عَلَى خُطَى عَزْرَائِيلَ

(بداية)

لَا تَرْفُضُ الْخَوْفَ الَّذِي بِدَاخِلِكَ اقْتَلِعْهُ مِنْ جُذُورِهِ ، تَخَلَّصْ مِنْ الْمَشَاعِرِ وَكُنْ عَزْرَائِيلَ بِأَرْضِ الْوَاقِعِ

لَا مَهْرَبَ مِنْ حَقِيقَتِكَ إِنَّكَ مِنْ مَنْبَعِكَ تَعِجُّ بِالْفَسَادِ

المشهد (1)

نظرات باردة خالية من أي مشاعر ولا كأن الي يباوع طفل، ما چان يظهر أي تعبير على وجهه

تقدم منه شخص الي يفوقه بالطول ودنگ لحد ما وصل المستوى الطفل الي يستمر يباوع عليه بدون تعابير

"هذي أمك الي مدده بالگاع؟" بهدوء حچه الرجال الغريب بنظر الطفل و الي بدوره هز راسه

ورجعت انظاره على أمه الي توفت من اربع ايام هيچ، بس چان مخليها بمكانها مايريد يدفنها

"بسرعة گتلك لا تتأخر" الصوت الي خله الطفل يلتفت ويشوف رجال ثاني أضخم من رجال الأول وعيونه حاده

"تجي وياي؟" گال الشخص المدنگ للطفل الي وجه انظاره الأمه و گال برود

"و أمي؟"

"نحرگها" جان هذا صوت الرجال الواگف بالباب صاحب العيون الحاده

المشهد (2)

"شيطان أنتَ مستحيل بشرر مستحيل حرام عليكك أبليسس حرااام" يصيح بقهر بكل صوته وهو يشوف شاب لابس قفازات سود وبيده جگاره ومخلي رجل على رجل گدامه

"اجاك تحذير صريح، لا تتعامل ويا عزرائيل ليش ما سمعت الحچي؟" گام من الكرسي وتقرب من ثاني المعلگ من رجليه و راسه شوي ويطخ بالگاع

طلع سلاحه بوجهه وبكل برود فرغ المخزن براس الثاني، التفت وشاف صاحبة يتقدم منه وشافه مرجع سلاحه بخصره

"ماكو وقت لازم ترجع تبدل وتروح للقاعة ما يصير تفوت العرس" گال صاحبة للثاني الي هز راسه

"الأهل هناك مو؟" گال الشاب بهدوء

"أي ثنينهم ينتظروك" رد عليه

و ابتسامة بسيطة تشكلت على وجهه نزع القفازات من أيده مظهر الآثار البارزه على أديه المشوهة بالحروق مخلي اديه بجيبه متوجه للقاعة

المشهد (3)

"تدريي شسسوييت علمودك!!!" بصوت عالي يصيح للواگف گدامه وكل البرود محتل ملامحة ورجع صاح بيه "ربيناك و كبرناك ما نقصت هالگد هيچ تجازينه حيواان!!"

"ما سويت شي غلط خطواتي كلها مدروسة ما دخل بشي ما اعرف عنه شي تعرفني بوية" بهدوء حجه

دخل شخص آخر للغرفة و جان يباوع على الوضع المشتدّ بينهم لذلك اتجه للعصبي ساحبه بالقرب منه وثاني بدوره رفع حاجبه من حركته

بينما الشخص الواگف بهدوء وشاف الوضع بينهم گلب عيونه بسخرية، وطلع قفازات لابسهن وگال "ناموا ارتاحوا باجر الصبح اقبض ارواحهم كلهم"

بعد كلامه طلع من الغرفة، ورجع الشخص العصبي يباوع للثاني "ليش ما يشبهنيي ليشش هيچ يشبهك؟؟؟"

"ليش هيچ معصب يا عيني اخذ الوضع بهدوء ترا بيه شوي شبه منك" رد عليه بأبتسامه

"الك خلگ تبتسم وتضحك فايخ"

المشهد (4)

عيونه العسلية على صاحب الزي الرسمي الي دخل والعيون كلها جانت عليه جان وجهه حاد وعيونه تباوع على الناس برود حتى ما يكلف روحه يبتسم الأي شخص

فتح تلفونه وشاف نفس الشخص الي بالصورة لذلك تقدم منه وكل ما يصير أقرب اله تصير ريحته اقوى يشمها جانت مميزه ولغت عن خشمه باقي روائح الآخرى

"السلام عليكم حضرتك أرسلان مو؟"

"منو يسأل؟" بهدوء حجه ونظراته ثاقبه تباوع على ثاني الي عدل ياخة قميصة

"المحامي جياد، سمعت عنك هواي وهاي اول مره التقي بيك شخصيًا" گال جياد ومد أيده يريد يصافح ثاني

رفع أرسلان أيده يسلم على ثاني وبعدها عيونه الحاده تباوع على المحامي وكأنه يحلل شخصيته بالنظر لوجهه

بعد ما سحب جياد أيده من أيد ثاني طفت كل الگلوبات وصار صوت طلق عالي لذلك هوه مباشرة دنگ يريد يحمي نفسه مصدوم من الي يصير

ما حس بعدين الأ ايد تسحبه راد يحجي بس أيد ثاني الي نحطت على حلگه سكتته وسمع همس قريب كلش على أذنه بصوت حاد "انتَ مو على قائمة عزرائيل خليك هادئ"

عَلَى خُطَى عَزْرَائِيلَ|قريبًا

ــــــــــــــــــــــــ