Ep 43
Uni+Zaw
နှစ်တွေကြာလာတာနဲ့အမျှ စပ်ခေါင်ထီရာဇ်သည် ရုပ်ပိုင်းဆိုင်ရာအားဖြင့်ပြောင်းလဲမှုမရှိသော်လည်း သခင်လေးစပ်ခေါင်ထီရာဇ်မှ သခင်ကြီးစပ်ခေါင်ထီရာဇ် ဖြစ်လာခဲ့သည်။ကျန်ရှိသောခေါင်အာလူမျိုးဟူ၍ လက်ချိုးရေလို့ရသော ပမာဏသာရှိသော်လည်း စပ်ခေါင်ထီရာဇ်သည် စံအိမ်တော်နှင့်ခေါင်အာလူမျိုး၏ အကြီးအကဲအဖြစ်အရိုက်အရာကိုဆက်ခံယူရသည်။
စပ်ခေါင်ထီရာဇ်သည် နေ့ရက်တိုင်းကြောက်ရွံ့ထိတ်လန့်စိတ်ဖြင့် ဖြတ်သန်းရသည်။ဘယ်အချိန်များ 'မြွေနတ်အရှင်သခင်မ' ၏ကျိန်စာသည် သူ့ထံဖြစ်ပေါ်လာမလဲ၊ ဘယ်လောက်ထိနာကျင်ခံစားရဦးမလဲ အမြဲတစေစိုးရိမ်ကြောင့်ကြစွာ အသက်ရှင်နေရသည်။
" ခေါင်အာလူမျိုးစုတစ်ခုလုံးသေရတာ မင်းကြောင့်! စပ်ခေါင်ထီရာဇ် မင်းကြောင့်! "
ခမည်းတော်၏ နာကျည်းမုန်းတီးသောစကားသံများ။
" မီးလောင်ခံနေရတုန်း ဘယ်လောက်ထိပူလောင်လဲ သခင်လေး သိရဲ့လား! အီးဟီးဟီး....ပူတယ်.....ပူတယ် "
" ခံစားကြည့်! ခင်ဗျားကိုယ်တိုင် ခံစားကြည့်!! ခင်ဗျားလည်းအခုကျိန်စာသင့်နေပြီမလား။မြင်နေရတယ် ကျုပ်တို့အားလုံး ခင်ဗျားကိုမြင်နေရတယ်။တစ်သက်လုံး မသေနိုင်တဲ့ဘဝနဲ့ နာကျင်ခံစားလိုက်စမ်း! "
ခေါင်အာလူမျိုးတို့၏ နာကျင်အော်ဟစ်နေသော ငိုကြွေးသံများနှင့် စပ်ခေါင်ထီရာဇ်အား ကျိန်ဆဲရေရွတ်သံများ။စပ်ခေါင်ထီရာဇ် နှလုံးသားတစ်ခုလုံး မီးမြှိုက်ခံနေရသလိုပင်။
" မုန်းတယ်!! အစ်ကိုကြီးကိုအရမ်းမုန်းတယ် "
ထီအာလေး၏ နာနာကျည်းကျည်းအော်ဟစ်သံတွင် စပ်ခေါင်ထီရာဇ်မျက်လုံးတို့ပွင့်လာသည်။သူ့အားအမြဲတစေ နာကျည်းမုန်းတီးစွာခြောက်လန့်နေသော ခေါင်အာလူမျိုးဝိဥာဥ်များသည် အနားမှာအရိပ်ပမာဝဲနေသည်။
စပ်ခေါင်ထီရာဇ်သည် ကောင်းမွန်စွာအိပ်စက်ရတယ်ဟူ၍ပင်မရှိ။ညတိုင်းခြောက်လန့်နေသော အိပ်မက်ဆိုးများသည် သာမန်လူတစ်ယောက်ဆိုလျှင် သည်းခြေပျက်ရူးသွပ်သွားစေနိုင်သည်။
YOU ARE READING
သခင်ကြီးနှင့်စံအိမ်တော်
General Fictionညိုရိပ် ရဲ့ ဒုတိယမြောက် BL OC Fic လေးပါ။ အားနည်းချက်တွေရှိဦးမယ်ဆိုပေမယ့် တတ်နိုင်သလောက်ကြိုးစားရေးထားပါတယ်။ဖတ်ကြည့်ပေးကြပါဦးနော်။ ဒီ Fic လေးထဲမှာ ပါသမျှအကြောင်းအရာအားလုံးသည် ညိုရိပ် စိတ်ကူးယဥ်သက်သက်ပါ။ အပိုင်းတစ် လေးစမဖတ်ခင် Author' s Note လေးအရင်...
