«جحيم عشق الشيطان»

الفصل الثالث (هروب)

البارت الثالث.
{جحيم عشق الشيطان}
♤اولاً وثانيًا واخيرًا لاتنتظر مني ما لا أجده فيك .!♤

♙♙♙
في صباح يوم جديد جلسوا على طاولة الطعام وجوههم حزينه.
نزلت عشق من غرفتها وجلست معهم على طاولة الطعام نظر اليها الجميع واولهم فارس.
عشق: خير بتبصولي كده ليه.
فارس: عامله اي يا عشق.
عشق: زي كل يوم.
وفجأة جاء اتصال لعشق فنظرت الي الهاتف وجدت رقم مجهول فجاوبت بلامبالاة.
عشق: الوو.
المتصل: اخيرا رديتي.
انتفضت عشق من مكانها بفزع فهي تعرف من المتصل.
فارس بشك: في اي.
عشق: ايوه معاكي انا نجحت وجبت كام بقى.
المتصل: انتي بتكلمي نفسك يا بت انتي.
اغلقت عشق الهاتف.
فارس بشك: في اي.
عشق بتلعثم: هاا لا ابدا اصل كنت واخده امتحان امبارح و نجحت فيه.
تالين وهي تأكل: انتي كل يوم بتاخدي امتحان ايه الجديد يعني.
قامت عشق بضربها في قدمها.
تالين بتألم: آآآه رجلي يا غبيه.
عشق: عن اذنكم تعالي يا تالين عاوزاكي.
اخذت عشق تالين وذهبوا الي الحديقه الخلفيه.
تالين بضيق: في اي وانتي ضربتيني ليه.
عشق: في ان الأستاذ علي اتصل عليا تاني.
تلين: خلاص قوليله الحقيقه.
/حقيقة اي.
كان ذلك صوت فارس.
عشق بصدمه: هااا لا أبداً ولا حاجه.
فارس بحده: انطقي انتي وهي.
تالين بخوف: بص من الاخر كده في واحده صاحبة عشق بتحب واحد بس هو مطنشها وطلبت البت دي من عشق انها تكلم الواد ده وتقوله انها معجبه بيه وتشوف رد فعل الواد ده اي وخلاص.
فارس بحده: وانتي كلمتيه يا عشق.
عشق بتلعثم: لأ ايوه.
فارس بحده: ايوه ولا لأ.
نظرت عشق الي تالين.
فارس بغضب: انا بكلمك مش تالين ولا اقولك هاتي التليفون ده.
اعطت عشق الهاتف لفارس.
فارس: افتحيه.
انصدمت عشق و تالين.
عشق بصدمه: هااا.
فارس بحده: بقولك افتحيه.
عشق: الفون عليه حاجات خاصه بيا انا وصحابي مينفعش افتحه ليك.
فارس بشك: لا والله تمام اوي افتحيه بقى عاوز اشوف الحاجات دي.
تالين: فارس اسمع بس.
فارس بصوت عالي: افتحييييه.
انتفضت عشق وتالين وقامت عشق بفتح الفون ورأى فارس جميع المحادثات بينها وبين أصدقائها ولكن ما لم تتوقعه عشق ان ذلك الشاب الذي يدعى كان قد بعث رساله بها كلام مليء بالحب فصدم فارس من هذا.
فارس بحده: ايه ده.
عشق بتلعثم: هفهمك.
فارس: اه فهميني.
عشق بخوف شديد: والله ما اعرف حاجه عن الرساله دي.
فارس بغضب وصراخ: مش ده نفس الرقم اللى كان بيكلمك.
عشق: ايوه بس والله مفيش بيني وبينه اي حاجه.
فارس بحده: تعالي على اوضتي وهاتي الشاي بتاعي.
ذهبت عشق وتالين معا وقامت عشق بأخذ الشاي وذهبت الي غرفة فارس وقامت بالإستئذان ودلفت الى الغرفه.
فارس: حطي الشاي علي المكتب.
وضعت عشق الشاي علي المكتب والتفت الي فارس وجدته في وجهها.
فارس بحده: بتكلميه من امتى.
عشق بخوف: من يومين بس.
فارس بغضب حاد: بتحبيه.
عشق بخوف: لا والله ده حوار كنت بعمله عشان صاحبتي وكمان انا بعتبره زيك كده.
فارس بحده: زي ازاي.
عشق: مش انت اخويا الكبير وهو كمان زي اخويا الكبير.
فارس بغضب: انا مش اخوكي انا بحبك يا عشق بحبك من قبل ما تعترفي بحبك ليا ويوم ما قولتلك انك اختي كان غصب عني بس انهارده هقولك اني بعشقك.
عشق بغضب: وااااو بجد بتعشقني وده من امتى مش انت قولت ان احنا مجرد اخوات ومينفعش ان احنا نكون اكتر من كده سوري بقى يا فارس باشا بس الكلمه دي دخلت دماغي وحبيتها اوي احنا خوات وبس.
فارس بحده: بتحبيه يا عشق.
عشق بتحدي: تؤ تؤ بعشقه.
كادت عشق ان تخرج خارج الغرفه ولكن قام فارس بإمساكها من حجابها وانهل عليها بالضرب وقام بأخذ السوط الذي في خزانته وبدأ في ضربها بوحشيه كانت عشق تصرخ بشده حتى اتى اهل البيت جميعهم امام الباب.
الجد حسن: افتح يا فارس بتعمل اي في بنت عمك.
اكرم: افتح يا فارس.
بعد فتره طويله فتح الباب واخذ فارس تالين وادخلها الي غرفته واغلق الباب في وجههم من دون كلام.
في الغرفه.
فارس بحده: كنتي تعرفي اللي بينهم.
تالين بخوف: مفيش بينهم حاجه والله.
فارس بغضب: امال بيتكلموا ليه صحاب مثلا.
تلين: لا والله هما اتكلموا مرتين بس عشان صاحبتها.
نظرت تالين الي عشق وجدت وجهها مليء بالكدمات وساقطه على الارض يكاد ان يغمى عليها من شدة الآلم.
تالين بفزع: يخربيتك انت عملت فيها اي.
ذهب فارس الي عشق وقام بإمساكها من حجابها وقال بغضب: رفضاني عشان الواد ده ليه اي اللي موجود فيه ومش موجود فيا.
عشق ببكاء وتعب: والله مفيش بيني وبينه حاجه.
اخذ فارس هاتفها وذهب الي خارج الغرفه وجد الجميع امامه.
فارس بحده: انزلوا تحت.
نزل الجميع الي الأسفل ودلف فارس الي غرفته وامر تالين بالذهاب الي غرفة عشق وان تأتي لها بملابس.
فعلت تالين ما أمرها به فارس وذهبت الي غرفته.
فارس بحده: انا هروح مشوار وانتي ساعديها ومفيش واحده فيكم تطلع من الأوضه فاهمه.
تالين: حاضر.
ذهب فارس وساعدت تالين عشق في تبديل ملابسها التي تعتبر انها تمزقت من ضربه لها بالسوط وجلسوا معا.
عشق بتعب: هو راح فين.
تالين: معرفش تلقيه خرج عشان مخنوق شويه وهيرجع بس انا قولتلك ملكيش دعوة بالموضوع ده وانتي دماغك ناشفه هنعمل اي دلوقتي لو فارس قال لأبوكي او جدك اقسم بالله مهيسموا عليكي وهيدبحوكي.
عشق: انا عاوزه انام.
تالين بحزن: نامي يا عشق ربنا يستر من اللى جاي.
دخلت عشق في سبات عميق من النوم ولم تستيقظ طوال اليوم او بالأحرى اغمى عليها.
في المساء عاد فارس الي المنزل استقبله الجميع بتساؤل لماذا كان يضرب عشق ولكنه لم يجب على احد وتركهم وذهب الي غرفته وطلب من تالين الذهاب الي غرفتها وبقيت عشق معه تلك الليله.
فارس بحزن: اسف يا قلبي بس النار جريت في عروقي لما حسيت انك رفضتيني بسببه، بس الحمد لله روحتله وعرفت ان مفيش حاجه بينكم.
نام فارس امامها على الآريكه.
♕♡♕♡
في صباح يوم جديد استيقظت عشق من نومها وجدت فارس يجلس امامها على وجهه علامات القلق وناديه تمسح دموعها وتالين تقف وتبتسم والدموع في عينها.
عشق: خير في اي.
ناديه: اخيرا صحيتي.
نظرت عشق حولها وجدت نفسها في غرفة في المستشفى.
عشق بفزع: مستشفى اي اللي حصل.
تلين: انتي رجعتيلنا يا عشق الحمد لله.
عشق: رجعت منين اي انا مش فاهمه حاجه.
تلين: انتي بقالك اسبوع هنا ودخلتي في غيبوبه
عشق بخضه: انا ازاي بس انا محستش بحاجه ليه.
ناديه: مش مهم المهم انك بقيتي بخير.
عشق: الحمد لله.
فارس بحده: ماما تالين ممكن تتفضلوا بره عاوز اقعد مع عشق لوحدنا شويه.
خرجت تالين ووالدتها، كان فارس يريد استجوابها اكثر هو يعلم انه لا يوجد شيء بينها وبين ذلك الشاب ولكن ما زال الشك يوجد بداخله، فسبب رفضها له الان يؤكد حبها لذاك الشخص.
فارس بحده: رفضتيني ليه يا عشق ومتقوليش عشان مش بحبك لإن عيونك فضحاكي.
عشق بحزن: رفضتك عشان انت رفضتني زمان فاكر ولا افكرك، رفضك عشان كسرتني لما بعدت عني، لما كنت بتشوف بابا ومراته بيضربوا فيا بعد ما اعترفت ليك بحبي، ومكنتش حتى بتدافع عني كنت بتفضل ساكت ليه عملت فيا كده، ليه لما بابا قرر انه لازم اسافر عند قريبة مراته وقعدت هناك سنه كامله ليه ممنعتهوش، تعرف وقتها بس عرفت انك مستحيل تكون سند ليا عشان خايف من حبك.
فارس بحزن: انتي كنتي صغيره وكنت خايف عليكي مش عاوز اعلقك بيا عشان مش ضامن ايه اللى ممكن عمي يعمله لما يعرف انك بتحبيني .
عشق: تمام خلي خوفك ده ينفعك وانا هفضل ارفضك بردك.
فارس بغضب: عشان صاحبك ده مش كده.
عشق بغضب: انت غبي يا ابني انت اكيد روحتله واكيد عرفت منه انه مفيش بينا حاجه المفروض دلوقتي إتأكدت اني مش بكذب فالمفروض تفهم ان اي تواصل كان بيني وبينه عشان صاحبتي بس مش اكتر وكمان انا يا دوب كلمته مرتين بس.
فارس: تعرفي ان لو ابوكي عرف رد فعله اي.
عشق بتحدي: قوله.
فارس: مش خايفه.
عشق: لو كنت عملت حاجه غلط كنت خوفت بس انا معملتش حاجه غلط.
فارس: انتي كنتي فاكره اللي كان بيحصل معاكي وانتي صغيره ولا في حد قالك.
عشق: ميخصكش.
فارس بغضب: امال مين اللي يخصه، انتيليه مش راضيه تستوعبي انك ملكي انا وبس.
دلفت تالين الي الغرفه.
تالين: شوشو يلا اجهزي عشان الدكتور قال انك ممكن تخرجي انهارده.
عشق: تمام.
تلين: فارس مش هتيجي معانا.
فارس: لا عندي شغل.
ذهب فارس نظرت تالين الى عشق.
تالين: ايه اللي حصل.
عشق بغضب: اخوكي ده مش بيفهم.
تالين: غيرة الحب بقى نعمل ايه.
عشق: اخلصي يا تالين انا عاوزه اخرج وكمان انا عاوزه اعرف انا جيت هنا ازاي.
تالين بضحك: بصي يا ستي تاني يوم الصبح صحينا على صوت فارس وهو بيصرخ بإسمك وشوفته وهو شايلك على ايده وبيجري بيكي على بره البيت جريت انا وماما وروحنا وراه وركبنا معاه وجينا وصلنا على المستشفى والدكتور كشف عليكي وقال حالتك النفسيه زفت وللأسف حصلك انهيار عصبي ودخلتي في غيبوبه لانك فضلتي تهربي من الواقع وانك تنامي نوم عميق زي العادة يعني، بس اادكتور قال انك لو عملتي كده تاني احتمال تدخلي في غيبوبه ويحصلك موت دماغي.
عشق: ده كله.
تالين بخبث: بس فارس مكنش بيسيبك في الإسبوع ده غير يروح يغير هدومه بس ويرجع تاني.
عشق: عادي حاسس بالذنب لإن كل اللي حصل ده بسببه.
تالين: ايوه ايوه يلا بينا.
عشق: لحظه بس انا عاوزه اعرف ازاي يعمل فيا كده مين اداله الحق اصلا انه يمد ايده عليا.
تلين: انا سألته نفس السؤال وهو قالي بما انك بقى بتعتبريه اخوكي اشربي بقى من اللى هيعمله فيكي زي اي اخ هيعمله في اخته لو عرف اللى هو عرفه، بس على ما اعتقد ان ده ممكن يكون غيره غير عاديه، فكرة تنك تكوني مع غيرة صعبه.
نظرت لها عشق طويلا ثم تركتها واتجهت الى الحمام.
♕♡♕♡
في مقر المخابرات كان يجلس فارس في مكتبه يفكر في عشق.
جاسر بضيق: فارس احنا في الشغل بطل تفكر فيها شويه.
فارس: اعمل اي يا جاسر بحبها يا اخي.
جاسر: بنت عمك عِنديه يا فارس وطول ماهي رافضه مستحيل توافق.
فارس: هي عِنديه وانا اعند منها.
جاسر: قولتلك ان اللي انت كنت بتفكر فيه غلط وهيخرب الدنيا.
فارس: على فكره بقى عمامي وجدي هما اللي كانوا بيقترحوا انها لازم تتجوز اعمل اي لما اسمعهم انهم عاوزين يبعدوا عشقي عني اضطريت اني اقول الحقيقه واني هتجوزها وخلاص بس مكنتش اتوقع ان تكون دي ردة فعلها.
جاسر: دي عشق حكايه بجد شوقتني لقصتك دي.
فارس: يا شيخ اتنيل المهم خلينا في شغلنا.
جاسر: تمام في قضيه كبيره اوي اتقتل بسببها سبع ظباط وعاوزين حد محترف عشان يمسكها واللواء اقترح ان احنا اللي نمسكها.
فارس: تمام اهي اي حاجه تبعدني عن التفكير في عشق شويه.
جاسر: يادي عشق.
فارس بغضب: علي فكره دي هتكون مراتي.
جاسر: لما هي تبطل عِند تبقى مراتك.
فجأة سمعوا العسكري يستأذن للدخول.
العسكري: فارس باشا اللواء عاوزك انت وجاسر باشا.
فارس: تمام روح انت واحنا جايين وراك.
جاسر: شكل اللعب هيبدأ.
فارس: يلا بينا نروح.
ذهبوا الي مكتب اللواء.
اللواء: ده ملف القضيه دي وعاوز منكم انكم تخلصوا على المجرم ده فاهمين.
قاما فارس بفتح الملف وقرأ اول جمله(الملك).
جاسر: ده اسمه.
اللواء: ده اللقب بتاعه.
فارس: اسمه ايه.
اللواء: محدش يعرف لسه اسمه.
فارس: تمام هنحاول نجمع معلومات عنه قبل ما نهجم عليه.
اللواء: انا واثق فيكم وعشان كده سلمت القضيه ليكم.
فارس: ان شاء الله هنعمل كل اللي نقدر عليه.
اللواء: ربنا معاكم.
ذهب فارس وجاسر الي عملهم وبدأ البحث عن الملك.
♕♡♕♡
عادت عشق للمنزل وجدت ابيها وجدها واعمامها يجلسون.
عمها محمد: وصلتي اخيرا يا عار الدار.
عشق: يادي النيله هو انتو كل ماتشوفوا وشي تفضلوا تلقحوا عليا بالكلام.
قاما والدها من مكانه وقاما بصفعها بقوه.
محمود بغضب: اخرسي ومش عاوز اسمع صوتك.
عشق ببرود: يا ترى ايه اللي حصل المره دي.
الجد حسن: مين الواد اللي كنتي بتكلميه ده يا بت انتي.
انصدمت عشق مما سمعته فظنت ان فارس من اخبر والدها.
عشق بصدمه: واد مين.
علياء: الواد اللي فارس عرف انك بتكلميه وبسببه اخدتي علقه محترمه.
عشق: علي فكره بقى ده شخص عادي مش اكتر.
محمود بغضب: عادي ازاي يعني.
هند ببرود: عادي، عادي ازاي وتكلميه ليه اصلا.
الجد حسن: اكرم اتصل بفارس ابنك وخليه ييجي.
عشق: انتو هتعملوا اي.
الجد حسن: كتب كتابك علي ابن عمك الليله.
عشق بغضب: انتو بتحلموا.
محمود: كلمي جدك كويس يا بت انتي.
عشق بغضب: هو انا لعبه في ايديكم ترموها وقت ماتحبوا وترجعوها وقت متتحبوا في اي.
ذهبت تالين وقامت بالإتصال بفارس.
تالين: فارس تعالى بسرعه جدك وعمك عرفوا بحكاية الواد و بيتعاركوا مع عشق دلوقتي.
فارس بصدمه: عرفوا ازاي، انا جاي حالا.
اغلقت تالين معه وذهبت اليهم وجدتهم يجلسون.
تالين: عشق فين.
سحر بضيق: في قبرها.
تلين: عقبالك.
ذهبت تلين الي عشق.
تالين: عشق افتحي الباب.
لا رد من عشق.
تالين: عشق افتحي.
لا رد من عشق.
ذهبت تالين الي غرفتها وبعد فتره من الزمن ذهبت الي غرفة عشق وجدتها مفتوحه دلفت اليها.
تالين بصدمه: عششششق.

يتبع.....
♠♠
#زينب صابر جاويش

ماذا حدث لعشق وهل ستكتمل هذه القصه ام للقدر رأي آخر؟ اريد تفاعل، تعليق صغنون اي حاجه لإثبات وجودكم.