هلو شلونكم عندي الكم قنبلةة صارلي يومين ماسولفلكم لأن محضرلكم بوممم بهاي اليومين فقار صالحني شلون خلي اشرحلكم چنت گاعد بلغرفة بليل قبل يومين واجه فقار طب للغرفة وسد الباب تجاهلته واجاني حضني وباسني واعتذر و واعدني هاي اخر مرة يضربني بيها وصل ساعة كاملة گاعد ويشرحلي وراها يحچيلي شگد مشتاقلي وشگد هل شي مأثر عليه وعلى شغلة اني بلشت احزن عليه واقتنعت وضلينا نشكي لبعض للفجر وتصالحنا ونمت بحضنه وثاني يوم طلعنا للمول فلسته تفلس ماخليت شي بخاطري ماشتريته حتى لو شي تافه ورحنا لعبنا بقاعه الالعاب اني العب وهو يصورني وبعدها رحنا مطعم ومن رجعنا طبيت لسوبر ماركت اشتريت كوم حلويات واندومي احس فقار تندم منگد ماخلصت فلوسه وگلي محضرلية مفاجأة تخبل لعيد ميلادي متحمس كلشش واليوم طلعني رحت وياه للشغل مالته وشفت المكان يخوف يمة وگلتله نروح لحديقة لشي وصدگ رحنا للحدائق مال اليرموك تخبل وچان الجو بين العصر والمغرب ( تذكرت بين اغنية بين العصر والمغرب مرت لمة خيالة) واشتريت كيك وگهوة وگعدنا بلحديقة نسولف ونضحك والحديقة ترد الروح وبيها ورد هواي وفقار اشترالي منها شتلات ورد هواي وحطيتهن بسندانات وبلصالة منضر حلو،
يلا خلصت سوالف روحو وصدگ ادعولي ماباقي هواي واراجع للدكتور علمود السكر ادعولي من گلبكم ولو اني ماعفت الحلويات،
يلا ولو تعبت احبكم باييي💋💋
أنت تقرأ
آيـَليـا الفُـقـارِ ҳ̸
De Todoيُسألني عن الحب يا من ليس يعرفُهُ ما أطيبَ الحُبَّ لولا أنه نكِدُو إذا الحبيبُ أتى بذنبٍ واحدٍ جاءت محاسنه بألفِ شفيع وإني لأهوى النوم فى غير حينه لعل لقاء فى المنام يكون...فَلَو أَسطيعُ طِرتُ إِلَيكِ شَوقاً وَكَيفَ يَطيرُ مَقصوصُ الجَناحِ، ايل...
