يوم مثل كل يوم مليئ بالاصوات العالية وصراخ في المنزل
كعدت مفزوزه على صوت صياح ابوية من الصبح
نزلت عسريع للطابق الأول
شفت المنظر الي صايرلي ١٠سنه اشوفه
ابوية يكتل بامي واختي صافات تتوسل بيه علمود يعوفها لكن لا حياة لمن تنادي
مستمر بضربها بكل قوته
رسول:خبلتينيي شوكتتت اخلصصص منج ومن جلابج وافتكككك منكمممممم
ومستمر يغلط علينا وعلى امي واني ماكفه على الدرج اريد اتحرك مااكدر عبالك انجمدت بكاعي اباوع على امي واختي صافات وعيوني تجري منها الدموع
جاء اخوية غيث من المدرسة شمر الجنطه بالكع وراح على ابوية يوخره عن امي وصاح بوجه
غيث: لككك يابهههه كمممم مره حذرتك ماتمد ايدك على امي واخواتي ؟!!!
شنو مااجوز من سوالفك طايح حظهااااا
لك هذن وصيه الرسول شلونننن الك گلببب تمد ايدك عليهننن؟!!
رسول:لك أبن جلب وخررر من وجييي خلي اريبهاااا
غيث: يابه كافييي شبيك تخبلت من الصبح مو امي راح تموتتت جوااا ايدككك
تجاهل رسول كلام غيث وراد يروح يضرب أمل
لك استوقفه غيث بضربه خلته يرجع كم خطوة لي ورا
غيث : يابههههه صبري خلص ماجاي أمد ايدي عليك لان اكول ابوية بس كافيييي إلى هنا وبسسس مصختها ..اطلععععع برااا
رسول:تطردني من بيتي لك غيث؟
غيث: الي يمد ايده على امي و اخواتي اطره من حياة كلها مو بس من البيتتت
رسول : خوش ابني خوش
اردف رسول أخير جمله وطلع برا البيت
راح غيث على امي الي ميته من البجي وضرب لدرجة ماكدرت توكف على رجلها
شالها غيث وداها للغرفه ونايمها على جربايتها
غيث: امي باعي عليه فدوه اروحلج
امل ماردت ضلت صافنه بالسكف
ضليت ماكفه يم باب الغرفه وابجي التفت غيث على صوت بجي مالتي وكام حضني
غيث:يمه بنتي صباوي ليش هل بجي ماصار شي
صبا: غيث تعبت من هاي العيشه
اردفت جملتي ودموعي مثل شلال تنزل على وجي
وكال الي غيث وهو يمسح دموعي
غيث: لج صبا اني اخوج بعدني عايش تكولين تعبت من هل العيشه
صبا:بس..
غيث:ماكو بس اني موجود احميجن انتِ وصافات وامي بروحي لا تخافين ياروح اخوج انتِ
حضني غيث واني ابجي بكل قوتي وامي تباوع علينا وصافنه ودموعها تنزل على وجها
طلعت من غرفه امي وضل يمها غيث
ورحت دورت على صافات
لكيتها بنفس المكان الي تروح اله بعد مايصير كل مره مثل هذا اليوم "بالقبو"
رحت ركضت عليها وحضنتها علمود لا تاذي نفسها
صافات كل ما ابوية يضربني أو يضرب امي تكول صوجي مني
رغم هي مالها دخل بشيء ديصير ..مااعرف ليش تكول صوج مني
صبا:صفاوي حبيبتي كافي حرام عليج تسوين هيج بروحج صوج مو منج والله
صافات: لا لا مني مني الصوج اني سبب بكل الي ديصير
صبا: صافات اصحي بنتي صوج مو منج كافي مو بهذا تصرفج جاي تعذبين گلبي والله
حضنه بعض ونبجي لحد ماتعبنه
"غيث"
رجعت من المدرسة وشفت ابوية يضرب بامي
طبعا هاي مو اول مره ..دائما ابوية يضرب امي وصبا وصافات..واني گلبي يتكسر عليهن احس مااكدر احميهن دائما ..أخاف لا تغفل عيني عليهن وابوية ينهي على حياتهن..مااكدر اتخيل شلون راح أعيش بدونهن هنا كل حياتي ..صابر على حياتي علمودهن..اني اكدر اخلي حد الابوية بس امي هي الي مستوقفتني..ماتقبل حتى ارفع صوتي عليه
هسه لان رفعت صوتي عليه وكلت اله اطلع برا
امي ماتقبل تحجي وياية شي
غيث: امي لا تزيدن عذاب فوك عذابي..اروحلج فدوة احجي وياية لا تضوجين مني
دارت امل وجها على غيث بعد مااشفته منزل رأسه وديبجي..باوعت اله بنظرة تكسر الگلب ودمعتها تنزل على خدها
رفعت ايدها حتى تمسح دمعه ابنها
لزم غيث ايد أمه وباس باطن ايدها وهو يبتسم
وردف: ها حبيبتي سامحتيني؟
ما حجت شي بس هزت رأسها بشارة لا
ابتسم غيث وكال: من اكول صباوي وصفاوي طالعات عليج عنيدات ومايرضن عسريع تكولين الي لا
ابتسمت امل على كلام غيث وغمضت عيونها ونامت
عافها غيث بعد ما غطاها وطفى الضوء وطلع من الغرفة
راح للقبو لان يعرف اخواته هناك
شافهن نايمات بالكع وحده حاضنه الثانيه..ضحك على وضعهن..كام يمشي على اطراف اصابع لحد ماوصل يمهن وصاح بصوت عالي خلاهن يفزن
فزت صافات بحيث وخرت صبا من حضها وصاحت من خوفها
وغيث تمدد بالكع من الضحك عليها
شافته صافات كامت عضت من ايده حيل وهو يعيط ضلو يتعاركون صافات تصيح على غيث وغيث يضحك عليها
لحد ماصاحت صبا عليهم وكالت: انعل ابوكم كافييي يعني لا صباح نكدر نام مثل البشر ولا بالقبو نكدر نام اي دكافي مو ملينا
صافات: ديلة عيني ست صبا إسفين على لازعاج
صبا: أنجبي واطلعي برا
ضحك غيث عليهن وكالت صبا: انتَ هم أنجب واطلع برا
غيث:هاي عليمن أنجب ؟
صبا: لا لا مو عليك على صافات العوبه
غيث: عبالي
يتبع...
أنت تقرأ
الغيث
Mystery / Thrillerاذا عادت الحياة يوما ما كما كانت فكيف للانسان أن يعيد بناء حياته بعد ان تدهمت؟
