريه خاطري اشوف شعرج مفلول " مفتووح "
شويخ : لاااااااا
ساروه : شوشي بلييز حرام عليج اهون عليج اترجاج من الصبح
شويخ : لا طبعا بس ..
قاطعتها ساروه : لا بس و لا شي يلا يلا خلي عنج و انتي اليوم في يديه اووك .. يا مدااام
ريما : نعم حياتي
ساروه : اممم انا ابا اقص شعريه من تحت شوي احسه استوى متقصف واايد و هالبنوووووووته الحلوه اباج تقصين لها هالعقص و تعدلين قصه شعرها لانها ابدا مب شي " هني شويخ فجت عيونها و ساروه غمزتلها " اباااااج تسوينها احلى بنوته فالصالون حتى احلى عنيه
ريما : و لك من عيوني تفضلي حياتي
بعد تقريبه ساعه من القص و الششوار و الصبغه اللي غيرت لوون شعرها البني البااااهت
فجت عيونها و انصدمت من شكلها و تمت ترمش بعيونها من الصدمه .. هاي انا لا لا مستحييييييييييل ..
دخلت عليها الغرفه سارووه و شهقت من الصدمه و بعد 5 دقايق من الصدمه
ساروه : وااااااااااااااااااو واااو واو بصراحه انتي تووحفه طررر طررر تعقين الطير من السما توني اكتشف انج حلوه لهالدرجه وين هالجمال كان رايح تحت العقص
طبعا شويخ فهالوقت ما كانت مسويه شي غير انها قاصه شعرها شوي و فاتحتنه و غيرت لون شعرها من البني الباهت الين اللون الكستناائي الحلوو و خصوصا انها بيضا فبين جمالها صدق
ساروه و هي تمسك شويخ من يدها : يلا يلا ماشي وقت بسررعه بنعدلج اليوم كانج امييره
و راحت تقولهم يسوولها ميكب بسيط لانها مصرره اليوم تبدا في تحويلها من بويه لبنوته حلوه
...
عند راشد و نوره
حياتهم تحولت من قمه في الرومانسيه الى قمه فالحزن مب عشان شي بس لان باجر اليوم المشهود لان ام رااشد مستعيله وايد خاايفه ان رااشد يرد في قراره و طبعا حمده مامانعت
نوره و هي تقرب من راشد : راشد باجر لا تيي هني بلييييز بلييز ما اتحمل اشوفك في يوم عرسك ارحمني
راشد : بس ...
نوره و هي تقاطعه : ارجوووك ارجوك لا تردننيه و اوعدك هذا اخر طلب حقي
راشد : خلاص بحاول اقاوم عمريه بس اوعديني انج ما تصيحين
نوره و هي تدمع : ما اقدر
راشد : و غلاتيه عند لا تصيحين
نوره بالم و هي تبلع ريقها : بحااول " ضربت عالعوق يا راشد "
كــــــــــــــــــــــــ ــــت
اممم ان شاء الله عيبكم الباارت " اتمنى من خاطريه "
توقعاتكم
لعرس راشد و شو من المواقف بتصير
مطر كيف بيبدون في تغييره " سيف و سلطان " و هل بيتغير و لا لا "
مهاري & عبد الله – محمد & سلامي شو نهايه قصتهم
ميره و زايد و فرااقهم حان هل بيخليها زايد تروح بيت هلها و لا لا
سالم شو بيسوي لمريم
