បន្ទាប់ពីទទួលដំណឹងមកថាកូនប្រុសគ្រោះថ្នាក់ត្រូវចូលមន្ទីពេទ្យ លោកគីមនិងប្រពន្ធរួតរះមកមើលអការៈកូនភ្លាម អំឡុងពេលថេយ៉ុងកំពុងសន្លប់មិនទាន់ដឹងខ្លួនជុងហ្គុកក៏រៀបរាប់ហេតុការណ៍ខ្លះៗឲ្យវ័យចំណាស់បានដឹង។
"តៃកុងឡានដែលបើកបង្កឲ្យមានគ្រោះថ្នាក់ ខ្ញុំបានស៊ើបមកហើយ ពួកជាកូនចៅរបស់អ្នករកស៊ីខាងជួញដូរអាវុធ"
"ហើយហេតុអីបានជាពួកវាធ្វើបែបនេះ ថេយ៉ុងជាមនុស្សល្អណាស់មិនដែលទៅរករឿងអ្នកណាទេ"លោកគីមនិយាយដោយអារម្មណ៍តានតឹងហើយសម្លឹងមើលប្រពន្ធពីក្រៅបន្ទប់ ដែលពេលនេះលោកស្រីគីមកំពុងអង្គុយជិតកូន។
"ត្រង់នេះខ្ញុំក៏មិនដឹងដូចគ្នាប៉ុន្តែបើតាមខ្ញុំដឹងកន្លងមកក្រុមរបស់ពួកវាមិនចេះតែធ្វើបាបអ្នកណាទេបើមិនមានគុំនុំជាមួយនឹងអ្នកណា ហើយឲ្យប្រាកដចិត្តម្ដេចបានថាថេយ៉ុងមិនធ្វើអីពួកវា បើមិនចឹងពួកវាមកធ្វើបាបក្មេងមិនដឹងអីក្នុងហេតុផលអី"សម្ដីរបស់ជុងហ្គុកធ្វើឲ្យទង្វើដែលលោកគីមធ្លាប់ធ្វើដាក់ជនសង្ស័យម្នាក់ស្រាប់តែផុសមកម្ដងទៀត ក្នុងចិត្តគាត់កំពុងគិតថាអាចទេ ក្មេងដែលគាត់ចាប់មិនបាននៅក្នុងថ្ងៃនោះនឹងត្រឡប់មកសងសឹងគាត់វិញ?
ខណៈទឹកមុខភិតភ័យរបស់លោកគីមបង្ហាញឡើងប្រៀបដូចជាផ្ដល់អំណោយដល់ម៉ាហ្វៀកំលោះមិនខុសសោះឡើយ ជុងហ្គុកញញឹមលាក់គំនួចបែបដឹងពីចិត្តមនុស្សចំពោះមុខបានជាស្រដីឡើងបន្ត៖
"សូម្បីតែកាលមានជនអន្ធពាលចង់ចាប់ថេយ៉ុងពីមុនក៏ជាស្នាដៃរបស់ពួកវាដែរ រឿងអាក្រក់កើតឡើងលើថេយ៉ុងដដែលៗ នេះបញ្ជាក់បានថាថេយ៍ជាមុខសញ្ញារបស់ពួកវា"កាន់តែភ័យពេលស្ដាប់ការនិយាយប្រាប់ពីជុងហ្គុក វ័យចំណាស់ភ័យដល់ថ្នាក់ស្លេកមុខស្លេកមាត់។
"តើពូគួរធ្វើបែបណាទៅ បើបណ្ដោយបែបនេះមិនបានឡើយ កូនពូមុខជាទទួលរងការគ្រោះថ្នាក់ជាច្រើនទៀតមិនខាន"
"ខ្ញុំមានដំណោះស្រាយ"ថាហើយលោកគីមងើបមុខមកប្រសព្វចង់ដឹងពីចម្លើយជាខ្លាំង បើទោះជាគាត់ជាប៉ូលិសមែនពិត ត្បិតថាអ្នកធ្វើរឿងអាក្រក់ទាំងនេះក៏មានឋានៈមិនតូចដូច្នេះគាត់ធ្វើអីគេមិនចេញទេ។អ្នករកស៊ីអាវុធ បើមិនសហការជាមួយប៉ូលិសឋានៈធំៗដូចមិនមែនជារឿងគួរឲ្យជឿ។
