انَه چتال روحي منين اجيب الثَار ؟
✨
*لا تركزوا على الاغلاط الاملائية ما اوصيكم*
"شلون راح تساعدني"
هيل سأل وعيونه ترجف متجمعة دموعه خايف و مو حاس بآمان لان بحياته ماساعده احد يحس انه مجرد فخ! رافع راسه يباوع ينتظر اجابة من مرتضى
" وين تسكن؟ "
سأل مرتضى يريد يعرف شلون حيساعده ميل هيل راسه على جنب تالي جاوب يشرح له عن المكان الساكن بيه
" ما عندي مكان ابقه بيه لهل سبب ابقه مع الشباب
مستأجرلنا المدير منتظر بيت گاعدين بيه الماعدهم مكان يبقون بيه نشتغل تالي نرجع بالليل
ننام هناك . "
تنهد مرتضى تالي نهض يعدل الطيات الصارت بملابسه يمسحهن بتأني تالي يرفع راسه متأمل
الولدالمتكوم بالارض ضايع وخايف يمد ايده لـه
بنيةيگومه من الگاع
رفع هيل راسه ليفوگ يباوع بعيون مرتضى متردد يدور على ما يدل على انه ديخدعه قلق خايف ينضحك عليه وهم ينطرد ويرجع للمكان الچان بيه المكان الچان بالنسبة له كابوس مو واقع! اذا يرجع عليه يصير مثل امه الي ما بيدها حيلة او يصير مثل اخوه الباعوه گدام عيونه وهو وامه وما گدروا يسوون شي وگفوا مكتوفين الايدي ما يدرون
هسة وينه ومنو الاخذه ميت ولا حيّ!
خايف يطلع هل شخص الغريب شخص سيء!
مثله مثل اي احد جرب يوثق بيه و لطالما حذرته
امه من جنس الرجال!! ما توثق بهل جنس ودايمًا چانت تحاول تبعدهم هو واخوه عن الانظار حته
ما يتدنالهم احد
يحس هيل بحيره مبقي ايديه مضمومات بحضنه ومرتضى ايده متعلقة بل هواء يتنظره لكنه ما حرك ساكن واضح عليه الرهبه تنهد مرتضى بس شافه متردد و حنى ظهره شوي يمد ايده اكثر ويلتقط ايد هيل من حضنه كامشها غير آبه بمبالغته بالحذر منه
"گوم بوية لا تخاف، ما أاذيك انا "
حاچاه بنبرة لينة وهادية يطمنه بينما يسحبه للأعلى بخفه مگومه يأكد اله انه بامآن وماراح يأذيه
او يضحك عليه لأن كلش واضح ان هيل
ما حاسس بامآن
رجفن ايدين هيل بخفه مستغرب يباوع بحيره عاگد حواجبه من مرتضى لزم ايده وضمها بأيده گايده
وحس هيل بمشاعر غريبة تمنى لو انه جرب شعور ان يكون عنده اب يهتم اله ويوگف بظهره ويحميه مثل هيچ اتجه مرتضى للباب يريد يطلعون من الحمامات
"يله تعال خلي نروح للصيدلي يضمدلك
الجروح خاف تلتهبـ.. "
ينز هيل مگاطعه يفصل شبگة ايده من ايد مرتضى يبتعد عنه مسافة تحت استغراب مرتضى مسولف هيل بقلق
أنت تقرأ
بَعد دهَر وجيِل .
Fanfictionدهَر جيِل محضرلِك هوايه حچي بس كون اريدنك تچي بـ أولها نگضيها عَتَب تاليهَا نتشابگ بچيِ عراقية مثليه +
