~العوض فيما اختاره الله ~

بارت ١١

١١
العصر ~
الجد : يلا ولد انت وياه
حمد يهمس ل باسم : جدي مأخذنا أجار ي اخوي
باسم بنفس النبره : اي والله ي اخوي
الجد : وش تتسرون به ي السرابيت
حمد : ها لا وشي ي جدي وهربو
ابو باسم : اسمع طلال بياخذ الحريم الكبار وسعود بياخذ البنات ومعهم باسم ودحيم  وحمد ومحمد بياخذ الرجاجيل
دحيم : اوههه اجل الله يعين محمد ع جدي
سعود : وانا الله يعيني ع حمد وباسم والبنات
فارس وفهد : حنا بنروح بنفس السياره
سعود : حسبنا الله مشينا
بسياره سعود ~
سعود يسوق ودحيم جنبه والبنات قدام وحمد وباسم ورا
حمد نطق سعود شغل ساريه تكفى
البنات بصوت واحد : لااااااااا
باسم : كولو زق عاد إلا حمودي
امل ؛ تكفى كل زق انت
باسم: يمه انتي من متى معانا
البنات هههههههههههههههههههه
رين : وغمزت له ونطقت وش عليك انت
امل شقهت وضربتها وباسم اتخبى ورا ظهر حمد وكنه م يشوف احد
نطق دحيم : اجل شغلو سلطان البريكي
سعود؛ البركان حقك ذا م نبيه
الكل طاح ضحك ونطقت رين بضحكة : سعود تكفى أنا بحط اغنيه
سعود : تأمرين امر عطها الجوال
اريام : ي بنات اخوي خفيف
حمد : ارفع علومك ي رجل
اريام : اول مره اتفق معك ارفع علومك
وشغلت رين أغنية والكل ومبسوط

بسيارة محمد ~
محمد الي اخلاقه صارت براسه وصله مليون
الجد : محمد هدي السرعه 
محمد : بس يجدي السرعه ٨٠ تر
الجد : وتردد جدك وقليل ادب فعلا
ابو طلال الي نسيته فعلا 😭
ابو طلال ؛ ولد احترام جدك
محمد ؛ لاحول ولا قوة الا بالله سم طال عمرك
الجد :  عيال آخر زمان
محمد حط يده ع جبته ونطق استغفرالله واتوب اليه

بسيارة طلال ~
الأمهات سوالف وضحك معهم ليليان
اماني : هف متى نوصل
ام طلال ؛ اسكتي وخليس ساكته اماني شمقت بعيونها
ام باسم : يوههه الأجواء خيال
ام سعود : اي والله يبي لها سافره
ام هيام نفسها ام فهد تكح فزو الحريم يسمون عليها
الجده : اسم عليس ي اوخيتي
ام هيام : الله يسلمس أنا بخير ي اوخيتي
ام فارس : اكيد ي اوخيتي
ام هيام : اي اي

سيارة فارس وسعود جنب بعض ونطق فارس يبو سعد أمشى نسوي سابق
سعود : بتحدي
فارس : اي
فهد : اذ جدي كسر ع ظهركم العصا مالي دخل
سعود: معليك ونطق انطقو الشهاده
الكل بدأ ينطق الشهاده وبدا السابق بين سعود وفارس وتعدت سيارة طلال ومحمد
ابو سعود : ابك مب ذا سعود وفارس
الجدد: اي بالله انه هم
ابو سعود : دقو ع سعود المصروع ذا
بسيارة طلال ~
ام سعود : يمه وليدي الله يقلع راسك ي سعود
ام فارس ؛ وذا فارس لاحول ولاقوة الابالله سعود وفارس أنا تعبت منهم
الجده : انتي ي بنت
ليليان : جده عندي اسم
الجده ضربت ليليان ونطقت جعلة الي م يدحدر دقي ع سعود من جوالي اخلصي
بسيارة سعود البنات خايفين وينطقون الشهاده وحمد وباسم ودحيم يشجعونهم
واخيراً  وصلو بسلام المخيم وفاز سعود طبعا
ونزلت رين تستفرغ لانها خفت وخاف عليها سعود ونطق اسم عليس جاك شى
اريام ؛ وتسال بعد انت م خليت شى في البطن
البنات نزولو كل واحده خايفه وتحس بصداع ودوخه
امل : يمه ي رين  زوجك ذا مصروع
رين : وانا اشهد
وصلت سيارة محمد
نزل الجد بالعصا ونطق سعود وفارس ي السرابيت
فهد ؛ جاك الموت ي تارك الصلاة 
سعود وفارس هربو وهم يضحكون
والجد نظر ل فهد ونطق وانت معهم
فهد مكانه غبار رح يركض ورا سعود وفارس
ونزلو الأغراض والرجل بخيمه والحريم بخيمه البنات بخيمه والعيال بخيمه

بخيمة  الرجل ~
حمد وباسم  مسوين اجواء للرجل والجد اخلاقه وصله منهم
حمد ؛ في نكتة ثانيه
باسم ؛ في نمله م قدرت تتدخل بيتها ليه
حمد: لانها لبسه كعب
العيال طاحو ضحك ع الذبه  النايمه
رجع حمد نطق : عندي واحده ثانيه اسمعوها
باسم : في نمله كنت تمشي وتبكي ليه
حمد : لانه يمطر
لسه يضحكون وفقت نوبات الضحك بعد م وصلهم صوت ابو سعود ونطق
ابو سعود : هلحين ي حمد بسالك
حمد بوناسه : امر يبه
ابو سعود : شلون انت وباسم تفكرون في ذي الأشياء الغبيه
حمد : يبه هذا ذكى تر
ابو سعود : قام قام اذلف عن وجهي لا بارك الله في ذا الذكاء الي عندكم
العيال يضحكون ع حمد مو قادرين يتكلمون صدق

بخيمة الحريم ~
البنات يلعبون جاكارو والأمهات يسولفون والكل ومبسوط
رين بطفش : ودي اروح عند الخيول ونركب الدباب
اريام : يوههه نحتاج حمد وباسم فعلا
العنود : اي واالله يضحكون تكفين 
رين :اجل يلا قومو يمههه بنروح عند الخيول
قوموا البنات واصطدامت ليليان في رين و
ليليان : وجع م تشوفين انتي
رين : تلايطي عن وجهي
ليليان : مالت ع ذا الوجه
امل: آهين ام المكيب التعبان ذا معك الي كنه فليت صراصير
اريام ؛ تكفيننن من فين جت تضحك ههههههههههههه
العنود : محد عارف يوصف مكياجها غيرك تكفين ودمعت من الضحك
البنات موتو ضحك واقفت نوبات الضحك عند البنات
وبعد م خلصو نطقت الجده
الجده : ابنتي رين خذو واحد من العيال معكم
رين : ابشري يمه وطلعت
وطلعو البنات بدون استثناء ل خيمة الرجل
ونطقت رين من ورا الستاره  : السلام عليكم
الجد : وعليكم السلام ابنتي امري
رين : جدي نبي نروح عند الخيول
الجد : باللي تأمرين عليه قام ي باسم وحمد معهم
حمد وباسم بنفس الوقت : تبون الفكه مننا
الكل : اي
حمد بتمثيل: أمشى ي عضيدي الدنيا مو لنا
باسم : اي بالله وطلعو

بمكان ثاني ~
راشد : ابيك تخطفها بس والباقي عليا
جاسم : ابشر سيدي متى
راشد : اصبر لين اقول لك
جاسم ؛ حاضر سيدي
راشد بخبث وقفل الخط : بخليك تحبيني غصب ي رين

وانتهى البارت ١١
اعتذر عن الأخطاء الاملائية