«جحيم عشق الشيطان»

الفصل الثاني «ظُلم»

البارت الثاني.
♠ جحيم عشق الشيطان ♠
❥ أشتقنا لأشخاص كانت سعادتنا ..كانت حياتنا .. كانت كل شئ...❥
♖♖♖
في السادسه مساءا في منزل عائلة عشق يجلس الجميع ينتظر عشق تأتي فهم يعلمون هروبها في الصباح.
هند: من سته الصبح لسته المغرب يا ترى عملت كام مصيبه في كل ده.
ناديه والدة فارس بغضب: اخرسي انتي مش هتبطلي كلامك اللى مفيش منه فايده ده.
هند: ما هي الحقيقه دايما بتوجع كده.
دلف فارس الي منزله وجدهم مجتمعين ركضت اليه تالين.
تالين : فارس فارس.
فارس: توتو مالك.
تالين ببكاء: عشق طلعت من الصبح.
فارس: انا عارف خير.
الجد حسن: عارف ان هي طالعه ومقولتش ليه ممنعتهاش من الطلوع ليه.
فارس: خليها تكمل تعليمها.
وقاطعهم صوت الغفير.
الغفير: يا فارس باشا يا فارس باشا.
فارس: في ايه.
الغفير: ابن عمك شادي بيه واقع بره وهدومه كلها دم.
ركض الجميع لكي يروا شادي وجدوه ملقى علي الأرض ومجروح في كتفه وجرح في بطنه.
والدته كريمه: ابنييييي الحقوني يا ناس.
الجد حسن: دخلوه جوه واطلبوا الدكتور.
فعلوا ما امرهم به ولكن فارس كان عقله مشتت جاء الطبيب وقام بعمل الاسعافات الأوليه لشادي.
الدكتور: متخفوش يا جماعه كلها جروح سطحيه فتره بسيطه وهتلم.
عبدالله: شكرا يا دكتور.
ذهب الدكتور وذهب فارس الي غرفته وذهبت خلفه تلين.
تالين: مالك يا فارس.
لا رد من فارس.
تالين: فااارس.
فارس: هااا بتقولي حاجه يا توتو.
تالين: بسألك مالك.
فارس: قلقان على عشق.
/وتقلق عليا ليه مأنا بخير اهو.
نظروا خلفهم الي مصدر الصوت وجدوا عشق تقف امام الباب وتأكل التفاح.
تالين بلهفه: عشق انتي كنتي فين.
فارس بحده: ادخلوا واقفلوا الباب.
دلفت الفتيات الي الغرفه.
فارس: كنتي فين طول النهار.
عشق بتوتر: هاا كنت في المدرسه وطلعت للدروس وبعدها جيت علي البيت بس من الجنينه الخلفيه عشان متهزأش من جدو.
فارس وقد لاحظ توترها وتلعثمها في الكلام: تمام روحوا علي اوضكم ومتخرجوش منها دلوقتي خالص.
ذهبت عشق وتلين بسرعه فائقه الي غرفتها وقامت بإغلاقها.
تالين: بطلي كذب وقولي كنتي فين.
عشق: الصراحه انهارده................ وجاتلي الفرصه وجيت علي هنا لما لقيت الكل مشغول في الكلام عني.
تالين بخضه: يا نهار اسود فارس لو عرف هيقتلوا يا عشق.
عشق بحزن: لو عرف يا تالين لو عرف.
تالين: قصدك لو انا قولتله.
عشق: صح فإسكتي بقى واقفلي على الموضوع ده عشان محدش يعرف.
تالين: حاضر بس المحكمه هتتفتح لما الكل يلاحظ انك لسه مجتيش وهتتفتح على دماغك لما تنزلي.
عشق: اسكتي وفكك مني.
تالين: انتي حره.

(البطله عشق: فتاة في السادس عشر من عمرها في الصف الثاني الثانوي جميلة حد الفتنه ذات عيون زرقاء مثل صفاء السماء وبشره بيضاء وشعر بني طويل جدا جسد نحيف ولكن متناسق ، عشق فتاة طموحه ولكن عائلتها لا تحبها)

(تالين: ابنة عم عشق تحبها جدا وتعتبرها اخت لها تلين لديها 20من عمرها في كلية الهندسه تدرس عبر الإنترنت ولا احد يعلم ذلك سوى عشق و فارس.)
♠♡♠♡
في غرفة شادي ذهب اليه فارس بعدما ذهب الجميع من عنده.
فارس بحده: اي اللي عمل فيك كده.
شادي بتوتر: عركه مع واحد صاحبي.
فارس: اوووه بجد تسلم ايده.
شادي بغضب: انت جاي تشمت فيا يا فارس بدل متروح تقبض عليه.
فارس بخبث: اه صحيح الا قولي اسمه اي عشان اروح اظبطه ليك.
شادي بتلعثم: هااا مش مهم خلاص لما اصحصح كده هاخد حقي منه.
فارس بغضب: اقسم بالله يا شادي لو جيت جنب عشق تاني لأكون قتلك انا منستش اللي حصل زمان ولا هنسى، فخليك فاكر انت هتتعامل مع مين لو عشق حصلها حاجه.
تركه فارس وذهب الى غرفته اما شادي فنام من كثرة الألم.
(فارس يعشق عشق منذ صغرها ولكنه لم يبوح لها بعشقه بعد فارس لديه 29من عمره يعمل في المخابرات برتبة رائد متفوق في عمله جدا فارس صاحب العيون البنيه والشعر الأسود والجسد الرياضي المتناسق)
♠♡♠♡
في الأسفل.
جلس الجميع بعد الإطمئنان علي شادي جلسوا في صالون المنزل.
الجد حسن بغضب: بنتك فين لحد دلوقتي يا محمود انا قولتلك جوزها وارتاح من قرفها معملتش زي مأنا قولت ليه يا محمود.
محمود بغضب: طيب اجوزها مين ومين هيرضى بواحده زيها.
الجد حسن: مالها بنتك يعني.
محمود: بتاعة مشاكل ولسانها اطول منها.
/انا راضي بيها يا عمي.
التفوا الي الصوت وجدوه فارس ينزل من على السلم بكامل هيبته واناقته.
فارس: انا مستعد اتجوز بنتك يا عمي.
الجد حسن بلهفه: بجد يا فارس.
فارس: بجد يا جدي.
والده فارس ناديه: لولولولولولولولولولي مبروك يا ابني مبروك لولولولولولولولولولي لولولولولولولولولولي.
نظرت بنات اعمام عشق الي بعضهم البعض وفروا الي غرفهم يكاد الغيظ يقتلهم.
♠♠♠♠
في غرفة عشق سمعت كلا من عشق و تالين صوت الزغاريط.
عشق: هو مين اللي هيتجوز.
تالين: مش عارفه ثم اكملت بخبث، تلاقي فارس اخويا.
عشق ببرود مصطنع: تمام انزلي بركيله نيابه عني.
ذهبت تالين الي الأسفل ومن ثم عادت الي عشق وهي تقفز من الفرحه.
تالين بفرحه: مبرووووووك يا عشق.
عشق بخضه: علي اي.
تالين: قراية فتحتك علي فارس اخويا.
عشق بصدمه: يا نهار اسود انتي بتقولي اي.
تالين: والله بيقروا فتحتك تحت.
ركضت عشق الي الأسفل وجدتهم يقرؤون الفاتحه.
عشق: انتو بتعملوا ايه.
كريمه بخبث: بيقروا فتحتك علي ابن عمك.
عشق ببرود: بس انا مش موافقه.
كلماتها نزلت كصاعقه من الكهرباء علي فارس صدم مكانه لا يعرف ماذا يقول او كيف يفكر .
محمود: انا مأخدتش رأيك انا بقولك اللي بيحصل.
عشق: انتو بتاجروا فيا انا مش عاوزاه انا مش بحبه.
هند بخبث: بتحبي حد غيره.
عشق بتحدي: اه.
قام والدها من مكانه وقام بصفعها بقوه مما ادى الي نزيف فمها.
ركضت عشق الي خارج المنزل وهي تبكي بقوه ركضت وركضت ولا تعرف الي اين هي ذاهبه.
في المنزل.
فارس بغضب: انت ازاي تضربها كده قدامنا يا عمي.
محمود بغضب: مشوفتش لسانها اللي عاوز قصه.
فارس: ولو بردك مكنتش تتعامل معاها كده اهي مشيت ومنعرفش هي راحت فين.
بعد فترة من الزمن.
تالين ببكاء: فارس تليفونها مقفول وساره بتقول انها مش عندها.
اكرم: هتكوني روحتي فين بس يا عشق.
ناديه ببكاء: روح شوف عشق فين يا فارس ومترجعش غير وهي معاك.
فارس: حاضر يا امي اهدي انتي بس.
ذهب فارس للبحث عن عشق بعدما آمر اصدقائه ايضا بالبحث عنها ظل ساعات و ساعات ولكن لم يجدها.
وفجأة اتاه اتصال من صديقه جاسر.
جاسر: فارس انت فين احنا لقينا عشق.
فارس بلهفه:انتم فين.
جاسر: احنا في مكتبك دلوقتي تعالي علي هناك.
اغلق فارس الخط وذهب الي مكان عمله ودلف الي مكتبه وجد عشق تجلس علي الكرسي وعيونها موجهه امامها.
فارس بلهفه: عشق انتي كنتي فين.
جاسر: اهدى يا فارس.
فارس: انتو لقتوها فين.
جاسر: لقيناها قاعده عند النيل.
فارس بإستغراب: وليه راحت هناك.
جاسر: هو انا اعرف اتفضل هي قدمك اهو اسألها
فارس: تمام ومين اللي بلغكم.
جاسر: انا طلبت من واحد صاحبي يدور عليها وهو بيقول انه جاله اتصال من حد عند البحر وبيقول ان في بنت هناك وباين انها مش في وعيها راح ولقاها وجابها ليا وانا اتصلت بيك.
فارس: شكرا شكرا ليك يا جاسر.
جاسر: ولو يا ابني يلا هسيبك سلام.
فارس: سلام.
ذهب جاسر والتفت فارس الي عشق.
فارس بخضه: عشق انتي ازاي تروحي هناك في الوقت ده.
نظرت اليه عشق.
عشق بحزن: انت ليه عملت كده.
حاوط فارس وجهها بكفيه وقال بكل حب: عشان بحبك بحبك انتي وبس.
عشق: وانا بكرهك ومعتش بحبك.
فارس بضحك: بجد بس عيونك بتقول غير كده.
{خائنه تلك العيون تفضح القلب عن ماذا يريد ان يقول، وتذهب العقل عندما تنظر الي المعشوق}
عشق: مالكش دعوة بيا وانا مش عاوزاك ابعد عني بقى.
وتركته وذهبت الي خارج المكتب.
فارس بضحك: طول عمرك عِنديه بس انا أعند منك يا عشق الفارس.