كل ما تسقط دمعه
يسقطون معها اشخاص كثيروننن.....
_________________________________
﷽
بعد ما شلنا وكلت خلصت هذه المعانا خلصنا من الفتنه وخلصنا من الشر بعدنا عنهم عن تحكمهم وسيطرتهم بعدنا عن جهنم والحفرة مالتهم لكن للاسف كل مرا الكى نفسي غرگانه بنصها بقذارتهم وبسمهم وبحقدهم بيئة الوسخ احتمال انضف منهم ايي فعلا......
قبل بداية الدوامات بنهاية الصيف والجو بدا يكسر
كلعادة روتين صباحي ترتيب وتنظيف وماما دا تطبخ سمعت الجهاز يرن رحت اركض شفت مكتوب اختي اضلام فتحت الخك وجاوبت..
روز: الوو.....
اضلام: الو هلو شلونج...
الحمدلله بخير انتي شلونج خالة.
الحمدلله بخير شخباركم....
الحمدلله زينين...
دومكم....
اكولج وين امج بسرعه انطينياها....
هاي وينها.. يمااا هاج هاي خالة...
ماما: الووو هلو شلونج...
اضلام: الحمدلله بخير... شخبارج امورج شكو ماكو
والله الحمدلله بخير انتو شخباركم امي شلونها...
_والله كلنا بخير الحمدلله... اكولج...تيما بعد ما اخليها اداوم...
_يا ليش حرامات...
_يمعودة شلها بدوام هاي المداومات شمحصلات.... غير الوصخ البيها حظ تنتبه لزمانها.... والوضع صاير يلعب النفس عيني البيها زود اتكعدهن بلبيت...
'اي والله الوضع فد مرا... والبنات مو مثل الولد..
_اي والله ااا شسمه شفتي وج الاخبار البارحه شمسوين بهاي البنية خطية....
_ياهي شكو....
_لج عيني عساس خطية حالين من الدوام هاي عيني واكفا بلباب تنتظر ابو الخط وتالي خطية صاير المغرب عليها وباقثة تنتظر تالي جايها رجال حاجي وياها ومقنعها تصعد ويا وتالي ماخذها لخرابة وكاتلها ومعتدي عليها وشامرها بلنهر والدنيا مكلوبه عليها كلب عيني من شفت الوضع هيج كتلها اكعدي وانجبي بلبيت احسن الج يمه شنحصل لو صار بيجن شي...
_اي والله ومو بس هيج هل الصرف واللعبان نفس والناس المتخاف من الله لو اتشوفين هذا ابوهن يلحط من الصبح لليل وما املحك......
اني هنا اشتغل ومركزة وياهم لكن دكات كلبي تتسارع اكثر واكثر النار كامت تطلع من عيوني شلون جاي تقنع ابماما بتكتيك مسموم اباوع عسمها اوحقارتها استونه اتنفسنا وكلنا يالله تالي بدت انوب تلزم التلفونات لامي
بعد ما ترست راسها حجي سمعت الحملة يلي خلت كلبي يوكف وجسمي انهد حيلة....
