بقلمي ريفان الـ سعد 🎀
:
:
ضننتـهُ أخـرس , فـ رأيتهُ عند غيري افصح المتكلمين
ـــــــــــــــــــ🎀ــــــــــــــــــ
*
"ديــلار"
شفت الصور الي حتدمر حياتي وحياة بنتي!
موسى ويمه أخته وبنيه بس ممبينه لأن حاطين البرگع عليهه وهوه حاضنه ويضحك!!
ريفال::- ماما شنو عمتي تزوجت بنيه؟
ديــلار::- ماما حبيبتي روحي بدلي وراج دوام
::-راحت ريف تبدل للدوام واني باوعت لموسى بنضرة عتب وخذلان
موسى::- بس خلي افهمج
- شتفهمني؟
::- مجبور
- مجبور؟
عرفت معزتي عندك ، وكفت وياك بأسوء ايامك تذكر من جنت تشرب ؟ ماضيك الأسود عندي ومع كل هذا وكفت وياك وصرت بالحال الي انتَ بي هسه لو ما اني جان هسه انتَ نفسك هذاك السكير وهسه انتَ صاحب شركه ومو شركه عاديه لا ليش بشنو قصرت بس ما راح اكلك غير حسبي الله ونعم الوكيل سلمتك بيد ابو فاضل
عفته ورحت لان ما اريد انفجر كدام بنتي واني اعرف نفسي ما اسيطر على اعصابي اجتي ريفال
ريفال::- ماما مشطيلي شعري
::- تعاي حبيبتي جيبي المشط والقراصات
"راحت شويه ورجعت جايبه المشط وقراصته والطوگ"
ريفال::- ماما اريد تسويلي كصايب منا ومنا
::- قصدج تريدين تسريحة الجلب
-- ماااااماااا شبيج ترا حلوات
::- هسه غير انتِ تريدين تسريحة الجلب واني اسويها
ــ افففف لا ما اريد سوي ضفيره وخلص
::- يمه بنيتي برطمت اشاقه وياج حبيبتي هسه اسويلج تسريحة الأميرات
ــ احبجج ماما
::- حبيبتي اني هم
"راحت ريفال للدوام واني رحت سبحت ولبست عبايتي وهستوني دا اريد اطلع واسمع صوت موسى يكول"
::- وين تريدين تروحين ام ريفال استهدي بالرحمـٰن
ــ شعليك انتَ شدخلك؟
