عَلَى خُطَى عَزْرَائِيلَ

-2-

تصويت + تعليق بين الفقرات لطفًا

قراءة ممتعة

ـــــــــــــــــــــــــــــــــــــــــــــــــ

سمع صوت الباب الي نسد وگدر يحزر إن ابوه طلع برا و لان اليوم الاحد فا ما راح يرجع الا نص الليل وهذا من حسن حظه هو و امه

رفع البطانية الي عليه و گام من فراشه سفطه عدل وخلاه فوگ الكاونتر الي جان عالي ما يگدر يوصله الا من يسحب الكرسي الاخضر الموجود بالمطبخ

بعد ما خلص فتح باب غرفة امه بشكل بطيء و شافها متكوره على نفسها تون من وجع جسمها الي مابيه جزء سليم من الضرب الي ينزل عليهم من ورا ابوه المتسلط

تقرب منها وخله أيده على وجهه وشاف حرارتها مرتفعه كلش بلع الولد صاحب العشر سنوات ريگه بتوتر وطلع برا الغرفة متجه برا البيت

مفكر هاي المره لازم يحاول يجيب علاج الأمه، ولانه حاول الاسبوع كامل بس ما گدر ما يعرف شنو العلاج ولا يعرف الطريقة ما جان يگدر يعرف أي شي حتى اذا جان يريد يبحث هو ما يعرف يقرا ولا يكتب

مشى بين السوگ المزدحم جانت عيونه تباوع على ناس الي تتسوگ يريد يتسغل هاي المره الفرصة ويبوگ منهم فلوس الي يگدر عليهن بلكت يجيبن العلاج تحتاجه امه

ركض بسرعه يريد يتخطى الحشد الي بالمقدمة بس طاح بالگاع بقوة من اصطدم برجال طويل القامة شعره اسود طويل يوصل لحد رگبته جان يباوع وهو عاقد حواجبه و الواضح عليه التعصب

اول ما انتبه لولد الصغر الواگع بالگاع وملابسه جانت يا دوب مكفيته من صغرهن عليه، دنگ صاحب القامة الطويلة لحد ما وصل المستوى طفل رفعه بخفه من الگاع ناكت ملابسه الي جانن متربة من البداية بس زاد التراب عليهن هسه

"تأذيت؟" سأل الشاب بصوت خشن وهو يتفحص الولد الواگف يباوع على ملابسه النضيفه وريحته القوية واول شي خطر باله إنه من النظيفين الي امه تحجي عنهم والي من فترة گصيره بس عرف اسمهم اغنياء

نفى الولد براسه بدون لا يحجي بعدين جان صوت عالي يصيح للشاب الواگف "الياس بسرعه جاي نتأخر من وراك!"

التفت الشاب الي اسمه الياس ورجع عقد حواجبه يحجي بنبره حاده "مو اطرش ترا اسمعك! بعدين اتذكر منو سبب الي أخرنا بالأول نوب تعال احجي"

بينما الطفل استغل الفرصة وسحب من جيب سترة المدعو الياس محفظته وركض باقصى سرعة اله وكأن حياته معتمده على هاي الركضه جان يركض ويصطدم بكل الناس وشعره وملابس طير وياه من سرعته