Voice Behind The Tales Of TAEKOOK

හැදින්වීම !

සුභ දවසක්,
පාඨක හිතවතුන් සහා රචකයන් වෙත.

අප @Moonlit_whispers නම්, Taekook Fandom එකට අදාල Whatsapp සමූහයක ඇඩ්මින් වරුන් වේ...

අපගේ සමූහයේ දැනට සිටින ඇඩ්මින් වරුන් සංඛ්‍යාව 10ක් වන අතර Wattpad තුල රචකයන් කිහිප දෙනෙකුද ඒ අතර සිටී..එමෙන්ම අපගේ සමූහයේ 500 ට අධික සාමාජික පිරිසක් මේ වන විට සිටින අතර, ඔවුහු සියලු දෙනා wattpad භාවිතා කරති. ඔවුන් අපව හොදින් දන්නා බැවින් එම කරුණ ඔබ සහ අප අතර යම් දුරස්ථබාවයක් ඇතිවේ නම් එය අවම කිරීමට හේතු වනු ඇතැයි සිතමු...

කවරය තුලින් ඔබ දැක ඇති සියලු දේ අප එකින් එක පැහැදිලි කර දෙන්නමු.

අප විසින් ඉහත සදහන් කරන ලද whatsapp සමූහය 2023/08/13 වන දින ආරම්භ කරන ලද්දකි. එකල පටන් අප රටේ TAEKOOK FANDOM එක තුල ඇති වූ සියලු සිදුවීම් අප දන්නා බැවින්, ඒ සියල්ලටම අදාළව අපට හැගී යන්නේ බොහෝ දෙනෙක් Taekook කියන නම හොදින් දන්නා නමුත් එය නොදන්නවා සේ ඉන්න ආකාරයකි...ගරු කිරීම කෙසේ වෙතත්..ඔවුන්ගෙ රූපයට වශී වී ෆැන්ඩම් එකට පැමිණ ප්‍රශ්න ඇති කරීම යම් කොට්ටාසයක විනෝදාංශයක් වී ඇති බව පැහැදිලි වේ. කනගාටුවෙන් වුවත් පැවසිය හැකි වත්මන් තත්ත්වය මෙයයි.

එමෙන්ම Wattpad යෙදුම තුල Taekook යන නාමය පවිච්චි කර නොමනා විදිහට හැසිරෙන ආකාරයක් සහ හුදු ප්‍රසිද්දිය උදෙසා භාවිත කරන ආකාරයක් දැකිය හැක.

එසේම Wattpad තුල Taekook එනම් Taehyung Jungkook යන නාමයන් කෙමෙන් වියැකෙන බවක් අපට පෙනී යයි. මන්ද බොහෝ දෙනා ff (රසික ප්‍රබන්ධ ) ලිවීමෙන් බැහැරව ඇති සේම non ff (රසික ප්‍රබන්ධ නොවන) කතා ලිවීමට වැඩි වශයෙන් පෙලඹී ඇත.

කෙසේ වුවත් කනගාටුවට කරුණ වන්නේ non ff වලටද ප්‍රසිද්ධිය ලබා ගැනීම සදහා Taekook යෙදුම සහ ඔවුන්ගේ රූප භාවිතා කිරීමයි. එය සාධාරණ ලෙස හා හානිදායක නොවන ආකාරයෙන් සිදුකරන වගකීම් සහගත පිරිසක්ද ඇත. මෙය කිසිසේත්ම ඔවුනට අදාළ නැත. නමුත් ඇතැම් අවස්ථාවලදී ලංකාව වැනි රටක් තුළ යම් යම් අන්ථර්ගතයන්ට අදාළව, එසේ Taekook යන නාමය යොදා ගැනීම හරහා ඔවුනට විය හැකි හානියද නොසලකා මුග්ධ ලෙස ඇතැමුන් කටයුතු කරන ආකාරයද දැකිය හැකිය.

2021 සිට පැමිණෙන ටේකුක් රසිකයන් හා සැබෑ ලෙසම එම බැදීම විශ්වාස කරන්නන් වශයෙන් අප මේ සදහා යම් ක්‍රියාමාර්ගයක් ගැනීමට අදිටන් කරගත්තේ මෙවන් පසුබිමක් තුළයි...

මීට අවුරුදු දෙක තුනකට පෙර සිට පැමිණෙන වර්තමානයේදී යම් පසුබෑමකට ලක් වී ඇති Taekook Ff අභාවයට යෑමට අපි කිසි සේත් අවස්තාවක් නොදෙන්නෙමු. එසේම සැබෑ Taekook රසිකයන් සොයා ගැනීමට අපි වෙහෙසෙන්නෙමු.

එහෙයින් අපි මෙම ගිණුම හරහා සැබෑ Taekook කතුවරුන් දිරිගැන්වීමට තීරනය කලෙමු. ඒ තුළින් ඔබට මගහැරුනු බොහෝ රසවත් කතා කියවීමටද ඉඩ ලැබෙනු ඇත.

මේ සදහා ඔබ සැමගේ නොමද සහය අප වෙත ලබාදෙනු ඇතැයි අපි බලාපොරොත්තු වෙන්නමු.

මෙහි එන සියලු කරුණු සහ සියලු වැඩසටහන් Moonlit whispers පාලක මඩුල්ල යටතේ සිදු වන බවත් ...වෙන කිසිදු ගිණුමක් මගින් සිදු කරනු ලබන දෑ මෙම ගිනුමට අදාල නොවන බවත් දැනුම් දී සිටින්නෙමු!!!

ස්තූති!!
Mw_
පාලක මඩුල්ල!!

මෙම පොතේ අන්තර්ගතය මීළඟ පිටුවෙන්!!!