مرت ثلاث اسابيع جميله على الجميع وبشكل خاص لبطلنا صقر وهو يجرب شعور جديد بحياته من ناحيه الزواج والحب والحنان وحب ليلى له واعتباره بحسبه ولدها وميانه العيال والرجال معاه حس الحياه مو شايلته من فرحته
وكلهم عرفو بقصه صقر وتقبلو كلشي لجل نور
غرفه البنات:
جالسين بشكل دائري ووسطهم شيبسات وحلى وقهوه
لوجين:قرب الرمضان مرهه باقي ماصمت القضاء
ورده:صدق مابقي غير اسبوع
جوري:اجواء رمضانيه اخبراا
غرام:اشتقتتت
طيف:نوير دام زوجك عاش حياته بالمستشفى وماجرب طعم الرمضان شرايك تروحي تتقضي انتي وياه
ورده:صحح فكره حلوه
نور:صدق بس ماعرف اتقضى!
غرام:ابلش
لوجين:فكره!!ليش مانروح حنا البنات بعد نساعدهم بس حنا نكون لوحدنا ونوير وزوجها مع بعض!
جوري:حلوهه الفكره زمان ماطلعنا اصلا!
نور:تم قدام متى نطلع؟
طيف:شرايك بكرا واليوم تحاولي فيه
نور:مابيرفض
غرام:الله الله نويرتنا طاحت على وجهها ومحد سمى عليها
نور:كيوت ياخي احبه
ورده:مين الي قال تصير عجوزه ولا تتزوج؟
نور:بس لقيت شخص غير تفكيري اه يحلوه بس
جوري:ابي اتزوج خلاص
لوجين:ههههههه
ورده:صح مخور نروح المول نشتري مخاور ونوير تكشخي وتدللي كحلي عيون الحب حقك
نور:تورد وجهها والبنات مسكوها طقطقه
........
غرفه العيال:
الي يلعبون جاكاور والي يلعب بلاستيشن والي بجواله والي يهواش والي والي والي...
محمد:غشاش ياكلب
فهد:احترم نفسك اكبر منك انا
سند :مافيه لا كبير ولا صغير لعبه هو تغش ليش؟
فهد:ماغشيت تكذبوني ليش
سطام:اكبر جحود
صقر يلعب بلاستيشن صار يحبه من نور ورائد معاه
رائد:ياحيوان تقتلنيي
صبر لا انتبه
هي واك
صقر :خلني انتبه لاتصارخ ورع انت
هي هي شف
رائد لاا صبر
رائد :
يوههه
يلعن
صبر صبر شفف
صقر:اهجد يابزر
راشد:رائد انطم ازعجتنا
........
غرفه الحريم:
حش بعادتهم
جمانه:استغفر الله ام زكي هاوشت ام سحر بنص الشارع قدام خلق الله
سماح:اعوذ بالله الله لايبلانا
سديم:ام زكي ذي حاقده على ام سحر
نوره :الله يستر زوجهم
ليلى:احسن من قله يتزوج عليها
سماح:نهايه الي ياخذ اثنين
سديم:ههههه
.........
غرفه رجال:
بدالعزيز:الارض الي شريناه قبل سنتين نبني فيه مسجد للمحتاجين؟
سلطان:الي تشوف يبوي
نوح:بكلم المهندسين
عبد الله:عندي رقم افضل مهندسين خله عليا
مسعود:حلو الارض بخط السفر
احمد:واحتياجات المسجد مثل السجاده والمويا وثلاجات والاضويه كله برتبه انل
عبدالعزيز:الله يكثر من خيركم ياولادي
________________
س ١٢:١٢ليل
صقر رجع غرفته طفشان ويبغى نورونور باقي عند البنات طلع علبه السيجاره بس دخلت عليه نور وتوتر صقر ابتسمت له نور بس اختفى ابتسامتها وهي تشوف علبه السيجاره بيده تنهدت وتغير ملامحها ١٨٠ درجه تحول ملامح بارد وخالي من اي تعبير وجه طلعت لها بجامه بهدوء وفتحت اكسسواراتها ودخلت تتروش تريح نفسها
تنهد صقر بندم من برودها ورجع العلبه لجيبه ويفكر شلون يصالحها الحين وخصوصا انها ماهاوشته جلس بطرف السرير ينتظر خروجها
.....
خرجت وهي لابسه بجامتها البني فاتح وشعرها مبلل ومقهوره انه يعاندها ونها تفكر بسعادته وهو ماهمه
شافته جالس وواضح انه متوتر ويحاول يرتب كلماته
قام اول ماسمح صوت الباب بس عوره قلبه من صدها منه وتكلم يبرر
صقر:نور !
ماردت عليه وجلست بكرسي التسريحه وفتحت الاستشوار تنشف شعرها
صقر:نوري لا تتجاهليني!
مادرت عليه وكان الغرفه خالي منه
صقر:نور قاعد اكلمك!
نور:شتبغى ياخي!
صقر قرب منها: اسف !
تأثرت نور فعلا من ملامحه واضح عليه الندم وصادق بإعتذاره رمشت عده مرات ونطقت تعتذر ليش؟
لعنادك؟
لعدم اهتمامك لصحتك؟
لحبك للعناد؟
ايش بالضبط؟
صقر:كلشي اعتذر عن كلشي بس والله تعودت عليه!
نور:واذا التزمت فيه بتترك عادتك مثلا؟؟
صقر:سكت ماعرف يرد
كشرت وجهها وقامت تحضنه :مشكلتك تجنن ونت متوهق مو عارف تراضيني بس باقي زعلانه منك
صقر:بادلها الحضن ونطق اشتقت لك كل وقتك عندهم سارقينك مني
نور:قلت بتاخذ وقتي معاهم بس صار العكس
صقر:دفن وجهه بين كتفها ورقبتها ويحس ببروده شعرها من المكيف
نور:ماعد بتدخن صح صقر!
صقر :ماعرف وش يرد ونزل راسه
نور:حطت يدها بجيبه بدون مقدامات وسحبت علبه السيجاره وطلعت حبتين
حطت واحد بفمه والثاني بفمها تحت استغرابه من فعلتها حطت يدها بين السيجاره والنار تمنع الهواء يزعج النار استوعب صقر وسحب منها الولاعه والسيجاره
صقر:شقاعده تسوي نهبلتي؟؟
نور:ليش وشفيه؟عيب انا ادخن ونت لا؟
هاته رفع يده صقر ونور طلعت للكرسي توصل ليده بس نزل يده صقر ومسك خصرها خايف تطيح من تحركاتها
نور:بلا حركات ورع هاته
صقر:لا
نور:دفته من كتفه وصقر حرر خصرها وراحت للسرير معصبه منه وغطت كلها بالبطانيه
غمض عيونه صقر يهدء نفسه ورمى السيجاره بالزباله(ونتو بكرامه)
يحاول يتخلص منه لجل نور مايرضى زعلها منه وتنام زعلانه فتح ثوبه وبقي بسروال السنه و(لبس الداخلي للثوب)
وراح للسرير دخل بالبطانيه وحضن نور تحت ضربها ليده ماتبيه حط يده ببطنها وسحبها لصدره التصق ظهرها بصدره وشد عليها
صقر:اسف ماعد بعيده
نور:تقلع
صقر:نوري اسف!
بدت نور تستسلام وتضعف بسبب النوم الي جاها بعد الترويش وبرد الغرفه التفت له وحضنته تنام تعودت تنام بصدره وحشرت راسها بصدره وصقر يمسح على شعرها
نور:نروح نتقضى قرب الرمضان
صقر:تبشري شي ثاني؟
نور:حركت راسها ب لا
صقر:اول رمضان لنا مع بعض واول رمضان خارج المستشفى اخيراابتسم وهو يقول
نور:رفعت راسها له وزعلت عليه كشرت شفتها ورفعت راسها لفكه وطبعت اول قبله لها له نزل راسه صقر وتلاقت عيونهم
صقر:واول قبله من نوري
نور بنعس:هههه
صقر:لاتزعلي بحاول اترك التدخين لعيونك
نور:لا مو عشاني عشان نفسك وصحتك اذا عشاني لا تسوي شي اتركه عشان نفسك وصحتك
صقر لامس قصدها قلبه وهز راسه لها
رجعت راسها لصدره ونامت اول ماحطت راسها من شده النعس
..
حس بانتظام انفاسه وعرف انها نامت شدها له اكثر وغمض عيونه بإستسلام للنوم
توقعاتكم للأحداث الجاي؟
حلوه البارت؟
الكاتبه:المجهوله
محبه لخيالاتها اكثر من واقعها
رواياتي تستوحي من خيالي لا له علاقه بالواقع
