دخل غرفتهم ومالقاها وسمع اصوات المويا جاي من الحمام (ونتو بكرامه) وعرف انها بداخل فتح ثوبه ولبس شي يريحه وجلس ينتظر خروج نور.... خرجت بعد ماخذت شاور وشافته نايم وهو جالس وواضح انه ينتظرها تأملته وابتسمت من شكله اللطيف بالبجامه الي جابته طقم لهم وطلعت بجامتها المتطابق بخاصته ورجعت الحمام (ونتو بكرامه )تلبسه... راحت له تصحيه مسكت كتفه ونطقت
نور:صقر!
صحي صقر من اول مره ووقف مسك خدها ونطق فيك شي؟
نور:هزت راسها ب لا
صقرمسك شعرها المبلل وكمل:تعالي انشفه لاتمرضي من برد المكيف جلست بطاعه وشغل هو الاستشوار دخل اصابعه بين شعرها ونور ارتخت من تحركاته الهادئ لفت عليه وحطت جبهتها ببطنه ابتسم صقر مستلطف حركتها وكمل ينشف شعرها ... قفل الجهاز ومسك يدها يتوجهو للسرير رقدت بالسرير وكان بيتوجه للجهه الثاني بس منعه مسكه يدها وواضح انها متردده
صقر:بغيتي شي !
نور:اء لا لا خلاص ولاشي
صقرمسك خدها وكمل:امريني
رفرف قلب نوى وهي تحس بلطفه معاها ونطقت:خلك جنبي
صقر ابتسم من طلبها وجلس فوق راسها وحط راسها بفخذه وبدء يمسح عليه ونور نامت بتعب واضح عليها
حس بانتظام انفاسها وشاف انها نايمه تنهد من تفكيره
وحط راسها بهدوء على المخده وغطاها بالبطانيه وراح للشباك يدخن ويهوجس بفكره الطلاق الي ماريح راسه من التفكير بموضوعه لف نظره عليها بعد الاسأله الي داهمه
هي تبغاه؟
تبى تكمل معاه؟
راضيه بحياتها معاه؟
تعلقت فيه مثل ماهو متعلق فيها؟
قفل عيونه بتعب وعدم وجود اجابه لأسألته ورجع لها رقد جنبها وحضنته من نفسها تلقائيا بين نومها وحطت راسها بصدره أصدر ضحكه من فعلتها بادلها الحضن وحشر انفه بشعرها يستنشق رائحتها الي حفظه اكثر من نفسه ....نام بعد هواجيس لانهائيه
العائله كلهم مستغربين من هدوء نور مو من عادتها لازم تمسي وتصبح عليهم كليوم وتضحكهم وتحسسهم بوجودها انتظرو تصحى من النوم يستجوبوها
البنات جالسين بهدوء عكس عادتهم بين الهواش والصراخ واللعب يبون نور معاهم ويتحسبو على صقر عبالهم سرقها منهم ماتدري ان هي الي سرقته دخلو العيال عليهم بيو يحارشوهم بس شافو ملامحهم المتململ نطق سطام بإستغراب تام
سطام:وشفيه مزهريات ثابتين بمكانه؟
لوجين:سطام اهجد تكفى
سطام بتقليد صوتها:اهجد تكفى
رائد:لا منجد وشفيه هادئين
فهد:مسوين بلا؟
طيف:خلك عن التفكير نبي نويري ومثلت البكاء
راشد:ماعد فيه نوير نويري متزوجه وتغير اشياء بحياتها بين الجامعه وحياتها الزوجيه ونواف حسبي الله عليه شاغل بالنا عليها منه
جوري:صح يحياتي نوير بضغط كبير ربي يهون عليها
غرام:الحياه صعبه عليها وهي دلوعه
ورده:كيوت حتى ونتي زعلانه مشغله شخصيه التيك
سند :اشتقت لايامنا الي مكان يهمنا شي غير اننا نتجمع ونطبق البلا اه يانوير
محمد:اساس التجمع
جوري:يلا اطلعو نبى ننام
تركوهم العيال براحتهم يكفي الي فيهم وراحو هم بعد ينامو
س٢:١٦
صحي صقر ولقى نور فوقه وباقي نايمه شد عليها ويمسح على شعرها بدت نور تفتح عيونها وتحس نومتها غريب رفعت راسها وهي تناظر صقر وصقر يناظرها توسع عيونها ونزلت من فوقه وغطت راسها بالمخده بعد ماستوعب انها نامت فوقه وتتمنى للارض ينشق ويبلعها من الاحراج وهي تسمع صوت ضحكاته على احراجها رفعت يدها وهي باقي حاشره وجهها بين المخده والسرير وضربت صدره تبغى تسكته يكفيها احراج
صقر :زوجك انا وشفيه ههههه؟
نور:اسكت تكفى!
صقرسكت صقر وكمل:يلا قومي نوري الاهل وماكلتي من الصبح هيا قومي
نور:مابى!
صقر بتقليد:مابى قومي بس
رفعت راسها اخيرا ونطقت:تقلدني!
صقر:استوعب انه حركاته بدء يصير زيها وابتسم
نور بإستغراب من ابتسامته:متلبس؟تبتسم ليش؟
صقر:احم ولاشي قومي هيا
نور:مابى
صقر:يلا ولا شلتك ان.. مامدى يكمل من نور الي فزت من السرير وصارت واقفه
صقر:ههههههه وقام هو بعدها ونزلو المطبخ ويدورو شي يعرفو يطبخونه ومالقو غير اندومي وسوه لهم وصقر ينفخ على الاندومي ياكل نور تحت رفضها المستمر ويبي طريقه يفتحها بموضوع الطلاق اذا هي تبيه بس مايطاوعه قلبه وفضل يسكت طلعو لغرفتهم غيرو لبسهم ونزلو للعائله بعد ماتحجبت نور جلسو كلهم حتى البنات بس متغطين وصقر مارفع راسه محترم وجودهم
.........
صقر:مسكو نواف
شهقو كلهم ماستوعبو الي نطقه
ليلى:بنتي ماعد عليها خطر!
نور:لا عيوني
حضنتها ليلى وعماتها والبنات والرجال يكملو استجواب
عبد العزيز:كيف مسكوه؟
نوح:شاف نور؟
صقر:امس لحقها بالجامعه بس نور ضربته رغم ضربها ماستسلم وحاول فيها بس رحت لها بعد رسالتها والحمد لله ماقدر ياخذها
عبدالله:نوير علمينا ياعمي مسكك نواف؟
سلطان بنكسره اذا مسك منك شعره
العيال:يوهههه
يعززون ل الرجال
ونطق رائد:وحنا معاكم
نور:ههه لا يحبيب نوير ماقدر يسوي شي تكلمت وهي تتذكر حضنه لها وانفاسه برقبتها
وكملت واساسا صقر كسره مابقي شي ماكسره
محمد:عاشش صقر
رائد:كفو كفو يالاخ
فهد:ولد ابوه
صقر ابتسم لهم ونطق واجبي هو
عبد العزيز:طيب متى ناوين الطلاق؟
تجمد صقر وتقشعر جسمها من تخيل بعدها عنه ونور حست بضيقه من ذكر جدها للطلاق
نور:اءه متى مابغيتو
بلع ريقه صقر من ردها ويحس بالاختناق والغصه فتح ازرار ثوبه وطلع برا القصر بسرعه تحت انظار العائله المستغربه
قامت نور تلحقه وتشوف وشفيه قام فجاءه
..
طلع برا القصر يحاول يستوعب الي سمعه منها عادي عندها تخسره؟ماتبيه؟يبغى يكذب مسامعه يبيها مايقدر بدونها
نور:صقر!!صقرفيك شي!
لف عليها صقر ومسك كتفها ونطق
صقر:يهمك؟
عقدت نور حواجبها من سؤاله الي حتى هي مادرت عن الجواب وتعامله الي واضح تغيره
صقر:وشفيه جاوبي؟
نورنزلت راسها ونطقت: مادري
مسح صقر على شعره وركب سيارته مايبغى يأذيها من شخصيته
حاولت نور تمنعه بس بالها انشغل بسؤاله يهمها؟
وجهت خطواتها بإتجاه القصر
العائله:
غرام:جدي اتوقع انهم مايبون الطلاق
طيف:حرام ياجدي اسأل رأيهم اول يمكن تغير رأيهم!
فهد:جدي حاول تعرف رغبتهم اول
عبد العزيز:كان هاذي الزواج اتفاق من أوله ونا بزوج نوير الي هي تختاره شريك لها مو المتفق عليه
لفو على نور وكانت هادئه وخطواتها بطيئه وواضح تفكر بشي
لوجين:نو.. ماكملت كلامها من البنات الي مسكوها
ورده بهمس:لاتزعجيها
طلعت لغرفتها وفتحت طرحتها تحس بإختناق وتفكر بموضوع جدها تبي تطلق منه؟ماتبيه؟
توقعاتكم؟
تكمل معاه؟
صقر بيطلقها؟
رائيكم بالبارت!
دعواتكم لي بالتوفيق باختباراتي
