[أتَيتْ فِي ظَلاَمِي لِتُنِير حَياتِي]

بارت29

بارت تسعه و عشرين(اتيت في ظلامي لتنير حياتي)

البارت التسعه و العشرين من روايتي اتمنى تساعدوني بنشرها ومع دعمكم بستمر وشكرا للمتابعين والقارئين💕💕
بسم الله الرحمن الرحيم
بقلم الكـاتبة:جُــود بـنـت عـبـدالـلٰٓه✍🏻🍃

(عند تركي وخالد):
  شاف خالد طايح تقدم له بصدمه وحط راسه على فخذه ونطق: خ خال خالد؟ انت بخير؟ تكفى رد!
ماشاف اي رد من خالد وقام يركض لسيارته وجاب بخاخ خالد وحطه بفمه وكان يضغط عليه بكل قوته لحد ماكح خالد وشبه فاق فتح عيونه بصعوبه ونطق:
تركي؟ ، تركي ودموعه ماوقفت:سم ياولد العم
نزلت دموع خالد ووقف تركي ومسك خالد وساعده يقوم وسنده ومشى فيه بهدوء للسياره ركبه وركب بسرعه ولكن ازرق وجهه وهو يشوف خالد فقد وعيه للمره الثانيه وهو يعرف اضرارها شغل السياره وحرك بكل سرعته للمستشفى وصلوا ونطق بصراخ وبكي:
دكتور بسرعهه دكتور اخوي بيموت!!
جوا الممرضين معهم نقاله شالوا خالد ومشوا فيه وقف تركي قدام الباب ولا قرأ اي غرفه خالد وكانت دموعه تنزل مثل الشلال وطلع الدكتور وعليه ملامح الحزن ونطق:المريض وقف قلبه ودخلناه غرفة الانعاش ادعوله!
حس تركي بهذي اللحظه ان قلبه وقف مع خالد حس انه بدون روح كان ساند على الجدار تلثم بهدوء وطاح على الارض وكان يبكي بدون صوت يبكي بكتمه وسمع رجال ينطق:الله يفك اسرك ياخوي
رفع تركي راسه:وياك جزاك الله خير
بعد دقايق طلع دكتور ثاني وقام تركي ونطق الدكتور بأسف محتاجين نسويله عملية ولكن نسبه نجاحها مو النتيجه المطلوبه! تركي:كم؟
الدكتور:60%
تركي:دقيقه انتظروا نص ساعه ينفع؟
الدكتور:ينفع الله يقومه بالسلامة
تركي:امين ، راح الدكتور ورفع تركي جواله وبسرعه اتصل على صقر ونطق صقر وهو نايم:الو؟
تركي:صقر بقولك شيء
صقر فز بقوه:علامك ياولد؟
تركي:خالد بالمستشفى وبيسوي عمليه قل للكل
يجون يلا! ، قفلوا تركي وصقر
و فز صقر ونطق بصوت مرتفع:ياعيالللل
قفزوا العيال:خير؟
صقر:نقلوا حالد للمستشفى وبيسوي عمليه الحقوا؟
قاموا العيال يركضون داخل زي المجانين ويصارخون طلعوا الجد حازم والجده لطيفه وزرجات العمان والبنات والكل قام وهو مفجوعين ونطق الجد حازم بعصبيه وحده:علامك ياولد انت وياه؟
علي بدموع:جدي اخوي بالمستشفى ياجدي
الجد حازم بصدمه:اخوك من؟
علي:خالد ياجدي خالد
انصدموا الكل ومحد انصدم نفس صدمة جُمان الي بلعت ريقها وتتنفس بسرعه وغيم الي لفت على جُمان بدموع ومسكت يدها وراحوا الغرفه بسرعه وسرعان مابكت جُمان بكل قوتها وطاحت على الارض من البكي سمع الكل وكانوا يحسبونها غيم الا الجد حازم الي عرف انها جُمان على طول من حبها الواضح لخالد ونزل راسه ونطق:لاحول ولا قوة الا بالله انا لله وإنا إليه راجعون الحمدالله على كل حال!
نورة كانت دموعها تنزل بقهر على اخوها وسرعان ماركضت وراء البيت وحطت يدينها على اذانها وبدت تبكي بكل قوتها ومو مصدقه صح علاقتها مع خالد مو قويه ولكن مهما كان هذا اخوها تحبه لحد ماشافت ذيّاب جاء ومسك يدينها يبعدها عن اذانها ونطق:
نوره نوره تكفين مى كذا
نوره بأنهيار:اخوي ياذيّاب اخوي انا اول مره ابكي على احد من اخواني اخوي هذا تخيل شعوره بيسوي عمليه ومامعه الناس الي ربوه وبمسمى امه وابوه عمه حنين امه صح ولكن ماتعود حرام والله! اخوي تعبان ولا احد عرف اخوي بالمستشفى وتونا ندري ليه طيب؟ وبكت
بعد وقت هدت مع ذيّاب وقامت ترجع للمجلس...
_____________________________________
(عند جُمان وغيم):
كانوا الثنتين حاضنين بعض ويبكون يبكون بقوه ابعدت جُمان ونطقت: ابي اتطمن عليه من اخذه؟
وسعت غيم عيونها بذهول:تركي؟ تركي اكيد تعبان!
جُمان ببكي: تكفين يلا نروح تكفين!
طلعوا الثنتين بعد ماجُمان اخفت اثار البكي بأحترافيه بالميكب ونطقت غيم للجد حازم:جدي نبي نسبقكم عادي؟
الجد حازم:خلينا نروح سوا يابنتي
غيم ببكي:جدي اخوي ياجدي!
الجد حازم:سيارة السواق برا جاهزه اركبوا وروحوا!
اخذوا جُمان وغيم جوالاتهم وانطلقوا للمستشفى
بعد وقت وصلوا ودخلوا سألوا عن اسم خالد ودلوهم تقدموا يركضون ولكن سرعان ماوقفت غيم وهي تشوف تركي متلثم بقوه ومافيه شيء باين منه ولابس نظاره وجالس على الكرسي ويده على راسه عرفت انه يبكي تقدموا بهدوء وحست غيم بتبكي قربوا لف تركي وشافهم تقدموا ونطقت جُمان:ابي ادخل عنده تكفى
هز تركي راسه ودخلت جُمان مع الممرضه وسكرت الباب بهدوء ودموعها ماوقفت تقدمت لخالد الي عاري الصدر وكثير اجهزه على صدره ونطقت:خالد؟
خالد؟ يعني ماراح توفي بوعدك لي؟ قوم عشاني خلنا نتزوج قم ياخالد نتزوج ونعيش ونجيب البنت الي تتمناها انت كنت زمان تقولي ابي بنت واسميها روح عشان تصير روحك ياخالد عشان تصير روح خالد ال حازم قوم ياخالد خلنا نبدأ حياتنا انت حبيبي انا احبك ياخالد دايم تفكيري معك وروحي معك واذا روحك تعبت روحي تتعب قوم ياعيون جُمان قوم انا تعبانه وانا اعرف انك ماترضى علي التعب!
جلست جمب خالد ودموعها تنزل مسكت يده المليانه بالابر بهدوء وجلست تتأمله والممرضه كانت تسمعها ودموعها تنزل عليها.....
______________________________________
(عند الجد حازم):
قاموا الكل وركبوا السيارات وانطلقوا للمستشفى!
ويعد مده وصلوا ونطقت الممرضه لجُمان:
ترا فيه ناس طلبوا رقم الغرفه انتبهي!
انصدمت جُمان وطلعت بسرعه وراحت عند الكافيتيريا وجلست وهي جسد بلا روح وتحاول تخفي اثار بكيها..
اما الجد حازم شاف خالد من برا القزاز ونزلت دموعه هو حبه لخالد فضيع لانه رغم كل مشاكله الا انه راضي وفرفوش ويحب الضحك والاستهبال ويرسم البسمه على الكل دايم..
اما حنين كانت تبكي بحرقه وام صقر تبكي معها ونطقت حنين:مابعد تهنيت بولدي ولدي حرام!
كانت تبكي بقوه والعيال كل واحد متلثم ودموعه تنزل لان خالد انسان قلبه طيب ويحب الكل وانسان فرفوش ومحد شاف منه غلط!
_____________________________________
(عند تركي وغيم):
اول مادخلت جُمان غيم مسكت يد تركي الي كان جسد بلا روح ويمشي معها وهو مايدري وين بتروح نزلوا عند المواقف وشافت غيم مكان فاضي تماما ونطقت بنبرة بكاء :تركي؟
مارد عليها تركي الي كانت دموعه تسبقه بالكلام
ونطقت غيم:نزل لثمتك ونظارتك تحرمني شوفتك!؟
تضاعف نبض قلب تركي مسك يدها بهدوء ومشى كانت تمشي معه بهدوء تام لحد ماوقف قدام سيارته كان ماسك يدها وفتح الباب الامامي ركب جزء من جسمه فتح المكيف اعلى شيء وسكر الباب فتح الباب الخلفي ومسك يد غيم ركبها وركب جمبها وسكر الباب ورفعت غيم يدها بهدوء وسحبت نظارته السوداء عن عينه ومسكت فكه ولفت وجهه ناحيتها شافت قد ايش حمار عيونه واضح بشكل كبير جدا والدموع تمليها ومسكت لثمته وفتحتها بهدوء وشالت الشماغ وبان شعره وملامح وجهه وخشمه الاحمر وملامحه الحاده ونطقت:تبي تبكي؟
عض تركي شفته السفليه وهذي الحركه محد يعرف معناها الا خالد وبس مسكت راسه بهدوء وحطته بحضنها وصار تركي شبه منسدح ونطقت غيم:
لاتكتم ابكي لاتكتم طلع الي بداخلك انا مو غيم الي انت بس تحتويها وتخليها تبكي عندك غصب وتحميها لا غيم بعد المفروض تحتويك وتهديك وتوقف معك لاتكتم ياحبيبي لاتكتم!
تجمعت الدموع بمحاجر تركي ونطق بصوت مبحوح جدا لدرجه لو تكلم قدام احد ماراح يفهم ولا حرف الا غيم:هذا اخوي ياغيم اخوي هذا انا اعتبره كل شريان قلبي وروحي هذا لو طلب قلبي اعطيته ياغيم هذا كل شيء بالنسبه لي انا بدونه مقدر اعيش والله مقدر هذا خالد ياغيم هذا الدم الي يسري بعروقي انا لو خسرته ماراح اعيش خالد هو الي يوقف معي بكل شيء ويسندني لو انهزيت هو جبل وراي يحميني دايم ويوقف جمبي حتى لو الكل اتفقوا انهم ضدي وانا السبب الي وصله هنا انا يوم اعتذرلي ماسامحته انا السبب انا السبب انا بخسر اخوي بسبب غبائي انا!
وبكى بكى بكل قوته كانت غيم تبكي بسبب كلامه وعليه وعلى اخوها خالد الي ما اتهنة فيه كأخو
ونطقت:مو بسببك لا مو بسببك انت مايجي منك شيء هذا من قضاء الله وقدره هو مكتوبله كذا..
ياحبيب قلبي مو بسببك والله مو بسببك!...
تمسك تركي اكثر بعباية غيم وكأنه طفل عند امه ونطق:غيم لاتخليني ياغيم طيب خليك معي دايم لاتخليني ولاتسمحين لخالد يروح ويخليني بهدنيا وحيد بدون سند ولا ظهر طيب!......
بكت غيم وبكى تركي وامتلأ المكان بصوت بكاهم وانحنت غيم بهدوء وقبلت خد تركي الي كان بحاله لايعلم فيها احد الا الله كان مرتين يبكي بدون صوت ومره بصوت كان واضح عليه التعب والقلق والخوف وبعد مده سكت بهدوء تام وغيم كانت ساكته من زمان بدت غيم تلعب بشعره ووصلها اتصال على جوالها وكان من امها:الو غيم تعالي خالد!
فز قلب غيم:شفيه خالد!
فز تركي من حضنها وهو يشهق بدون صوت ويكتم شهقاته بداخله ونطقت حنين:يحتاج دم تعالوا!
قفلت غيم ونطقت لتركي:خالد يحتاج دم!
تركي:انا اعطيه فصيلة دمي نفس دمه!
طلعوا من السياره بعد ماتلثم تركي بس بدون نظاره ومسكت يده غيم بهدوء ومشت جمبه شد عليها ودخلوا المستشفى ومشوا لحد غرفه خالد وكانت الممرضه واقفه وبس شافوهم الكل داخلين لفوا عليهم وابتسموا بخفيف لان عرفوا ان تركي منهار ولكن غيم واقفه معه ومهديته ووقف تركي قدام
ام صقر الي نطقت وهي تبكي:علامك ياولدي
لف تركي وهو يعض شفته السفليه يمنع نفسه من البكي ونطق ببحه خفيفه:سمي!
ام صقر:بيقوم ان شاء الله بالسلامه مايخليك
بلع تركي ريقه يمنع غصته تطلع وهز راسه بالايجاب ومشى عند الممرضه:انا دميAB نفس خالد
هزت الممرضه راسها ومشت معه وغيم وراهم دخلوا بهدوء وقعد تركي وبدت الممرضه تسحب دم ونطقت:نحتاج اكثر من كذا!
تركي:خذي الي تبين مني عادي!
غيم:تركي لا تكفى خل اي احد يعطي خلاص اخذنا منك كيس ونص!
تركي:خذي خذي دمي كله عادي
بدت الممرضه تسحب بهدوء وبدأ تركي يحس بدوخه خلصت الممرضه ونطقت لغيم:زوجته؟
غيم:ايه
الممرضه:لو سمحتي جيبيله عصير وشيء ياكله
هزت غيم راسها وراحت الكافيتيريا وانصدمت من شافت...
______________________________________
(عند جُمان):
كانت دموعها تنزل بحرقه بحرقه وتحس نفسها دايخه جدا ومكتومه فتحت شنطتها ولا لقت بخاخها بلعت ريقها بتوتر وهي تتنفس بسرعه وحطت راسها على الطوله من اغمى عليها...
دخلت غيم وشافتها دق قلبها بعنف وتقدمت تركض ونطقت:جُمان جُماني جوجو قلبي فيك شيء؟
ماشافت اي رد من جُمان وصرخت:بسرعه دايخه
تقدموا ممرضات وشالوا جُمان ونقلوها بغرفه ودقت غيم على حنين وقالتلها وقالتلها ان لازم تجيب شيء لتركي واخذت العصير والخبز وركضت للغرفه الي فيها تركي وفتحت لثمته وشالت شماغه وحطت العصير بفمه وبدأ يشرب بهدوء حطت غيم شماغه عند خشمها وشمته وكانت الريحه الي تعشقها غمضت عيونها وبدت تستنشقه بهدوء..
ونطق تركي:شفيك؟
غيم:ريحته حلوه!
ضحك بخفه غصب عليها ونطق:تعالي
قربت غيم وحضنها وعرفت قصده انها تشم العطر فيه شمته وكانت الريحه اقوى واحلى من الشماغ قعدة حاضنته غيم لحد مادخلت الممرضه وتنحنحت ابعدت غيم بخجل وجلست وتنحنح تركي وتعدل
وقام وحس بدوخه ولكن تفاداها ونطق:تعالي يلا
طلعوا ولا شافوا احد وبلعت ريقها غيم
ونطق:وينهم ياغيم؟
ناظرته غيم وسرعان ماشتت عيونها ونطقت:م مدري
تجمعت الدموع بعيون تركي:وينهم ياغيمته!
غيم ودموعها تنزل حضنته بقوه:جُمان
فز قلب تركي:شفيها جُمان تكلمي
غيم وهي تشد عليه بحضنها:بس داخت من الكتمه
هز تركي راسه وابعدت غيم ونطقت:الحبيب وحبيبته تعبانين لو بعيد الشر عليك تتعب اكيد بتعب معك!
ابتسم لها تركي:ماتتعبين وانا حي يابعدي!
ابتسمت غيم ومشوا لغرفه جُمان وشافوهم كلهم واقفين عندها وام صقر تبكي وتنطق:بنتي يابنتي اهخ ياعيون امك بنتي ماتتحمل الصدمات بنتي ياعيوني
كان الجد حازم مبتسم وعرف عشقها العظيم لخالد
وتقدمت الممرضه:خالد ال حازم نقلوه للعمليات
مشى الكل عند العمليات الا ام صقر جلست مع جُمان
______________________________________
(بعد ساعتين من الانتظار):
طلع الدكتور وتقدم الكل عنده ونطق بتوتر وهو يعرف
الجد حازم وش ممكن يسوي:احنا سويناله عمليه برئته عشان الربو والجهاز التنفسي ينتظمون عنده
خلصنا العمليه ولكن المريض رافض يقوم!
الجد حازم بعصبيه:يعني شلون رافض يقوم؟
الدكتور برعب:يعني دخل غيبوبه مانعرف متى يقوم
جلست حنين تبكي بكل قوتها وتركي ماكان مستوعب
ابدا يحس ان الدنيا اظلمت بوجهه حس ان روحه الحلوه مو معاه وهي ماتكون حاضره الا بوجود خالد
حس بتبلد فضيع قعد يناظر الفراغ ويهوجس مشى وهو حرفيا جسد بلا روح ، كان الجد حازم يصارخ على الدكتور ويهدد ويتوعد فيه..
كانت غيم تبكي مع امها وشافت تركي يمشي قامت بهدوء وبدون مايحس فيها ومشت معه شافته يروح
(مواقف السيارات) ناظرته دخل سيارته اخذ شيء وطلع رجع المستشفى وطلع البلكونه الي كان فيها القليل من المرضى كانت تبي تشوف وش يسوي شوي وطلع دخان وحط وحده بفمه واشعلها تذكرت غيم كلمته يوم يقول:
(ما ادخن الا لما اكون بأعلى مراحل الزعل واليأس)
قربت بهدوء ووقفت جمبه ونطقت:تدخن؟
نزل السيجاره من فمه:ادخن
هزت غيم راسها بالايجاب واخذ تركي منها نفس كانت غيم تناظره ناظرها ونطق:شفيك؟
غيم:يعني شكلك حلو بكل الاحوال؟
ابتسم بخفه غصب عليها ونطق:صايره تعرفين تغازلين
ضحكت بخفه:افا عليك!
ابتسم على ضحكتها ونطقت:وش اقدر اسوي عشان ما اخليك تدخن؟
تركي:ماتبيني ادخن يعني؟
غيم:لا ما ابيك تدخن!
طلعها تركي من فمه ورماها ودعس عليها:راضيه؟
ابتسمت غيم على حركته وضحكت:راضيه!
تركي:هذا اهم شيء!
تقدمت غيم بهدوء وحضنته:لا خلاص اذا الدخان بيريحك دخن!
ابتسم تركي:ما احب الدخان قدامك اصلا
غيم ابعدت وكشرت بطفوله:يعني انا طفله؟
تركي:لا قلبي بس ما ابيك تنكتمين!
غيم:طيب وش البديل له؟
تركي:ممكن شفتك!
وسعت غيم عيونها بصدمه:انت كذا صريح؟
ضحك تركي بخفه عليها:اي اذا معك ومع خا سكت وبلل شفته ونطق:غيمتي تروحين؟
غيم:ليه اروح ووين اروح؟
تركي:اكيد اهلنا بيروحون الحين خالد بغيبوبه واذا قام بيجون وتجين معهم شرايك؟وما ابي اكتمك ياعيونه!
غيم:لا والله مابخليك ولا بخلي اخوي وجُمان بقعد معكم وعلى الدخان دخن عادي ما انكتم!
دخل تركي يده بجيبه وطلع دخانه وحط سيجاره بفمه اشعلها واخذ منها نفس...
ناظرته غيم ونطقت:ابي اجرب
وسع تركي عيونه:يويلي انتي كذا صريحه؟
ضحكت غيم لانه يقلدها:اي معك اكيد!
تركي:لا طبعا يعني بروح واعطيك مب زينه!
غيم:ابي اجرب وحده بس!! بليززز
تركي:لا والله لاتحاولين يا خليني ادخن ولا روحي لجُمانتي اكيد قامت وسوت الافلمه قدام الاهل عشان تقعد مع خالد!
ضحكت غيم:هذي انا مو جُمان!
ابتسم تركي:غيمه بقولك شيء بس لاتزعلين
غيم:سم؟مابزعل
تركي:ترا عندي شغل ذي الفتره برجع الرياض مع خالد اذا قام بالسلامه بأذن الله يارب!
زعلت غيم ونطقت:طيب خذني معك؟
تركي:قلبي انا بكون كل الوقت بالدوام حتى يمكن اقعد هناك كل الوقت ثلاث ايام وراجع بأذن الله!!
غيم:تمام تروح وترجع بالسلامه
سكتوا وقعد تركي يدخن وغيم تتأمله بهدوء لحد ماخلص ورماها ونطق:يلا ندخل عن البرد تمرضين وانا مو موجود!
غيم:طيب لاسمح الله خالد ماقدر يروح؟
تركي:بروح لحالي ياعيونه وارجع
غيم:طيب اخاف عليك طريق سفر لحالك؟
تركي:ياما سافرت لحالي ساعات اطول من كذا عادي
هزت غيم راسها ومشوا الاثنين يدخلون شافوا الاسياب فاضيه وعرفوا ان الكل مشى راحوا لغرفة خالد وانصدموا من الي شافوه ناظرتهم جُمان وهي تضحك:خالد قام تعالوا
ركض تركي لخالد وشافه قايم وسرعان مانزلت دموعه ونطق:قمت يولد العم الحمدالله على السلامه!
خالد بأبتسامه ودموع: الله يسلمك دموعك غاليه!
دخلت غيم وهي تبكي وحضنت خالد وحضنها ونطق:
دلوعتي وقلبي وعيوني تبكي ليه؟ماتبكين وانا موجود!
تركي:ورع اوزن كلامك احسنلك!
ضحك خالد:وغيمتي بعد
تركي:لو انك مو تعبان كان طرحتك
طلعت غيم تتركهم لحالهم ونزلت دموع تركي وهو يجلس:اسف ياخوي اسف!
خالد:انا الي اسف والله وحقك علي!
عدل خالد جلسته وحضن تركي بكل قوته وبادله تركي الحضن وهو يبكي بقوه
ونطق تركي:
احنا ترانا اصحاب واقراب واحباب
انت وانا من العام الاول حبايب
خالد:
وبيني وبينك علم برموز وحروف
وانت وانا وعلومنا مانهوني
تركي:
وبتلقف لو ماني بملقوف
وبقول احبك وانت قلي تموني
وانا على شوفتك مغرم وملهوف
نزلت خالد دموعه وسرعان مابكى هو متعود يبكي زي الاطفال اذا كان الشيء يخص تركي هو تعذب ومو قادر يسامح نفسه كره يده كره شديد لانها ارتفعت على صديق عمره بكى تركي معه لانه تعذب يحتاج خالد ومايقدر على فراقه...
ابعدوا ونطق خالد:ابي اطلع ياولد العم
تركي:ابشر بس بتأكد من الدكتور ونطلع كلنا بكرا
الحين الساعه ٤ الفجر ترا!
انصدم خالد:يويلي الوقت مشى بسرعه
تركي:اي والله! الا شفت وش صار بجُمانتك؟
خالد فز:شفيها؟
تركي:بكت عليك بكي لين ما اغمى عليها من الكتمه ونومناها معك ههههه صراصير الحب تعبانين
ضحك خالد:جعله بروحي ولا بها!
تركي:استغفر ياكلب جعله بالعدو
شوي ودخلت غيم ونطقت بنعاس:توركي!
تركي الي ذاب ولف عليها:ياعيوني
ابتسمت غيم ونطق خالد وهو يضحك:نحن هنا
ضحكوا وجلست غيم على الكنبه ونامت ونام خالد وجلس تركي جمب غيم وحط راسها بحضنه ونام معها وجُمان نامت بغرفتها!
وبيت الجد حازم:نام الجميع يعلنون يوم متعب للكل!
_____________________________________
وووو🔥🔥🔥 انتهى البارت وشكرا للقارئين والمتابعين بدعمكم استمر ان شاء الله اتمنى عجبكم البارت واستمتعتوا  اذا شفت تفاعل يستحق كملت💕💕
بقلم الـكـاتبـة:جُـود بـنـت عـبـدالـلٰٓه✍🏻🍃
لاتنسون⭐️