في بيت نور
ام علي تحضر الريوك ساعه بالتسعه ونص وابوعلي كاعد يسمع اخبار لمار تلعب ﻻن اليوم جمعه فاا نور تكعد متأخر علي وذو الفقار هم نايمين
فاطمه:ماما لمار روحي كعدي اخوانج
لمار:حاضر مامتي مامتي ونور اكعدهاا
فاطمه:اي ماما كعديهاا
لمار:بس اخاف تضربني
فاطمه:ههههههه ﻻحبيبتي متضربج روحي كعديهم يله حتى اطلعج اليوم
لماربفرح:حاضر مامتي
راحت لمار كعدت علي وذو الفقار ضلت تلعب وتتشاقه ويه ذو الفقار ﻻن هو كولش حنون عليهاا ويحبهاا هي ونور كولش
كعدتهم وراحت هي وذو الفقار يكعدون نور
فاتو لغرفتهاا جانت نايمه وشعرهاا واكع من علي القريوله ذو الفقار جرهاا من شعرهاا ونهزم من الغرفه بقت لمار بالغرفه فزت نور جان تشوف لمار كاعده تلعب بمكياجهاا وحست على الي جرهاا من شعرهاا ﻻن وكعت عبالهاا لمار جان تباوع عليهاا وخنزرت لمار خافت كولش
لمار:والله نونه مو اني هذا ذو الفقار
نوركامت تركض وره لمار وتحجي عليها
لمار نزلت جوه وختلت وره ابوها
نور نزلت وراهاا وشعرها مكفش وجانت ﻻبسه دشداشه قصيره شعرها اطول من الدشداشه باوعت عليهم كولهم يضحكون عليهاا
علي:حبيبتي تعالي منو وياج اليوم ادفنهم
ذو الفقار:تدفني اني اني جريتهاا من شعرهاا
علي:انت هيج مزعلهاا انوب جارهاا من شعرهاا اليوم احركك
احمد:كافي بابا شبيكم انتو بس تتعاركون اكلو واسكتو تعالي بابا نور اخوج جان يشاقه وياج
نور:صباح الخير باباتي صباح الخير ماماتي صباحوو للي يتعاركون على مودي بس فقوري اني الك
الكل صباح النور يانور
ذو الفقار:انتي الي لعد شوفي منو يأخذج ويه اليوم
نور:يمه حبيبي امووت عليك كم فقوري عندي اني
علي:هاا ولج هيجي لعد صارت
نور هي وتبوس علي وتكوله ﻻحبيبي بس اليوم على مود الطلعه هع
علي:امشي اكلي مصلحجيه
كملو ريوك ونور شالت الاكل ونظفت البيت وامها سوت الغده علي راح على خطيبته يتغدون سوه وذو الفقار بغرفته ونور تحجي ويه صديقاتهاا اتغدو وكملو
ذو الفقار:يله روحو بدلو تأخرنا
احمد:دير بالك على امك وخواتك ولتسوق سريع
ذو الفقار: ان شاء الله بابا
كملت نور لبس وديطلعون شافهاا ابوها كالهاا عفيه ابنتي تسمع الكﻻم يقصد على لبسهاا ﻻن جانت نور كولش محترمه ولبسهاا هم ﻻن ابوهاا واخوانهاا متشددين نور جانت ﻻبسه بنطلون كابوي ومونتو اسود وشال تفاحي وكاله تفاحي هم طالعه كولش حلوه
طلعوو واتونسو واخذو صور رجعو للبيت ساعه بالتسعه ونص لكو علي وصديقه محمد كاعدين بالحديقه راح ذوالفقار عليهم وفاطمه ولمار هم سلمو على محمد نور جانت بالسياره اتنزل الغراض الي اشترتهاا فاتت شافت محمد انصدمت ﻻن اول مره اتشوفه جانت بس تسمع عنه من اخوانهاا راح سلمت عليهم
علي:محمد نور اختي نور هذا محمد صديقي بالصيدليه
نور ومحمد بنفس اللحضه:اتشرفناااا
نور ضخكت بخجل واستئذنت ودخلت للبيت
محمد ضل صافن عليهاا وعلى جمالهاا وادبهاا
نور ضلت تفكر بمحمد بعدين كالت هاي شبيج نور هذا صديق علي يعني يموتني بس افكر
اخذت نور العشه لعلي ومحمد وذوالفقار وراحت لغرفتهاا نامت
كعدت ثاني يوم الصبح ساعه11 ﻻن جانت عطله مال اخر السنه وجانت ناجحه من الخامس للسادس نظفت البيت غسلت وصلت وكعدت على النت تحجي ويه صديقاتهاا اجه ابوها واخوانها من بره اتغدو وعده اليوم عادي مثل كل يوم مر اسبوعين
ملاحظه
هلووو طبعا هاي اول مره اني اكتب قصه حبيت تنطوني رئيكم بيهاا حلوه لو ﻻ
أنت تقرأ
الحب الطاهر
Romance.. بين من اختلفوا بالدين او المذهب او القومية بين من اختلفو بلون البشرة قصص الحب لا تعلم من تختار ابطالا لها.. هي توقع ورقة قبول العشق لقلب قرر ان يحب بصدق متناسية دينه مذهبه قوميته اختلافه عن من احب
