صوب البنات
يحشون ف بنيه وياهم فالجامعه
لطيفه: اقوولللجججج هذيي حتى الاستاذ يستحي يرمسها عفان الله
مهره: قاهرتنييي وييعععهه
اليازيه: اخييههه والله شوضعها فاجه عباتها وتحت العباه crop-top
مهره ضحكت: توزععع اغرائات
سهيله: هييي اخييججج عادهه
لطيفه: ماتستحي هذيي والله، يعني ع الاقل بنطلون وقميص ولا كندوره هب crop top
سهيله: يعني من اضعف الإيمان خ تصك عباتها
مهره: المشكله الرياييل يطالعونها وهم م تخطوا حالة الصدمه
اليازيه: استغفرالله استغفرالله بسنا حش
سهيله: وااببوووييييي اناا عليججج، من مساعه تحشيين
لطيفه: ع طاري الحش، شيخة الحش ويننن؟
مهره: اختفت اول ما دشينا السكن
اليازيه: شرايكم اسير اجوفها مسودة الويه شتسوي
لطيفه: بييي وييياااججججج
سهيله: الله يعينها عليكم يالملاقيف نتو الاثنين
مهره: بصيييحح والله هب من صدقكم
لطيفه: يلا يزوويي بسرعه امشي شوي شوي
(مشو لطيفه واليازيه صوب حجرة شيخه، وجافوها منبطحه ع الشبريه ترمس حد)
الكول:
شيخه: دكتور والله اني تعبت ماروم اتحمل اللي حولي وما ودي ارمس حد
الدكتور سيف: شيخه، ليش تعبانه ؟ رمسيني انا، انا هني ؟
شيخه تنهدت: اليوم جفت عبدالله وشوفته عكرت مزاجي ع كثر ما حاولت اني اشل تفكيري عنه يا انه صادفني اليوم، واول ما جافني كان يبا يرمسني قالي اسف بس الصراحة، أنا ما كنت ابغي أي تواصل يجمعنا ف طوفته ومشيت
(شيخه سكتت تحاول تيود عمرها عن تصيح. اما عن الملقوفيين اول ما سمعوا عبدالله ع طول، ضربهم الفضول)
شيخه بغصه وصوت مكسور: قلبي يلس يدقدق بسرعه، وذكرياتنا حسيتها ردت ف ثانيه
الدكتور سيف: شيخه طبيعي انج تحسين جي عقب القطاعه، بس اهم شي انج تفضفضين حق حد وتظهرين اللي حابستنه
شيخه: مادري احس انه كل شي حولي يتغير، وأنا ثابتة في مكاني، حتى ربيعاتي احس، ماعرف اوصفلك، يعني اتضايج وانا يالسه حذالهم
......
لطيفه صاصرت اليازيه: هذي هب جنها اتياوزت الخط الاحمر، الحينه صدق بتدخل
أنت تقرأ
تعـزف عـلى دقـات قلبـي لـحونـك
Romanceروايه اماراتيه ترمس عن بنات وشباب يدرسون ف الجامعه وعندهم سكن، بيستوي شي مشوق وبتجمع هاييله الفئه، ما بحرق عليكم الروايه تحمس واتمنى انها تعيبكم🤍.
