اللهم صل وسلم وبارك على سيدنا محمد
استغفر الله
الحمدلله
الله اكبر
لا إله إلا الله وحده لا شريك له.
.
العلاقات اللي بدايتها حرام حاتكون متغلغله ب هلبا مشاكل ..
وحايبان كل شيء القدام ..
يا حاتنط عزوزتك عوجه ..
يا راجلك بيطلع اعوج وبيكرهك في عيشتك
وهلبا شيء ..
اتقي ربك وابعدي عن الحرام قد ما تقدري وحايعوضك خير ..
اللي كاتبه ربي ديما الأفضل
.
.
هو خليل لين كلهم اضايقوا منه .. كان وين ما يقعمز اللابتوب في حجره ..
حتى لما يقعمز يفطر مع خوته وعمامه كان متجاهلهم ومركز على اللابتوب ..
في اليوم هاده انفصل على اللابتوب ومشي مع خوته ل حوش مسعود اللي شد في جده على خاطر العزومه ..
كان محمود يسوق ب جده و بوه وحسام .. وصالح وصلاح راكبين مع أيمن اما خليل ف كان راكب مع محمد وأحمد..
احمد كان شبه راقد ومحمد اللي يسوق بكل روق ..
اما خليل ف كان الوراء وشاد نقاله ويتفرج على فيديو يوتيوب وحاط سماعات في وذانه..
فيديو على غزوة احد .. رغم انه قاري في السيره وفي هلبا كتابات عليها بس سماعها من شخص طريقة سرده فيها محفزه خلاته يتفرج بإستمتاع وكأنه اول مره يسمعها.
ساعه ونص ووصلوا .. وأيمن كان أول الواصلين .. متعود الأخ..
لقوا الحاج مسعود مداير خيمه كبيره خشوا سلموا وأيمن كان كالعاده ينشر في الإبتسامه على وجوه الكل ..
خليل كان هادي جداً ولما وصل في مسعود وسلم عليه مسعود شده وقعد يتكلم معاه
وملامح خليل الجديه انقلبوا قعدوا ابتسامه ..
وطبعا في عيون راقبت الموضوع ..
مسعود: لما بتلهد خبرنا باش نشوفوا لهيدك.. مره اخرى ..
خليل مبتسم: ان شاء الله يا حاج .. انت اول المعزومين بإذن الله.
مسعود: قالولي خطبت بنت جمعه رسمي .. هو اللي خطبك زي ما دار ل باقي بناته ..
