Locked feelings ☑️

32

මිනිස්සුන්ට මොන දේ තිබුනත් වැඩක් නෑ හිතේ සැනසීම නැත්නම්... වියදම් කරන්න උතුරන්න සල්ලි තිබුනත්, ජීවත් වෙන්න මහා මන්දිර තිබුනත්, යන්න කෝටි ගණන් වල වාහන තිබුනත් හිතේ සැනසීම නැතුව වැඩක් තියනවද...? ශේනුකටත් ඒ හැමදේම තිබුනත් හිතට සැනසීමක් තිබ්බේ නෑ... එයාගේ සැනසීම එයා හොයා ගන්න සෑහෙන්න පරක්කු උනා... දැනුම් තේරුම් තියන කාලේ ඉදලා අඳුන ගත්ත එයාව මුලු ලෝකෙන්ම හංගන් හිටියේ ඒ සැනසීම මුණගැහෙනකල්...

අන්තිමට ඒ සැනසීම මුණ ගැහුනත් ඒක අන්සතු මලක් උනා... මලක්...? පිරිමියෙක්ට මලක් කියන්න බැරිද...? මුලු ලෝකයක් ඉස්සරහා ගල් වගේ ඉන්න සමහර පිරිමි ඉන්නවා එයාලගේ හිතට දැනුන ආදරේ ලඟදි හරියට මල් වගේ මෘදුයි සුවදයි... හරියට සිහින වගේ... අම්මා තාත්තා නංගි සෙනුරි යාලුවෝ හිතවතුන් අතර ගලක් වගේ හිටිය සිහින ශේනුක කියන හිතගත් බඹරිඳු ලඟ මලක් වෙලා තිබුනා... ගස් ගල් වගේ ගිනිකඳු වගේ ඉන්න මිනිස්සු අයිස් වගේ දියවෙන්නෙ නැද්ද...? එහෙම වෙනවා... හරියට ශේනුක කියන ගිනි කන්ද අන්සතු මල වෙච්ච සිහින ලඟදි දිය වෙලා ගියා වගේ...

"ඇයි ඔහොම බලන්නේ..."

"නිකන්..."

කලින් දවසේ හවස සිදුවුන දුර නොගිය ආදරණීය සිප වැඳගැනීම් වලින් පස්සේ සිහිනයි ශේනුකයි අතර තිබුන දුරස් බව නැති වෙලා තිබුනා... උදේ ඔෆිස් එකට ආවට පස්සේ දෙන්නම හිටියේ එයාලගේ හිතේ තියන රහස මූණෙන් පෙනේවි කියලා බයෙන්... ඒ තරමට මනමාල පාටින් ඒ මූණු හරියට එලිය වැටිලා තිබුණා...

"ඊයේ නින්ද ගියාද..."

"නෑ...ඔයාට..."

අවුරුදු ගානක් තිස්සේ හිර කරගෙන හිටිය හැඟීම් යන්තමට එලි බහින්න දීලා ඇවිස්සුනාට පස්සේ නින්ද යන්නෙ කාටද... ඒ දෙන්නම මුලු රෑම ඇහැරීගෙන එයාලා ගැන හිත හිත හිටියා මිසක් ඒ ආදරණීය මොහොතම මතක් කර කර හිටියා මිසක් නින්දක අවශ්‍යතාවයක් දැනිලා තිබුනේ නෑ...