بـسم الله الرحـمن الرحيم
❤️❤️❤️
عنـد نجد بالبيت
دخلت ام فيصل بهدوء وشافت نجد نايمه وتعبانه عالسرير وكسرت خاطرها لانها م تعرف بشي وكان لازم يعلمونها من قبل وقربت منها وقالت
ام فيصل : نجد نجد حبيبتي
نجد وهي نايمه : خمس دقايق واقوم
ام فيصل : طيب ، بعدها قومي البسي وتجهزي بنروح بيت جدك سلطان
فزت نجد بصدمه : ايش
ام فيصل باستغراب : بيت جدك سلطان
نجد : يمه انتي تدرين صح؟
ام فيصل بحزن : والله ادري ي بنيتي لكن م باليد حيله وهذا جدك وكلمته لازم هي الي تمشي
نجد : يمه تكفين مابيه
ام فيصل : شنسوي عاد ، روحي البسي وتكشخي وكلمي جدك م تدرين يمكن يوافق
نجد : اعرف جدي سلطان مستحيل يوافق
ام فيصل: م تدرين انتي يلا يحبيبتي قومي وان خلصتي انزلي سويت لك فطور
ابتسمت نجد بحب وكيف امها واقفه معها بكل شي : ابشري
ام فيصل : تبشرين بالجنه يلا لاتتاخرين
قامت نجد واخذت شاور سريع و لبست فستانها الوردي عاري الاكتاف وضيق من الخصر وطويل نقدر نقول وحطت مكياج خفيف وعطر ومسك وطلع شكلها ححلللللو ونزلت
ام فيصل : ماشاءالله تبارك الله تحصني تحصني
استحت نجد : يمه شرايك بالروج ولا تحسين اوفر
ام فيصل : والله حلو يلا افطري وبعدها روحي
دخل حمود : اوووف اوف نجد وش هالكشخه
نجد : شكرا
ضحك حمود عشانها استحت وجلس جمبها : والله وانا اخوك اسف اني م قلت لك عن خطبتك بمنصور لكن هذا قرار قدديم وجدي كان ملزم ان محد يدري ومعليك انا اثق بمنصور لاني صديق قديم له ف اعرف سوالفه ترا رجال كفو
نجد بحزن : طيب انا توني صغيره مابي اتزوج ي حمود
حمود : معليك اصلا بنكلم جدي يصير الزواج بعد م تتخرجين
نجد بشهقه : يعني لو م وافق بتزوجه الحين!!!
ام فيصل : حمود شفيك على بنتي خلاص خلها
حمود بضحك : والله ي يمه هذا كلام جدي يعني
نجد : طيب م كلمتوه ؟
حمود : مين؟
نجد : منصور
حمود : حتى لو منصور م يبي جدي مُصر الا تتزوجون
نجد الي امتلت عينها دموع : طيب انا ماحبه
حمود : معليه وانا اخوك المهم تروحين معي لبيت جدي
نجد : يلا بجيب عبايتي
حمود : ولاتنسين الطرحه
نجد بضحك: اي ان شاءالله
عنـد مها
كانت تعبااانه من الجامعه وجايه متاخر واخيرا قربت توصل
مها : هذا شفيه يكبس لي
خافت مها انه فهد ويمكن يسوي لها شي ودعست اسرع منه وبلحضه رعب دقت على اخوها حمود لانه احن واحد من اخوانه
مها بخوف لانه يمشي اسرع منها ويوقف قدامها وماقدرت تسطير: حموووووود ساعدني
حمود بخوف : شفيك؟
مها : انا بشارع ******* تعال بسرعه في واحد يلحقني بالسياره
ركض حمود وشغل سيارته ولحسن الحظ ان الشارع هذا قريب من بيتهم
عند نجد وامها
نجد : يمه اي عبايه البس ذي ولا ذي
ام فيصل : والله شوفي يمكن منصور يكون هناك ف لاتلبسين عبايه ملونه
نجد بحقد على منصور : بالطقاق من زينه
ام فيصل : لا ي بنتي هذا بيصير زوجك وبعدين شفيها ان لبستي عبايه سودا
جلست نجد جمب امها وقالت : يمه تكفين سوي شي مابيه
ام فيصل كانت حاسه بشعورها لانها تزوجت اجباري وقالت : نجودتي حبيبتي ترا انا م كنت قبل احب ابوك وغصبوني عليه زيك بالضبط ولكن بعدها حبيته حب كبير وجبتكم وحبيتكم
نجد انصدمت لانها م كانت تدري ان امها تزوجت كذا
نجد : يعني تقولين كذا؟
ام فيصل : اي
