[أتَيتْ فِي ظَلاَمِي لِتُنِير حَياتِي]

بارت28

بارت ثمان و عشرين(اتيت في ظلامي لتنير حياتي)

البارت الثمانيه و العشرين من روايتي اتمنى تساعدوني بنشرها ومع دعمكم بستمر وشكرا للمتابعين والقارئين💕💕

بسم الله الرحمن الرحيم
بقلم الكـاتبة:جُــود بـنـت عـبـدالـلٰٓه✍🏻🍃

(عند غيم وتركي):
فتحت عيونها وشافت تركي حاط وجهه عند نحرها وكمل الحضن بقوه ونطقت بخفه:تركي تركي
تركي وهو دافن وجهه بنحرها:هاه
ابتسمت غيم انه صار احسن وابعدت شوي وكشر تركي:ليه خربتي علي الجلسه؟
استحت غيم وبلعت ريقها بخجل:يلا قوم
قامت غيم وقام تركي بدل الشورت لبنطلون اسود وتوصى وصلى وغيم عدلت شعرها ومكياجها وتوضت وصلت خلصوا وقام تركي قفل شنطته وكان بيقفل شنطه غيم ونطقت:دقيقه تعال اجلس على التسريحه
استغرب تركي وجلس وطلعت غيم مجفف الشعر من شنطتها وبدأت تجفف شعر تركي الي تبلل من الكماده خلصت ودخلت المجفف شنطتها وسكرتها شال تركي الشنط وركبوا سياره وراحوا المطار وصلوا وسوو التذاكر وركبوا الطياره وتركي بدأ يحس بتعب شديد
ونطق لغيم:غيمتي
لفت غيم:عيوني
ابتسم تركي بتعب ونطق ببحه:تعبان
توترت غيم جدا وسرعان ما ابتسمت:تركي معي بندول
لفت لشنطتها وطلعته وطلبت من المضيفة مويه
واعطت تركي العلاج ونطقت:تعال
شالت الركايه بينهم ومسكت راسه بهدوء وحطته على حضنها ونطقت:نام طيب اذا وصلنا اقومك
مسك تركي يدها وباسها:غيمه شكرا صدق مره
غيم بخجل:لاتشكرني ماسويت شيء الي تسويه لي انت شيء كبير انا بس نومتك بحضني!
ابتسم:وهذا عندي بالدنيا
ابتسمت غيم وحطت يدها على شعره وبدت تلعب فيه شوي ومرت من عندها وحدة من المضيفات وابتسمت على منظره وسرعان ماوسعت عيونها بصدمه وهي تنطق:
‏Excuse me, your husband's ear is bleeding. (لو سمحتي زوجك اذنه تنزف دم)
انصدمت غيم وناظرت اذن تركي الي تنزف دم حطت يدها على اذنه وطلعت مناديل من شنطتها وحطتها على اذنه وصدرها يرتفع ويهبط بصدمه وهي خايفه عليه كانت ماسكه المنديل لحد ماوقف النزيف بعد ساعات طويله وصلوا ونطقت غيم:تركيي تروكك تريكي
تركي الي قام:عيونه وقلبه وروحه وحياته وحبيبة قلبه وجميلته وكل دنيته!استحت غيم مره وشافت بنت مع زوجها وكانت تناظرهم بأبتسامه من سمعت كلام تركي وهمست لزوجها:ماشاء الله تعلم شف وع مالت عليك وعلى حظي وع صدق شف الكلام ادرس!
خجلت غيم وقامت بتطلع وقام تركي الي عدل شعره وشال المنديل ومسك يدها والبنت الي وراهم تهمس:
يويلي مسلسل تركي قدامي تكفى ياماجد تعلم!
فز قلب غيم وصارت تتنفس بسرعه وشدة على يد تركي الي فهمها على طول ولف على الرجال وشاف انه مو ماجد وهمس لغيم بأذنها:غيمه مو هو ترا
ارتاحت غيم وعضت شفتها..نزلوا واخذوا شناطهم وانطلقوا للبيت وصلوا وكان الكل قاعدين بالخارج وانصدموا وهم يشوفون تركي وغيم داخلين ونطق الجد حازم:افا وراكم راجعين الحين؟
غيم:جدي تركي تعبان ويحتاج مستشفى مضمون وانا طلبت منه اننا نسافر بعد شهر كذا اذا ضبطت الاوضاع ان شاء الله ، ابتسموا الكل على تصرف غيم وتقدموا الكل وحضنوهم وسلموا عليهم الا خالد الي كان متضايق من تركي وكيف يرجعها ثاني يوم شهر عسل ونطق لتركي بهمس:تعال ابيك وراء البيت
تركي:تمام يلا ، راحوا ونطق خالد بعصبيه:خير؟
عقد تركي حاجبه بأستغراب:شفيه؟
خالد:مرجع اختي ثاني يوم عسل؟
تركي:اختك هي الي طلبت مني وانا رفضت ولكن اصرت علي واجد وقلت طيب وش تبيني اقول يعني؟
خالد الي دف كتف تركي بعصبيه:اضن انك ماتستاهل اختي واختي ماتستاهل انها ترجع ثاني يوم شهر عسل!
وهذا الي يقول بفر فيها العالم واعيشها اميره؟
تركي الي اول مره تحتد نبرته لخالد:اسمعني زين انا قلتلك اختك هي الي طلبت نرجع لاتزودني تعبان ترا!
خالد الي دف كتفه بقوه واعتلت نبرة صوته:جعلك للمرض بعد وش دخلني انا اختي ليه؟
تركي الي دفه نفس الدفه:لاتمد يدك ياورع
خالد:ما الورع الا اشكالك ولكمه بكل قوته على جبينه.
حط تركي يده على اذنه مباشره الي صارت تطن وتعوره وغمض عيونه بشكل كبير وطاح على ركبه وصرخ بأسم غيم بخفه، خاف خالد عليه وتقدم ونطق:شفيك!
تركي:تقذلف عن** ماكمل كلامه وقطعه دخول غيم وهي تركض لتركي جلست على الارض ونطقت:شفيك!
تركي:لا مافيني شيء بس تعبان ابي ارتاح
مسكت غيم يد تركي وساعدته يقوم ونطقت لخالد:وش سويت!
خالد وهو مبلم بمكانه ومو قادر يتحرك من الي سواه وكان لاول مره بحياته يضرب تركي ونطق تركي لخالد:
هانت عليك العشره ياخالد تمد يدك علي انا اقدر اردها ولكن ماعمرها تهون علي العشره ياولد العم
غيم:تعال بسرعه!
مشى تركي ومسكت ذراعه غيم ومشت فيه وصلوا عند جناحهم الي بناه تركي شال تركي يد غيم وباسها بهدوء ونطق:افتحي جناحك الله يجعل فيه الخير والله يخليك لي ونجمع ذكرانا فيه!
ابتسمت غيم ابتسامه عريضه ومسكت مقبض الباب وحط تركي يده على يدها وفتحوا انصدمت غيم من شدة جمال المكان وهي توها ماوصلت دخلت وتركي ماسك يدها وانصدمت من جمال الصاله الوسيعه جدا وكبيره والمطبخ الكبير جدا وشافت الحمامات(اعزكم الله) وفتحت غرفة النوم وانصدمت مش قوة جمالها والدولاب الي كانت تحلم فيه والسرير المرتفع الوسيع ولون المفرش الوردي وفيه ورد توليب مثل ماتحب والتسريحه الكبيره جدا والاشجار بالغرفه وفيها حمام(اعزكم الله) مرتب جدا
ولفتها ركن كوفي جدا جميل ويجنن للتصوير نطت غيم بفرحه كبيره وحضنت تركي وصرخت:اههه يجنن مره وناسه بعيش هنا يربي الحمدالله شكرا شكراا
ابتسم تركي وانحنى بخفيف ورفعها وهي يحضنها وكانت صغيره عنده لدرجه اختفت وسط حضنه
ونطق:عيوني لك ياغيمته ولو تبين نطلع بيت لحالنا عادي اهم شيء تكونين مبسوطه واشوفك دايم مبتسمه من قلبك وفرحانه هذا اهم شيء عندي
نزلها ونزلت دموع غيم وجلست على السرير وسرعان مابكت وهي تغطي وجهها بيدها وتقدم تركي ونطق بحنيه:غيمتي شفيك!
ابعدت غيم يدها ونطقت وهي تشهق:تركي انت بعد الله غيرت حياتي للافضل لولا الله ثم انت كان حياتي مو كذا عدلتها خليتنا اعيش مستقله بأمان عطيتني شعور من الحب خليتني انام بحضنك وماصرت اعيش كوابيس من بديت انام بحضنك احس معك بالسعاده مره ماتتخيل شعوري كيف تسويلي الي ابي وماتعرف تقولي لا تخاف علي ومستعد تضحي بنفسك عشاني انا بحياتي ماكنت اتوقع اني اقابلك وتكون انت زوجي والانسان الي بيعطيني كل هالحب صدق صرت اؤمن بالصدف وياحظي بالصدفه الي جمعتني فيك كزرج ياتركي وياحظي فيك انت مو بس زرجي انت صديقي واقرب الناس لي انا انسانه من الي عشته ما اعرف اعبر ولكن اعبرلك استحي احضن انسان كثير حتى امي ولكن أحضنك كثير ما احب انام جمب احد ولكن صرت انام بحضنك ما اعرف اتعامل مع العيال ولكن قدرت اتعامل معك انت افضل شخص عرفته بحياتي ما اقدر اعترف بمشاعري ولكن قدرت اعترف لنفسي اني حبيتك بكل مشاعري اعشقك انت انسان مافيه مثلك ابدا انت الشخص الي قاعده ابدأ فيه الحب وبنهيه فيك انت زوجي وحبيبي وابو عيالي بالمستقبل ان شاء الله وقلبي وكل شيء بالنسبه لي انت عندي بالدنيا والله انا احبك احبك ياحبيبي وش سويت فيني انت وش سويت فيني ياولد محمد وش سويت؟
خليتني اعشقك بأشهر بس؟ احبك اكثر من كل شيء طيب! .......
كل هذا وتركي عيونه كلها دموع وتنزل اربع وراء بعض كان قاعد يسمعها ومو مصدق دموعه ماقدت توقف ونطق:غيم تكفين قولي ذا حقيقه
غيم:تبي تصدق يعني؟
هز تركي راسه الايجاب ، وقربت غيم حاوطت رقبته بيدينها وغمضت عيونها وقبلته لثواني وابعدت بخجل
قرب تركي وحاوط خصرها وقبلها كان شوي شوي ويزيد ويشد عليها وغيم تبادله شوي وتوقف وتركي كان اخيرا قدر انه يكسب قلبها حبيبته للابد حبيبة طفولته تعترفله بحبها له كان اسعد انسان ابعد تركي من حس بحاجته بالنفس ودفن وجهه بنحرها ونطق:
اهخخخ بس يارب مو حلم يارب يارب!
شوي وابعد عنها وقام وشالها ودار فيها وهو يحس بسعاده وغيم تصارخ بفرحه نزلها ومسك يدها ونطقت غيم:وش صار بينكم؟
تركي تضايق وهو يتذكر كلام خالد ولكمته:تهاوشنا
انصدمت غيم:ليه
تركي:مافيه شيء ياعيونه عادي شرايك بما ان غيم حبيبة تركي اعترفت بحبها له نسوي قهوه؟
ابتسمت:يلا
قامت بهدوء ونطقت: انا بطحن البن وانت سولنا
بدأ يسوي تركي وخلصوا وكل واحد اخذ كوبه وطلعوا للصاله وجلس تركي على الكنبه وتقدمت غيم وجلست على فخذه بحضنه وشربت من القهوه ونطقت:تجننن
تركي:بالعافيه ، بعد مده خلصوا القهوة وقامت غيم ونطقت:بروح اقعد مع البنات
تركي:امشى ننزل سوا
نزلوا الاثنين وغيم راحت المجلس الي فيه البنات قاعدين سوا وتركي راح للمجلس مع العيال
شوي ودخل عليهم رعد ونطق:السلام عليكم
ابتسموا الجميع والجد حازم شرحلهم الوضع بدون مايبين رعد بصورة شفقه او رحمه وقاموا العيال يسلمون وتركي معهم ونطقوا العيال:الله يحييك بيننا
خالد قبل الهوشه قال لتركي السالفه وهم مسافرين وحضن تركي رعد:حياك بيننا ياخوي
رعد:الله يحييكم ياعيال
............................................................................
(عند البنات):
دخلت جُود بخجل والجده لطيفه شرحتلهم الموضوع وكلهم قاموا يحضنونها ونطقوا:اهلا فيك معنا
ومن هذا الكلام وجُود ترد بخجل راحت جُود مع عليان ودخلوا وشافوا جناحهم وانبهروا بتفاصيله وحطوا اغراضهم ورعد معهم خلصوا وبدلوا ملابسهم ونزلوا
اما تركي طلع عند البئر ويعد دقايق جاء خالد وقعد جمبه وقام تركي بهدوء وتوه بيطلع الجناح لمح غيم ترقص مصري حاطه شال انهبل تقدم ووقف قدام الباب مباشره وشاف رقصها وهزها لخصرها المبدعه فيه بلع ريقه وتقدم اكثر عند الباب ونطت العنود عند الاغنيه وقفلتها....