بسـم الله الرحمن الرحيم
❤️❤️❤️❤️❤️
عند نجد ومنصور
منصور : ايوا وجبنا الاكل
نجد بالم : منصور مقدر اتكلم كل م تكلمت حلقي عورني
منصور بحنيه : افا خلاص اشري لي وافهم عليك ، وبدا منصور يوكل نجد وبعدها بدقايق دخلت مها ونوف
نوف بفرح : الحمدلله على السلااااامه
مها : طالعه من الشر نجودتي
منصور: نجد حلقها يعورها م تقدر تتكلم
مها ونوف بصوت واحد : اها
منصور : اي
نوف : اجل احنا نستأذن صح مها
مها : اي واي شي يصير قولو لي
منصور : ان شاءالله
بعد م طلعو مها ونوف
منصور : ها نجودتي تقدرين تتكلمين؟
اشرت له نجد ب "لا" بحكم انها م تبي تشد على نفسها ويزيد الالم
منصور بضحك : اها ، وبدا يقرا عليها ويدعي لها
ابتسمت نجد وقالت بالم : منصور بكلم امي
منصور : لا عشان م تخاف عليك وانتي الحمدلله مافيك الا العافيه
نجد : طيب ابي كندر
منصور بضحك : الحين انتي من اليوم م تتكلمين ويوم بغيتي كندر تكلمتي ، ابشري من عيوني
وراح منصور يجيب لها كندر ، وبعدها بدقايق دخل الدكتور على نجد
الدكتور: اخبارك ي نجد ، للحين تحسين بالم؟
نجد بأبتسامه: لا الحمدلله خف الالم
الدكتور : جيت اقولك خبر انك بتطلعين بعد ثلاث ايام ، ولاتشدين على نفسك
نجد بصدمه : ثلااااث ايام!!!!
الدكتور بضحك : بحاول اخ.... ، م كمل كلامه الا ومنصور داخل عليهم وبعصبييييه الارض
منصور : شتسسسوووي هنا انت؟؟؟؟؟!
الدكتور : اكلم نجد بموضوع
منصور بعصبيه : ووش الموضوع ماتشوفني جالس عندها من الصبح؟ تكلمني انا انا زوجها
الدكتور : اهدا لاينرفع ضغطك ترا بس قلت لها متى خروجها من المستشفى
منصور : ماشاءالله وتقول لها متى تطلع وتضحك ؟ وش م عندك خوات انت
الدكتور بعصبيه : لاااتتجييب طاري خواتي على لسانك لا اقصه
نجد كانت ماسكه راسها من هول الهوشه وحست بالم وقالت : خلاااص ازعجتوني
منصور : خلاص ي دكتور قلت كلمتك تفضل برا
طلع الدكتور بهدوء ولا حب يكبر السالفه خصوصا ان منصور غييييور وبزياده
منصور بغيره : تسسستهبلييييين انتتتتي ؟؟؟؟؟؟ انا مو قلت لك لادخل احد عليك تتغطين ؟ قلت ولا م قلت
نجد بتالم ودموع : طيب انت تشوف كل هالجروح منك لو تلاحظ الحادث انت م جاك شي بس انا ويوم لعبنا نفس الشي ، وبعدين تشوف يدي ورقبتي ورجلي كلها هالجروح منك انت لو تدري وتجي تلومني ليه م اغطي وجهي ليه انت خليت شي صاحي فيني؟
جلس منصور جمبها وهو يلوم نفسه مليون مره : صح كلامك وانا اعتذر وقرب منها ومسح دموعها وقال: اسف ي عين منصور والله اسف اعذريني الي يشوف جمالك يلهى عن كلشي وانا اسف اني خليتك تتالمين كل هالالم بسببي
نجد: طيب عطني جوالك بكلم امي
منصور : بشرط
نجد : وش شرطك
منصور : تعطيني بوسه واعطيك
نجد : منصور تكفى مالي خلقك عطني
منصور : اجل بوستين يلا
نجد : طيب وش مخبي ورا ظهرك ، طلع منصور كرتونين كندر لنجد وقال
منصور : كنت بشتري لك اكثر بس اخاف يزيد عندك السكر
نجد : عطني ياهم
منصور بطمع : بوستين واعطيك
نجد : لاتصير طماع
منصور : وانتي لاتصيرين بخيله
نجد : طيب بس تعطيني ؟
منصور : اعطيك من عيوني
نجد : طيب قرب مقدر اقرب انا ، قرب منصور وعطته نجد بوستين وحده بشفته والثانيه بخده
منصور : يلا خذيهم
نجد : شكرا ، قرب منصور من نجد وفتح لها الكندر وبدا يوكلها
منصور : اااخ حتى وانتي تاكلين جمييييييله جمال غير عادي كيف انتي كذا
نجد بأبتسامه: لاني كذا
منصور : والله ان هالجبس حرام تحضن نحرك قدامي
نجد بأبتسامه: ممكن استاذ ميمي اكلم ماما
منصور : جوالك معي بس نذاله مابي اعطيك
نجد : ليه طيب
منصور : بس تبين كلهم يجونك ويحضنونك ويقولون لك الحمدلله على السلامه؟ طبعا لا بتجلسين عندي
نجد بذهول : شدعوه ترا اهلي
منصور : واذا اهلك ؟ اغار عليك حتى من اهلك
نجد : طيب فيني نوم
منصور : ابشري الحين ننام
نجد : وش تنام معي لا طبعا
منصور : يلا نامي نامي بنام بالكنب
بعدها بدقايق نامت نجد عشانها م نامت كثير من السفر ، وقرب منصور وباسها على راسها وقال : يارب لاتحرمني منها انت تدري انها اغلى م املك ، ونام جمبها
عنـد المخيم
رجعو البنات مع احمد متاخر وكانت ام فيصل نتطرهم باستغراب لان تاخرو
ام فيصل : وين كنتو وليه نجد مو معكم
لفت مها على نوف بتساؤل وش تسوي واشرت لها نوف ان تقول لها
مها : اسمعي يمه بقولك بس لاتخافيييين!
ام فيصل : وشو بعد
مها : يمه نجد طاحت والحين بالمستشفى
ام فيصل : مره ثانيه ياربي ياهل بنت
مها : اي معليك وماطلعت من المستشفى الا وهي قايمه والحمدلله كلها كم يوم وتطلع
ام فيصل : طيب اي مستشفى ؟
مها : مستشفى********
ام فيصل : اها ، يلا ادخلو امسحو مكياجكم ونامو
مها ونوف بصوت واحد : يلا
يتبع❤️
