ما تبقى من قلبي

البارت الأول

مهدي :٣٠/٧//١٩٨٥
طبيت للبيت واني مبتسم البناتي الاثنين الي تلمني يركضن للباب ذبيت جنطتي وشلتهن ابوس بيهن ودخلت جوه السلام عليكم

ريهام :وعليكم السلام ابو قمر مشتاقتلك
مهدي: تقربت منها وحظنتها ويا البنات شلونج غاليتي ريهامي

ريهام:من شفتك ياحبيب الروح من شفتك صرت بخير لا تروح بعد ما نشبع منك ياعيني

مهدي :تعالو تعالو كعدنه وهنَ كعدن داير مديري طلعت الهن الحلاوة والعابات ثلاثه على عددهن

:ها عجبنجن

تبارك:كلش كلش بابا حيل حلوات راح اروح اراويهن الستواهن واجي

.. :تؤؤ ماكو طلعه اليوم اريد اشبع من عندكم باجر باليل اطلع

ريهام :اكوم اسويلكم ريوك ياعمري

؛ ضليت العب ويا البنات ونضحك بعدها كمت وسبحت وبدلت ملابس البيت وتريكنا وشلت تبارك والايد الثانية كايد بيها تمارة وطلعت للحلاق صديقي هناك بالجيش ما احب احلق يمهم هنا صديقي يرتبني

همام.؛ياهلا ياهلا بأبو تمارة اكول اليوم الشارع ليش منور تعال

؛ تقدمت حضنته النور نورك ابو عبدالله
بعد السلام الحار بده يرتبلي شعري يسولف وياي على الأوضاع هناك طمنته وخلص كوه اخذ الفلوس من عندي  رجعت واني مشتري للبنات لبلبي وكامش بيدي الجيس الريهام ادفه بي من البرد فتحت الباب ملكيتها تطبخ حطيته الها ع الميز الي مسويته من خشب حضنتها وبستها من ركبتها مشتاقتلج يانور عيوني

؛ مهدييي عيب البنات خلي اخلص الغده
.
؛؛وين اكو وحده تكول الرجاله هيج ولج صارلي اسبوعين ماكو بس هالمرة سماح اروح اشبع من البنات بين ماتكمل امهن واشبع منها

؛ عساس هسه اني مكيفه بوضعي اتمنى اتوسد حضنك ومااخليك تطلع ولا تخطي خطوة وحده اريد اشبع من حضنك واضل شهور مكابلتك بس شدمرني غير  الجيش

؛ بست راسها تهون وداعتج تهون

باليل نايمه بحضني امشي ايدي على شعرها واوصي بيها ريهامي البنات ثم البنات تديرين بالج عليهن منا لمن ارجع الباب ماينفتح ابوي يمر عليج يجيبلج المسواك اذا ردتي تطلعين وصي ابوي يكول المرته وخلي تطلعج

؛ لا تشغل بالك ياحبيب الروح اريد بس ترجعلي بالسلامة كلشي ماريد بعد

؛ ادعيلي ترى اموت الف موته واني افكر بيكم منو الكم بعدي لا تنسيني بالدعاء صونيني وحتى اذا متت ربي بناتج وضلي عليهن لا تطلعين ولا تتزوجين ترى تعذبيني بكبري اذا نكشفتي الغيري تعرفيني شكد احبج واغار عليج من نسمة الهوى الي تلامس وجهج

؛ افديك بروحي لا تحجي هيج إني اموت بعدك لا تخوفني وخليني متأملة حتى لو كل سنة اشوف وجهك لا تتركني