زرقـاء اليـمامـة

المَحط الأول 🔱

الكـاتبـة
مـيم آل عَلـي

تصـويت للبارت +تعليقاتكم بين الفقرات

متابعه لحسابي :lucy_america

Instagram :lucy_americ

Tik Tok :lucy_america

Telegram :lucy_america

نبـدأ بذگـر اللّٰــــه 🔱

•••••••••••••••••••••••

عَزيزتي المُتابعة
يتطلـب منكِ في هذه الـرواية الأسترخاء الذاتي
لأنها ستكون كفيلة بأنشغال عَقـلكِ السلـيم

والأن لنتعمق فـي الروايـة

••••••••••••••••••••••
11:00صباحاً

زرقـاء اليـمامة:اهييي شوكت يجون البقية هذول العطلات جدي راح يشوي علا اذاناتنه بُصل وداحي باب خيـبر
حمـزة:تدرين بهذن البنات وحده منهن مسويه مُشكلة بالمدرسه فُصلوها تدرين وحدة متعاركة وي يوسف العار
زرقـاء اليـمامة :امدة حَظي ع هلخوات وجـنتي ؟مسويه شي
حمـزة :لا هاي جنتـنا الهادئـة ممسوية شي

هزيت راسي بمعنى اي وكعدنا اني والشباب ننتظر البقية صارت ورُبع يلا طبكن السيارات نزلت نَجمة الهوى بعدما فتح السايق الباب الها وراها نزلت سُدرة المُنتـهى وي ذو الفقـار وحسـن وراهم واخر شي نزلت جـنة المـأوى تمشي بهدوء وثقه عكس سُدرة ونَجمة يمشون بتكبر وسُرعة وغُرور وصلت قبلهن :السلامُ عَليكم
اجت يمي وبوستني
جنـة المـأوى :شلونـج زرقـرقي
زرقـاء اليـمامة:حبيبي انتِ اني زينة وانتِ
جنـة المـأوى :بخـير كلبي
ابتسمتلها تقدموا اخواتي واخواني حسـن ذو الفقـار رسـول
وسُدرة المُنتهـى ونَجمة الهـوى تقدم رسول وباس راسي:شلونج يغاليتي
زرقـاء اليـمامة :روحي انتَ بخير من شفتك
ابتسم وحاوطت ايده اكتافي باوسوني حسن وذو الفقـار وكفوا بصفي من جهة اليمنة وباوعنة لسدرة ونجمه:ليش تباوعون هيج
زرقـاء اليـمامة :شلون تتعاركين وي اصقط خُلق رَبي وانتِ ولج هاا انِي معلمتجن تتعاركن لو علمتجن تتجاهلن متصيرن مثل جنـة المـأوى هاا؟لو هيه تختلف متتباهى لو تكول اني واني
سكتن منزلات روسهن حجت نجمة:شسويلة مطلعلي السجينة يريد يدجني كتلة اتقرب وشوف شسويلك يعني واحد يريد يقتلني شسويلة ؟اهُزلة خصر مثلاً
سُدرة المُنتهى :واني شعليه اجتِ كُفشت شعري وتكلي تمشين وي وحده غبية وانتِ اهلج مُهمين تعاركنة واخذت المقسوم
فتحت عيوني بتوسع ع جرأتهن بالكلام وصلافتهن
زرقـاء اليـمامة :شنو هذي التربية وين تربيتي ها؟يعني سمعتن منا طلعت منا انتِ بدل ما بالجامعه وحطلع هندسه وشي وين كل هذا وانتِ بالسادس اعدادي تتعاركين وي زعاطيط هاا
سكتن يعرفن بغلطهن
نَجمة الهـوى :وعلي بعد ما اتعارك اسفة والله
سُدرة المُنتهى :اني هم وداعت عيونج حبابة
هزيت راسي ب لا سدرة دمعت كبل حضنتها كامت تبجي
سُدرة المُنتهى :وداعتج هيه البدت
ذو الفقـار :كافي دراما يأم شعر مهلس
اندارتلة وراحت تكتل بي اتصالحنا وضلوا يحجون باوعت للساعه فتحت عيوني ع وسعهن :صخاام باعوا الساعه اليوم كتلتنه جماعيي ب12:04امشواا
ركضنة للسيارات كلمن اخذ وحده وراحوا للسيارات اني صعدت وشخطت السيارة وصرت كدامهم وصلت صفيت السيارة بساع ونزلت اعدل بنفسي وشعري المخربط نزلوا همه ونفس الحالة اجوا وراية مشيت بثقة ورفعت راسي وهمه وراية دخلنه للبيت لكينة جدي وجدتي مترأسين صدر التُخم وعمامي واهلي متفرقين بالتُخم الباقي تحمحت رفع راسه جدي يباوعلنه ابتسم من شافني ابتسمت براحه لأنو مراح يعصب :السلام عليكم ردوا السلام واني تقدمت بست راس جدي وجدتي هوه مبتسم حسيت هذا هدوء مابعد العاصفه الهم مو الي لأن طبعا اني الـزرقـاء محد يرزلني حتى جدي يُحترمني ويحبني بأختصار اني دايرة امور شُغلهم وشُغلي من جهه بست راس امي وابوي ورحت كعدت يم جدي وجدتي
رُمانة بهمس:يباوو چدج راح يلعب لعب بأحفادي
زرقـاء اليـمامة :رُمانة ترا همه تأخروا بلكي يحرمهم من الفلوس والكارت
محـمد:تعالوا حبايب جدكم ليش خايفين
حمزه حك راسه بتوتر وكال بغباء:يعني مراح تحرمنه من السيارات
محـمد :خوش فكرة ووياه الكارت مال المصرف
دخلوا حسن وذو الفقـار ورسـول
وكفوا حسن وذو الفقـار بصف البقيه تقدم رسول باس راس جدي وجدتي وسلم ع اهلي واجه بصفي همسلي:هاي شمسوين بعدين غير حسن وذو الفقـار يجون يبرون نفسهم الكبر لهلعقل
كأنو حسن وذو الفقـار قرأوا افكاره بسرعه تقدموا وسلموا ع جدي :هاا شبيكم صافنين جيبوا البصمات والكارتات بساع
تأفأف حمزه بضجر وحط الكارت والبصمه ع الميز والبقيه كذلك حد ما وصل السره لجنـة المـأوى باست راس جدي وانطتة الكارت لأن هيه تمشي وي السايق :لا يجدي انتِ ماخذة منج ادري بيج شنو بس هذول السرسريه لازمهم تأديب ابتسمت جنـة المـأوى وكعدت يمنه اخر شي كملهم وعدل كعدته واردف:اليوم راح يجون ولـدي الكـبار اخوانكم تدرون بالأنبـار كاعدين وراح يعيشون هنا
باوعلي وحجه:جدي اريدج اي واحد من عدهم ميشتغل تشغلي تمام جديدي
زرقـاء اليـمامة :غالي والطلب رخيص تأمر جدي
محـمد:يمـامة جدج ادري بيج واريدج تتأكدين من السيڤي مالتهم خاف يسوون سالفه وميدرون شنو هي خوش يجدي هاي الشغله صارت يمج واعرف اذا صارت يمج بعد هاي هيه اطمن
زرقـاء اليـمامة :من هاي قبل هاي تدلل
ابتسملي ورجع حجه وي الموضفات:اريد تنظفن غرف الطابق الرابع كلها خوش
هزن راسهن وراحن رجع حجه ويانه :اريدكم كلكم تمشون عدل وي ولد عمامكم وماريد مشاكل خوش
هزينه راسنه كال:خووش
الكُل:خوش
كمت واترخصت اصعد لغرفتي باوعت وراي كلهم وراي بسرعه كمت اركض بالبوت وهُمة وراي وصلت وقفلتها وهمه يدكون بيها :حبابة يمامة قنعي جدي بداعت امي
كُل مره يحلفوني بيها حتى اقنع جدي ينطينهم غراضهم خذت فوني ودزيت اوك كامو يصيحون :لج انتِ قُطعه وحده حتى بجزيره الواق واق ممتوفرة ابوس عيونجج الزُرك
ابتسمت ورحت اباوع لملامحي بَشرة صافيـة بيضاء ،رمَوش طَويلة وحَـمراء اللون ،عَيون زَرقـاء غامقـة،حَواجب حَمـراء ،شِفاه مَرسومة مُمتلئة ، انفُ رَفيع ،شَعـر طَويل احمـر،خُدود مُمتلئة
فزيت من صفنتي بملامحي نزعت البوت وكمت خذت تشـيرت ابو تعلاكة وشورت رحت نزعت ملابسي ودخلت للحمام سبحت بسرعه وطلعت لبست وكعدت ع المرايـة اسرح شعري شسورتة بساع وكمت خذت الشاحنه وحطيت فوني وضع طيران وشحنته واتمددت وغمضت عيوني ماحسيت ع نفسي الا ساعه بـ2:23 :اووو شكد نايمهه خذت فوني لكيت اشعارات قبل 5دقائق من كروب العائله:كافي نوم انزلي
كمت رحت للحمام غسلت وجهي وطلعت للخـزانة اخذت cradigans سَمائي وخذت Hey hop اسود وخذت Black jacket اسود وskirt توصل فوك الركبة وبوت اسود طويل يوصل حد الرُكبه ميبين رجليي وخذت كوت اسود لبستهم كلهم ورحت بأتجاه الميز شلت شعري دونات دَائـري ونزلت كُذلتي الشقـراء ولبست ساعتي الذهبيه ورشيت عطري اخذت فوني وجنطتي وفتحت الباب ونزلت لكيت الصالة مملوئة بالناس شباب وزلم كبار لابسين دشاديش بيض ونسـاء لابسات عباية وحجاب عكدت حاجبي بأستغراب ونزلت مكملة طريقي وكفت باوعت مالكيت عطلاتي يعني بغرفه عَلي رجعت صعدت بساع وطبيت بدون مادك الباب :سلام القول منَ ربِ الرحَيم
زرقـاء اليـمامة :ششايفين جني؟متنزلون ترا محد لمحني دورت عليكم شنو هاي عَشيـرة كاملة جايين شدعوه اختنكت من هسه امشوا ننزل
عَلي:يباوو ع كولة رُمانة مانزل لمحتني وحده جبيره منهم ضلت تأشر عليه وتتبوسم معليه استحي اني
وغطه وجهه عود خجلان
زرقـاء اليـمامة :عَلينه علي علينه كافي شقه وكوموا
حمزه:وين رايحه بلا
زرقـاء اليـمامة :ضايجة ومبين ماوراهم غير السوالف واني مالي بسوالف
جنـة المـأوى :اختنكت والله امي كوه خلتني اسلم والرياجيل يباوعون مدري شبيهم
رحت يمها وكرصت خدها الاحمر
زرقـاء اليـمامة :ع جمالج يباوعون ضوه عيوني بساع كوموا يلاا ماعدي عواطف يلاا هسه جدي يرزلنه بساع
كاموا يطافرون عدلوا نفسهم واني رفعت راسي وكمشت ايد جنـتي وعدلت كذلتها :لاتبينين خجلانه واذا تردين رايحه للنهـر ترحين وياي
هزت راسها بأي ورجعت ملامحها طبيعيه مبتسمه وعدلت الها الـ Skirt ولزمت ايدها وطلعنه من الغرفه للصاله منتضريهم يطلعون اندز مسج ع فوني وفون جنـة المـأوى فتحنا لكيناها من كروب العائله من جدي:اليوم انعل والديكم انزلوا لا اصعد اخليك تطيرون وي الملائكه بساع
كبل طلعوا قبل منصيحهم درت وجهي ونزلت وهمه وراية اتوجهت انظار الكُل علينا اشرلنه جدي نجي ابتسمت ورحت اتقدم :السلام عليكم ردوا السلام ورحت بست راس جدي كام جدي وحاوطني وحجه:هاي حبيبة جَدها زرقـاء اليـمامـة بسرعه وكفوا الزلم واشروا للبقيه يوكفون وكفوا الكل احتراماً الي ولجدي اتقدم واحد من عمامي :شلونج يُبا اني عَمج حسـن الچبير
زرقـاء اليـمامة:هلا عمي
ابتسم ومسح ع راسي البقيه سلموا عليه والشباب والبنات صايرين شله وحده ويباوعون معاجبهم الوضع ابتسمت بهدوء واتقدمت يمهم:هلا شباب بنات الكُل:هلا
حجت وحده :انتِ الـزرقـاء ؟
زرقـاء اليـمامة :اي عينـاي انِي
ابتسمت وفتحت عينها بتوسع واجتِ يمي :والله متتخيلين شكد اني مُعجبة بشَخصيتج الغـربية كُلها تحجي عنج وعن ثقتج بنفسج وشكد انتِ مُواضعه هسه دَحكي هذي بنت عمي حامد كلش تحبج بس هيه تستحي تحجي وياج
ابتسمت الها واشرت للبنيه تجي اجت يمي عدلت شعرها وكلت:شنو اسمج يحلوه كالت بخجل :اسمي مريم
زرقـاء اليـمامة :اوو شنو هل اسم الحلو انتِ تحبيني ؟
مريم :كُلش احبج واتمنى نصير صديقات
زرقـاء اليـمامة :تمام نصير صديقات ليش لا
طلعت من جنطتي اسوار الصداقه الي عندي منه نسختين :هسه هذي هديه الج لأنو صرنه صديقات تمام
مريم :عادي احضنج
زرقـاء اليـمامة :لا
هيه برطمت كبل ضحكت وفتحت ايديناتي ضحكت وحضنتني ابتعدت تضحك :انتِ كُلش لطيفه تعرفين
زرقـاء اليـمامة :ايي ههه
راحت كعدت يم البنات ابتسمت ورحت يم جدي
زرقـاء اليـمامة :جدي ممُكن تنطيني الكارتات وبصمات السيارات مال ولد
استغفر وانطانياهن ابتسمت اخذتهن ورحت يم الولد اهز بيهن :يلا كدامي كاموا يبتسمون ودخلوا دخلت وراهم النسوان استلمن البنات بووس النوب الزلم نفس الشي حمدالله اكو شي مُشترك انو شبابنه ضَخمين وهمه هم اجتِ يمي جنـة المـأوى :يباوو شلعت خدي
ضحكت عليها صدك خدها احمر من البوس والبقيه كذلك اجوا الولد مكشرين فتحوا ايدهم همه والبنات:يلا جيبي
زرقـاء اليـمامة :بأدب اكثر
ابتسموا وكالوا:يمامـة جَدج مُمكن تنطينا الكارتات
زرقـاء اليـمامة بأبتسامه:مُمكن
انطيتها الهم وهمه رادوا يطلعون وجدي اشرلهم يكعدون كعدوا مطايقين رواحتهم واني هم اشرلي اروح يمه رحت كعدت يم رُمانه:ولج خلي اقره عليج باع العيون صافنات عليج
زرقـاء اليـمامة :رُمانه هذول ولدج
رُمانه :ولدي ببيش الكيلو اهم شي احفادي
ضحكت وهي تقرا عليه وتخمس فتحت فوني لكيت الساعه بـ3:44 كمت وكلت الجدي:جدي اني وجنـة المـأوى والبنات راح نطلع عدنا شغل تسمحلي
هز راسة ب اي كبل كمزن البنات كبالي والولد هم كال جدي:هاا وين اكعدوا هنه عدهن شغل انتوا شكو
كعدوا بائسين ابتسمت واشرت لجنه تكوم طلعنه لكينه البنات صاعدات بسياراتهن صعدت جنـة المـأوى بصدر واني فتحت الباب وكتلهن ينزلن الجام :وين رايحات
نَجمة الهوى،سُدرة المُنتهى :وراجن
البقيه كلمن راحت بجهه رحنه لنهر دَجله نزلنه لازمين ايد بعض نَجمة وسُدره انطلقن يصورن واحنه رحنه كعدنه قريب النهر كالت جنتـي:يمـُم انتِ تعبانه تدرين
زرقـاء اليـمامة :حبيبي اني دوم متعوبة وبس اشوف عيونج انتعش
ابتسمت وميلت راسها ع كتفي اجت نَجمة وسُدرة المُنتهى
كعدن سُدره بصفي ونَجمه بصف جنـة المـأوى :اهووو شلون عطل هذا حته هنا لاحكيني
زرقـاء اليـمامة :دجاوبي جاوبي
ردت سدره كام ع كروبنه الخاص مال الشباب :شكوو
حمزه :عليج الزهره وين انتن عَننا جدي ميقبل نطلع يكول شوفوا الزلم الزينه كاعدين يمنه وانتوا كوا***تردون تديحون وين يمامـة
فحطنه من الضحك شلون يحجي محترك دمه لأن ميطلع
زرقـاء اليـمامة :ها حَمزاوي
رفع الكامره ذو الفقـار وحسن ورسول وعلي وبقيه الولد يهزون برجلهم :هاي لأن ميقبل جدي نديح عليج الله حاجي بكلمه يقتنع
سُدرةالمُنتهى :يُمة الدياحـة تمشي بدمك وي الوريد
خزرتها هيه تأفأت بضجر
عَلي:يلا يمامـة بداعت امج
زرقـاء اليـمامة :تمام انطينيا
كام يمشي والكامره مفتوحه كام يصيح :جَدي جَدي
محـمد :ها شبيك ولك
عَلي:جدي هاي يُمم
محـمد:وكرفة التكرفك احجي عدل
كلب راسه بأبتسامه مُصطنعه :جَدي هاي زرقـاء اليـمامة تحاجيك
محـمد :ها يجدي شلون الشغل
زرقـاء اليـمامة :حَبيب الحَمدلله بس بقه شويه والولد كُلهم محتاجتهم
محـمد :خوش خوش هسه ادزهم هاك ولك
انطه الفون لعلي وحجه:هسه تاخذ ولد عمك وتروح ليمـامـة خوش
هز راسه وكبل مشه :ابوسجج من راسج وين انتن
صحكت وكلت:يم النَهر
عَلي ،حَمزه :جايين طيارة
ابتسمت وسديت الأتصال
جنـة المـأوى :بنات جعت
سُدرة المُنتهى :اني راح اطك
نَجمة الهوى :اني بلعومي متعطش للأكل
غمتها سُدرةالمُنتهى:ثولل قصدج جوعانه
نَجمة الهوى :نفس الشي يلا يُمم حبابه طلبي
هزيت راسي وفتحت الفون وطبيت ع مطعم اختارينه اكل وخابرت:السلام عليكم
:عليكم السلام وياكم مطعم *****
:بلا زحمه اريد اطلب
:تفضلي
:اريد كنتاكي 12قُطعه وبيتزا كَص ثلاثه وببروني وحده بلا زحمه
:هاي هيه بس العنوان
انطيته العنوان وسديته طبكت سيارات الولد نزلوا متقدمين يمنه جروا كراسي وكعدوا
زرقـاء اليـمامة :وعليكم السلام
الكُل:سلام عليكم
هزيت راسي وجـنه وخرت راسها من كَتفي وحجت :حرامات ماجبت هذي البنت الكيوت السلمت ع يُمم
حَمزه:اهييي جـنة اسكتي احسن
عَلي :فد دراماا تكلها اسمي م مريم عود شوفوني خجلاني
سُدرة المُنتهى :ايععع انوب حضنتيها شلون شمدريج ما هيه بيها قَمل او شي
ذو الفقـار :دسكتي يأم القمل شهل تزعطط اكول گمل وانجب قَمل امداج يلغَمه
سُدرة المُنتهى :امداك انتَ يامعيدي يا متعرف تحجي بس المعدان يحجون هيج بالكاف خُفه لهلوجه
ذو الفقـار :ليش تخليني اكول
هدأت ملامحها وهوه ابتسم بأنتصار حجيت: ع فصلج من المدرسه صَح