زينات .. جيجي في إيطاليا صحة ليدها
هيام .. ايه والله ياريت رفعوني معاهم
زينات .. كلنا ياريت
لن سمعوا صوت منال تنادي عالعشاء نزلوا
لقت أيمن مقعمز عالطاولة وشغالة تساوي فالصواني عالطاولة قعد أيمن مركز معاها لن تعقدت
قعمزوا وبدو ياكلو
هيام .. بابا وين
منال .. عندة عشي تخرج
هيام .. اهاااا
زينات .. صبيلي شربة
كان العشي شربة عدس وبشاميل
صبت منال شربة
منال ... شن جو البحر
زينات. ... ايهبللل اللجووو مشي ضحك ولعب وعومان
بعدين شافت زينات لي هيام وضحكت .. جي ابو شوكت وربي ضحك عليه وخلاص
هيام .. ووه عليكم
زينات .. عاملة فلبينية الحق قنينة هي بياخدها يستر علاها هزباته خالتي قتلة باب الحارة
هيام .. الرابعة هادي
زينات .. عنده زوز سلسبيل وإفتكار سلسبيل ليبية وإفتكار سورية
هيام .. ولد خالتك هدا بروحة
منال .. منين تعرف علاها سورية
زينات .. اهو نحكيلك القصة مش هو دكتور طبعا مرتة مترجمة مفروض عندها اربع لغات وطاحت في حظ الله ايبارك لبسها الملاية بلا خيمار وقال الله وقال الرسول وعنده ستة صغار
منال .. مشاءالله
زينات .. وسورية هونا دكتور مشي عساس لي سوريا ومش عارف شني شافها تزوجها قنينة الحق احلى من سلسبيل عندها ستة خوات ومش متجوزات ومش قارية
منال .. كبار خواتها
زينات .. لالا اس هونا مش يسكنوا في حوش واحد كلهم كل واحد وشقته سلفاتها ايخافوا لما ايجو اهل السورية
منال .. حطات العين
زينات .. هي خالتي بروحها خايفة منهم 🤣🤣
منال .. هو هدا يلي طلعلها باقي كلهم مشاءالله
زينات .. ايه تعرفوا اني ومحمد خلاص غادي من ضحك وتسهويك عليه ويجي يشوفلنا الإختلاط ويفصل فينا حتى مع خوالي ميبيناش وخوالي يبونا ويبو يهدرزوا
هيام .. مبسلة وخلاص يفسد عليكم
زينات .. خالي عبدالله قال حد يجي يروح بيه نفخهملي
منال .. والله حق
زينات .. ومرتة السورية غرقت ودارت العار تي والله حالة وخلاص
هيام .. انحس في خالة بيقولوا مشية فاها هو مش ماشي
زينات .. كلنا امالا جعنا خلاص العيلة راقدين واحني البنات شن بنطيبو كان هدا بينوض بيفصل ويدير العار
وحدة تنزل معاي وانزلي يازينات للولاد لقيت منتصر قدامي قتله راني جعانين بنموتوا وغدوة بتصلوا بينا جنازة جيبولنا حاجة نتسمساها
