رواية تستاهل كل الدعم انطوها كل الحُب
+
تعليق بين الفقرات و تصويت
طبعًا طبعًا!!، فكرة الرواية، الغلاف، الاسم من أبداعpacino4ever
قراءة ممتعة
ــــــــــــــــــــــــــــــــــــــــــــــــــ
واگف بملابسه الرسيمة الي يغطيها السواد و أديه ورا ظهره بچفوفه السود، عيونه جانت تراقب العمال الگدامه وهمه ينقلون البضائع داخل ميناء بشكل حذر وعملهم چان بمُنتهى الدقة خاصة و إن أرسلان واگف بنفسه يراقب شغلهم
انتبه أرسلان على زياد وهو يتقرب اله وبيده تلفونه يدگ و گال "عدك اتصال من سيد الياس"
سحب أرسلان التلفون و أشر الزياد يبتعد و تمثل زياد الأوامره، فتح أرسلان الخط و سمع صوت والده الي حچه اول "اليوم ماكو شعدك؟"
"رحت للميناء اشوف الشغل شلون ماشي" رد عليه أرسلان وسمع صوت والده الآخر من خلف تلفون و مباشرة رجع حجه الياس "ابوك يگول خلي الباقي على زياد وتعال عمك راح يجي فد ربع ساعه هيج"
"هاي هيه مسافة الطريق" رد أرسلان رغم چانت عيونه على زياد الفاهي، بعدها سمع صوت اغلاق الخط من قبل ابوه وراح ناحية زياد و گال "ابقى هنا وشنو يصير اتصل عليه"
بدون لا ينطي مجال للثاني يرد تحرك أرسلان طالع من الميناء شاف السيارة السوده المصفوفه قريبة اله، طلع مفتاح السيارة مشغلها ومتحرك ناحية البيت، ما چانت المسافة بذاك البعد لذلك وصل وترجل من سيارة شايف عدد من سيارات وصافه بصف بگراج بيتهم گدر يعرف بس سيارة وحده الي ترجع العمه إما البقية فا ما حزرهن
وگف يم باب البيت داگ الجرس وانفتح الباب من قبل العاملة الي تشتغل عدهم
"منو موجود بالبيت؟" بهدوء گال أرسلان بعد ما دخل نازع سترته باقي بس بالقميص منطي الستره للعاملة الي شالتها بأيدها
"عدنان اخو السيد أدريس و اشخاص ما اعرفهم سيدي" گالت بأحترام وسمعت همهمه بسيطه منه قبل لا يتحرك وگف والتفت عليها گال بنبره بارده لكنها فهمت رسالة التحذيريه من صوته الي گال "المرة ثانية انتبهي لنظافة العمال الي يشتغلون هنا"
"مثل ما تآمر سيدي" بنبره خاضعه گالت لانها تعرف المقصد من كلامه هذا
بين ما چان أرسلان يتوجه للضيوف گدر يسمع صوت ابوه أدريس الي ما راضي عن شي ما، لذلك هو دگ الباب وسمع الياس يسمح اله دخل فتح الباب وشاف الاشخاص الگاعدين ويا عمه مقايبل ابوه الياس و ادريس
أنت تقرأ
عَلَى خُطَى عَزْرَائِيلَ
General Fictionلَا مَهْرَبَ مِنْ حَقِيقَتِكَ إِنَّكَ مِنْ مَنْبَعِكَ تَعِجُّ بِالْفَسَادِ، لَا تَرْفُضُ الْخَوْفَ الَّذِي بِدَاخِلِكَ اقْتَلِعْهُ مِنْ جُذُورِهِ ، تَخَلَّصْ مِنْ الْمَشَاعِرِ وَكُنْ عَزْرَائِيلَ بِأَرْضِ الْوَاقِعِ ــــــــــــــــــــــــــــ *رو...
