اليوم الثاني بالديره الساعه 2:17 وصل ابو عدي وعياله والكل كان مستقبلهم بفرح ووناسه
ابو عمار تقدم وهو يتعكز والضحكه ماليه وجهه: حيااا بالعضيد
ابو عدي ابتسم بسعاده وهو يحضنه : حيا نباك س عين عضيدك
بعد ابو عدي بعد فتره وتقدم عدي يسلم على عمه بعد ما سلم على الشباب : كيفك يبو عمار
ابو عمار مبتسم : بخير يبو سلطان
عدي ابتسم وهو يبعد وجوري تقدمت وحضنت عمها : كيفك يعمي اشتقت لكككك
ابو عمار شد عليها : الحمد لله ي عين عمك وانا بعد اشتقت لك
جوري بعدت عنه وتقدمت تسلم على ام عمار وبعدها رغد الي حضنتها بقوة : اشتقت لك ي دوبااااااا ما عاد تزورينا
جوري ضحكت : حبيبتي مين الدبا أنا ولا انتي وبعدين ليش ما تزوريني انتي بدال ما اجي أنا
رغد أشرت على ابوها : ابوي يرفض ولو وافق رجعت تأسر على اخوانها : هذولا يرفضوا يجيبوني تدري حمار وصور ما منهم فايده
جوري ضحكت: وعمار ؟
رغد حركت يدها على رقبتها وكأنها تقطعها : تبيه يرمي راسي للكلاب
اجا عماد بسرعه البرق وحضن عمه : حيااااااا الله عمي الوحيد
ابو عدي حضنه وهو يضحك : حيا الله عماااار البطل
عمار بعد عنه وهو يبتسم: ياااخي تعطيني تحفيزات مو مثل اخواني التيوس وقال بهمس وأبوي أولهم
ابو عدي ضحك بخفه وهو يضربه برأيه : امش امش الله يهديك
عماد تقدم يسلم على عدي : هلا هلاااا ب ابو عماد
عدي حضنه وسحب أذنه بخفه: بايع ابني عشان اسميه عماد.
عماد بعد عنه وهو يفرك أذنه بالم : احححح كنت اقول اخواني أكثر أشخاص كريهين ما كنت ادري انك من ضمنهم
سراج أعطاه نضره توعد وعماد ما قصر : يبه سراج يحلف أنه بيضربني قول له
ابو عمار: سراج.
سراج وسع عيونه: لا تصدقه يبه تدري أنه يحب الكذب
عماد طنشه وهو يمشي يحضن جوري : حياااا الله وردة الجوري الحين بتكتمل الحديقه
جوري ضحكت بخجل وهي تحضنه : الله يحيك ي عماد
هزاع : عمادوه عيب تحضنها تراك كبير
عماد ناظر جوري : جوري مسموح احضنك
جوري ابتسمت: اكيد
عدي فرب وسحبه بإذنه : لا تلمس اختي ي ورع
عماد دفه بقهر : وراكم على اذني وش سوت فيكم عشانها تسمع فضايحكم تبو تتخلصوا منها
الكل بدون استثناء انفجر يضحك
جوري بضحك وهي تمسك ايد عماد : عدي خير بعد عنه وراك عليه
عماد ناظر عدي ونزل لسانه له
ابو عمار حرك رأسه بخفه : بزارين ما انتوا رجال استحوا ل اشنابكم
عماد لمس ذقنه : يبه أنا ما عندي يعني عادي اسوي اي شي
ابو عمار بحده : عمادددددد
عماد بخوف : امزح امزح الله يهديك وراك عصبت
ابو عدي : الا عمار وينه ما شفته
ابو عمار : رايح يجيب زوجته شوي ويوصل
انقسموا بحيث الرجال راحوا مجلس الرجال والحريم على المطبخ يجهزوا الصحون
ام عماد بخجل : ي جوري روحي ارتاحي توك تعبانه
جوري بعدت عبايتها وعلقتها وتقدمت ل ام عمار : عمه وش ذا الكلام مافي بيننا كذا واحنا أهل بيت
ام عمار ابتسمت: ادري ي قلبي بس روحي ارتاحي
جوري باست خدها وهي تمشيها خارج المطبخ : ما اتعب اصلا روحي ارتاحي انتي واحنا بنجهز كلشي واكيد افنان الحين بتجي كوني باستقبالها
ام عمار ابتسمت لها بحب وهي تروح
رغد : خير خير ترا امي بتحبك من الحين أكثر مني
جوري ضحكت بخفه وهي ترفع شعرها : هذي المطلوب اصلا
رغد رعفت حاجبها : هييييي بنت
جوري ضحكت بخفه: امشي امشي خلينا نجهز الحين عمي بيعصب
رغد وهي تجهز الصحون: لا ما بياكلوا لين يوصل عمار
جوري : كم صار لها عند اهلها
رغد : أمس بس
جوري شهقت : حراااام والله ليش ما تخلوها اكيد اشتاقت لهم
رغد : واحنا بعد اشتقنا لها في حد قال لها تتزوج لو كانت تبي أهلها لا تتزوج
جوري رفعت حاجبها: ع أساس انتي ما تبي تتزوجي
رغد بهيام : اكيد بتزوج بيجي فارس احلامي وبياخذني اعيش حياه حلوه ااااااااااه
صرخت بقوه لما انسحب شعرها ل ورا
عماد : والله أجل بيجي فارس احلامك لا والله بيجيك الحين ابوي بالجزمه " الله يكرمكم" يفق راسك نصين
جوري انفجرت تضحك
ورعد تصرخ عليه : شعري شعري ي حماااار بعد عني
عماد حرك رأسه: غلط أنا مو حمار الحمار هزاع
رغد بوجع : خلاص بعد ي كلب البحر
عماد حرك رأسه مره ثانيه: نو.نو نو غلط بعد أنا الصقر عماد
رعد صرخت لما شافت سراج يتكلم بالجوال بالحديقه الي ورا المطبخ: سرااااااج تعال له
سراج سكر جواله وتقدم : خير خير وش عندكم تصرخوا
جوري فتحت عيونها بصدمه لأنه دخل وهي بدون عبايه ولا شي يسترها
عماد صرخ عليه : صد ي وسخ البنت بدون حجاب
سراج ما كان منتبه بالبدايه التفت لها وشافها تركض للباب بس لسوا حضها أن هزاع كان داخل وصدمت فيه
هزاع مسك كتوفها ولما شافها جوري صد بهدوء : حبه حبه ي بنت عمي عفوا بالغلط.
جوري خرجت وهي شوي وتبكي من الفشله وعماد يصرخ فيهم : خير خير انت وياه ما عاد تستحوا داخلين والبنت هما
رغد استغلت الفرصه ومسكت شعره : ليش وانت ما تشوف نفسك رجال
عماد يحاول يبعد يدها من على شعره : ما عندي شنب لو صار عندي ما عاد اكلمها أو حتى ابقا بالبيت عشان تاخذ راحتها
هزاع : خلاص خلاص ابوي الحين بيعصب
رغد بتساؤل: عمار اجا؟
هزاع حرك رأسه بايه وهو يأكل من صحن الفواكه
رغد شهقت : يويلي من جوري بتقتلني
سراج ضحك : توك تستوعبي
رغد دارت حول نفسها وتقدمت تضرب سراج : تراه كله بسبتك ليش دخلت وهي عندي
سراج بسخرية : مو انتي الي قلتي ادخل ولا اتوهم
رغد : اووووف وربي أنه زعل واكيد الحين تبكي
هزاع بدهشه : تبكي ؟؟؟!
رغد : اي جوري تبكي من ضلها شرايك وهي انحطت بموقف محرج
هزاع بهدوء : قولي لها احنا اسفين ما كنا ندري انها هنا وبعدين بنت عمنا ما بنفضح فيها وما بتشرق شموس بكره الا واحنا ناسيين
والتفت ب سراج : احنا اسفين صح!
سراج ما رد فكره طار لبعيد
رغد : لا واضح الاخ ما هو معنا
عماد قرب ورفس سراج برجله وسراج صرخ : يحيوووووان خيرررررر تبي تحارش انت
هزاع : تستاهل
سراج فتح عيونه: استاهل! وراك قلبت علي
هزاع : ساعتين اكلمك وبعدين تقول ليه قلبت عليك
سراج نفى برأسه: ما سمعتك والله
عماد : هيي انت وهو ترا بنادي لكم ابوي يلا شيلوا الغدا صبروا رجال
وما شافوا الا الغبار وراه .
سراج: أنا اربيك ي الرمه
أخذوا صحون الغدا ووزعوها ورغد طلعت ل غرفة الحريم وتقدمت تسلم على افنان : اشتقنا لك
افنان ابتسمت بهدوء : امداك ؟ توني أمس رحت من عندك!!
رغد ضحكت : وهو في حد معه افنان وما يشتاق لها
توردت خدود افنان ورغد انفجرت تضحك : خلي الخجل ل عمار أنا لا تخجلي مني
افنان قلبت طماطم وهي ترمي رغد بالمخده:حيوانههه
ام عمار ابتسمت: رغد عيب استحي وبعدين وين جوري وين خليتيها
وقفت رغد وشهقت : يويلي وركضت قبل تسألها امها
ام عمار بدهشه : مخبوله ذي البنت ولا وش
افنان ابتسمت : جوري لها وحشه والله
ام عمار : اي والله جوري ما ينمل منها
عند جوري ورغد
رغد جالسه فوق راس جوري تترجاها تسامحها: جورررري.والله ما كان قصدي والله نسيت انك موجوده
جوري كانت دافنه راسها بين يدينها بدون ما تتكلم
رغد شوي وتبكي : جووورري افهميني عاد والله كان بيقلع شعري واول ما شفته ناديت بدون وعي لاني متعوده اسفهههههه
جوري رفعت راسها: تدري انك حطيتيني بموقف لا يحسد عليه اجي اهرب من هذا يطلع لي هذا لا وبعد وقلدت صوت هزاع : هدي ي بنت العم اننننننن
رغد انفجرت تضحك مع دموع الندم : والله اسفه والله واخواني نيتهم صافيه تدري يشوفوك مثل اختهم وبعد هم تاسفوا وقالوا لي ما كانوا يقصدوا انك تسامحيهم
جوري وقفت : قومي قومي ي زق خلينا نمشي
رغد وقفت وحضنتها : يااااخي احبكككك
جوري ضحكت وهي تحضنها : تكلمي اخوك انتي ؟ وشي ذي ياخي!!؟
رغد ضحكت ودفتها: امشي امشي عطيتك وجه
نزلوا وهم يضحكوا وام عمار وافنان ابتسموا لهم
افنان وقفت : حيااا الله الجوري اشتقنا لك يالقاطعه
جوري تقدمت بابتسامه وسلمت عليها : موب يدي ولا ما بطلع من الديره
رغد ضربتها بكتفها : أجل بيد من؟ ابوك وعدي موافقين يقعدوا انتي الي رافضه !
جوري مسكت كتفها بوجع : الله ياخذك ي شيخه موب يد ذي
رغد شهقت: تدعي على ي كلبه أنا اوريك
جوري نزلت لسانها لها وهي تركض ورغد وراها وام عمار وافنان يضحكوا عليهم
_____________________
عند الشباب
بعد ما قدموا الاكل تقدموا ياكلوا وكان الجو جدا هادى قطع الهدوء صوت ابو عدي : مشكور ي سلمان ما تقصر والله يديم النعمه
ابو عمار: بزعل هاه ما بيننا كذا وبعدين على الحاصل ي خوك
ابو عدي ابتسم بدون ما يرد
وقفوا العيال وأخذوا الصحون ونظفوا المكان ورجعوا يقعدوا طبعا فادي وعساف موجودين ومحمد بعد واحد من اهل الديره وصديقهم
سراج حط رأسه على فخذ عدي : ااااخخخخخ الحمد لله
عدي : خير من سمح لك تنسدح على رجلي
سراج ناظره: أنا ! عندك مشكله ؟
عدي : ايه انت اكبر مشكله قم من فوقي
سرحت بعناد أرخا نفسه أكثر
عدي يحاول يبعده : ياااخي انت ما تفهم قم
سراج صرخ عليه : ماني بماكلها ي دلخ
عدي ضحك عليه :ايه كذا ابيك تعصب
هزاع : صه صه صرعتونا انت وياه ما تعرفوا تسكتوا
فارس بطفش : عيال طفش واحد يجيب لنا شي نسويه
محمد : شرايكم نلعب اونو
فادي : صادق والله سراج وين الاونو
سراج : فالبيت والله ما روح لها خل هزاع يروح
هزاع : هييي تراني اخوك الكبير اوقف على حيلك يله
سراج بعناد : حلفت وماني رايح
هزاع : وانا والله ما اروح أجل وش بتسوي
عساف صرخ عليهم : ياهووو انت وهو استحوا قليل شرايكم اروح أنا قليلي حيا
فادي ناظر عمار وعمار فهم عليه : استح على وجهك بتخليني روح أنا
فادي بطفش : أجل وين عماد الي يفهم
سراج ضحك : وابوووي وين عماد وين الفهم
عدي دف سراج من على رجله بقوه ووقف : مافي منكم فايده انت وهو بروح أنا وين حاطها عشان اقول ل جوري تجيبها لي
سراج صرخ : ي وسخخخخخخ شلون تدفني كذا ولو انكسر راسي !
عدي : عادي مو مهم المهم وبن الاونو
الكل انفجر يضحك وسراج قلب عيونه : على زق انت وياه وانت الثاني اكيد بغرفتي وين انقلع
عدي أعطاها نضره وراح متجه ناحيه المطبخ مقرر يدعي اخته لهناك
@@
قبل لحظات عند البنات
جوري بطفش : يبووووي وش ذي العيشه زق زق مللل ب مللل رغد كيف تقضي حياتك كذا
رغد وهي منسدحه : عادي متعوده عيوني
جوري : طيب وش بنسوي الحين ؟
رغد بحماس : شرايك اكلم سهى وعبير واخليهم يجوا
جوري تحمست : حلوو والله لهم وحشه
رغد وقفت ورمت الجوال ل جوري : حطي رساله ل رقمهم انتبهي تتصلي ما عندهم جوال بس حق امهم وأكثر الاوقات مع اخوهم وانا بروح اجهز لنا شاهي وفصفص بنروح الحديقه
جوري حركت رأسها بطيب وهي تدور رقمهم
رغد راحت جهت المطبخ وهي تحط الشاهين وتدندن وتتمايل بدون اهتمام الا على دخلت عدي الي ما انتبه لها وتقدم يشرب ما وصرخ : جوري جورررري تعالي
رغد صرخت بخوف : اعوذ بالله من الشيطان الرجيم
عدي التفت لها : شايفه جني ؟
رغد بخوف : من وين طلعت انت
عدي صد : اسف دخلت وما انتبهت لك
رغد تذكرت انها بدون حجاب وصرخت فيه : يمالل الوجع كيف تدخل كذا على محارم الناس ي كلب
عدي التفت لها بصدمه : بنتتتت امسكي لسانك !
وبعدين ما شفتك وماني طاب بيوت الناس هذا بيت عمي وادخلي خطي شي يسترك
رغد شهقت وتفشلت وراحت ركض
عدي انفجر يضحك: وربي مجنونه
...مين هي ؟؟؟
انتهى البارت توقعاتكم 🖤🙂.
