الفصل التاني...
ﺧﻮﻱ ﻧﺰﺍﺭ ﺍﻧﺎ ﻧﺤﺒﻪ ﻫﻮ ﺑﻄﻞ ﻳﻐﻠﺐ ﻛﻞ ﺍﻻﻋﺪﺍﺀ ﺧﻮﻱ ﻧﺰﺍﺭ ﺟﺎﺑﻠﻲ ﺑﻼﻳﺴﺘﻴﺸﻦ ﺧﻮﻱ ﻧﺰﺍﺭ ﻫﻮ ﺟﻤﻴﻞ ﻭ ﺭﺍﺋﻊ
ﻛﻠﻤﺎﺗﻲ ﻭ ﺗﻠﺤﻴﻨﻲ
ﻧﻮﺿﺘﻪ ﻣﻦ ﺍﻟﻨﻮﻡ .. ﻛﺎﻥ ﻋﻠﻲ ﻭﺟﻬﻪ ﺃﺛﺎﺭ ﺧﺒﺶ .. ﺷﻜﻠﻪ ﻣﺘﻌﺎﺭﻙ ﻣﻊ ﺣﺪ .. ﻧﻀﺖ ﺍﻟﺼﺒﺢ ﻣﺸﻴﺖ ﻟﻠﻤﺪﺭﺳﻪ ﻭ ﻣﺶ ﻓﺎﻫﻤﺔ ﺷﻦ ﺍﻟﻲ ﺻﺎﻳﺮ ﻓﻲ ﺍﻟﺤﻮﺵ ....
ﻭ ﺍﻧﺎ ﻣﺮﻭﺣﻪ ﻣﻦ ﺍﻟﻤﺪﺭﺳﻪ .. ﻧﺴﻤﻊ ﻓﻲ ﻧﺰﺍﺭ ﻳﻘﻮﻟﻲ ﺑﺲ .. ﺑﺲ .. ﺟﺎﻧﻲ ﻭ ﺍﻋﻄﺎﻧﻲ ﺩﻳﻨﺎﺭ .. ﻭ ﻓﺮﺣﺖ ﺑﻴﻪ ﻫﻠﺒﺎ
.. ﺭﻭﺣﻨﺎ ﻭ ﻛﺎﻥ ﻧﺰﺍﺭ ﻣﺒﻬﺪﻝ ﻫﻠﺒﺎ .. ﻗﺎﻟﺘﻠﻪ ﻣﻨﺎﺭ ﺧﻴﺮﻙ ﺷﻜﻮﻥ ﺿﺎﺭﺑﻚ ؟
ﻗﺎﻟﻠﻬﺎ ﺗﻌﺎﺭﻛﺖ ﺍﻧﺎ ﻭ ﺍﻟﻮﻟﺪ ﻣﺘﻊ ﺍﻟﺒﻼﻳﺴﺘﻴﺸﻦ ﻉ ﺧﺎﻃﺮ ﻣﺎ ﺭﺩﻳﺘﺎﺵ ﺍﻣﺲ ﻓﻲ ﺍﻟﻠﻴﻞ ﻭ ﻳﺤﺴﺎﺑﻨﻲ ﻣﻌﺎﺵ ﺑﻨﺮﺩﻩ ﻭ ﻗﺎﻟﻲ ﺍﻧﺖ ﺧﻨﺒﺘﻪ .... ﻭ ﻗﻌﺪ ﻧﺰﺍﺭ ﻉ ﺍﻟﺤﺎﻝ ﻫﺬﺍ .. ﻛﻞ يوم ﻋﺮﻛﺔ ﻓﻲ ﺍﻟﺸﺎﺭﻉ .. ﺃﻣﻲ ﻣﺎ ﺗﻨﺪﺭﻳﺶ ﻋﻠﻴﻪ ﺍﻏﻠﺐ ﺍﻟﻮﻗﺖ .. ﻋﺪﻭﺍﻧﻲ ﻣﻊ ﺍﻭﻻﺩ ﺍﻟﺸﺎﺭﻉ
و فاتت سنين ...........................
ماريا .. ماريا .. وينك ؟
فتحت منار الباب ..انتي هنا .. خيرك ما ترديش ؟؟
قتلها خيرك شن في ؟؟ عارفتيني نقرا و امتحانات شهادة ..
جت منار قعمزت جنبي .. سألتني امي مهناش ؟ قتلها ايه طبعاً مهناش 😏😏
قتلي نبي نقولك شن صار اليوم .. قتلها شن في ؟ قتلي اليوم و انا طالعه من الجامعه اتفقنا انا و البنات نمشوا ناخدوا غداء من برا ..
ايييه كملي ....
لقيت ماما راكبه مع واحد في السياره .. انا خلاص توترت و خفت 😳 و ما صدقتش الي شفته .. المشكله انهم مدرسين في السياره قدامي ..
سألتها .. شافاتك هي ؟؟
قتلي لا 😓 حاولت نلفت نظر البنات و قتلهم خوي محمد و هي نطلعوا من هنا و حي عليا كان شافني 😥😥.....
أنا معاش فهمت يا ماريا السريب هذا امته بيتم ؟؟ بابا و في الحبس .. به ما تخافش يشوفها محمد او نزار او حد من العيله !!!!
__ ليش يا منار احنا من قعد من العيله يواصل فينا ؟؟ أمالي بابا قطعونا من يوم نحبس بابا و عندهم حق على خاطر ولدهم .. و أمالي ماما قطعونا لان بنتهم دارتلهم العار و ريحتها طلعت .. من منو بتخاف أمك ؟؟ محمد عارفاته يخدم .. و نزار في الجامعه ..
بالعكس .. أمك كل ما تكبر كل ما تزيد تهبل للأسف .. منار : أنا تعبت يا ماريا 😥😥 تعبت منها .. غير امته نتزوج و نرتاح بس 😥
__ زواج شنو انتي التانيه 😏من الي بياخد بنات امهم هكي ؟؟
لما تروح لازم تكلميها و تواجهيها و انا ح نتكلم معاك ..
منار : لا لا فكيني منها تو تحطني في راسها ..
قتلها ليش هي امته راضيه علينا ؟؟ واجهيها انتي او ح نواجهها انا ..
روحت أمي .. و كالعاده خشت دارها طول .. قعدت نقول لي منار نوضي هي و انا توا انوض معاك .. نخشوا دارها نكلموها ..
نضنا مشينالها في الدار ..
منار : أنا اليوم يا ماما مشيت انا و صاحباتي بناخدوا غداء و لقيتك راكبه مع واحد في متشي لانسر بيضاء .. انتي امته بديريلنا حساب و بتخافي علينا ؟؟
أمي : اطلعي درقي وجهك من قدامي 😠😠هذا الي ناقص تحاسبيني انتي و اياها ..
أنا : نحاسبوك طبعاً لان كبرنا و عيينا من البيئه الوسخة الي عايشيين فيها ..
جتني امي زي المجنونه .. بيئة وسخة يا بنت الوسخ .. شدتني من شعري و قعدت تضرب فيا .. شدتها منار ارخيها يا ماما حرام عليك احنا تعبنا ..
تعبنا من الفساد .. تعبنا من الغلط ..
امي : اصلا انتو طالعين لي امالي بوكم .. يلعن اليوم الي خديت فيه بوكم و جيتوا فيه يا اولاد الكلب ..
أنا : ما تقوليش على بابا كلب لانه اشرف راجل في الدنيا .. الشرف الي بعيد عليك تعرفيه اصلا ..
شدتني قعدت تضرب فيا بكل شي يجي قدامها .. حذفتني بي مزهريه .. جت على وجهي .. كانت تضرب فيا و أنا ملامحي تابثه .. حتى دمعه لا ..
خشينا دارنا ..
نار تغلي في قلبي .. نار فورت دمي .. شن نديروا يا منار ؟؟ الوضع لازم يندارله حد ..
منار : منهارة و تبكي .. هي نقولوا لي خوي محمد 😢😢
أنا : خيرك انتي هبلتي ؟؟ تبي خوك يدير جريمة قتل و يخش الحبس ؟؟؟
منار : 😔😔😔 يارب خودني و ريحني من هالدنيا ..
قتلها منار معاش تضعفي قدامها و تبكي .. طلعت منار و جابت ثلج .. وجهي و تحت عيوني ازرق .. كان محمد خوي يسكن بروحه يجي كل فترة يعطينا مبلغ مالي و خلاص .. أما نزار فكان واضح عليه انه ياخد في حاجة .. جسمه بدا يذبل .. معاش يروح للحوش .. قرايته مش ناجح فيها .. منطوي على نفسه .. ما يهدرزش معاك بكل ..
قعدنا في دارنا .. العشيه جت امي فتحت باب الدار .. نوضي انتي و اياها درقي وجهك ضمي الحوش ..
نظرة عينها كانت تبث الرعب فيا .. نضنا قعدنا نضموا في الحوش .. و احنا نضموا و هي تتكلم في التليفون و تضحك ..
قمة الأستفزاز .. قمة التحطيم النفسي .. قمة السخريه ..
تاني يوم الصبح نضت بنمشي للمدرسه .. لقيت عيني اليمين مصكرة من قوة الضربه وجهي منفوخ .. تحت عيني ازرق .مشيت المدرسه و الي يشوفني يقعد يسأل فيا شن في ؟
نتهرب من أسئلة صاحباتي ..
روحت للحوش .. لقيت أمي تطييب .. استغربت مش بالعادة تطيب ..
شافتني .. قتلي خيره وجهك هكي ؟؟ 😨
قتلها من ضربة أمس .. و نزلت دمعتي .. وجعتني نفسي 😔
داريتها و قتلها عيني من امس هكي تنزل في دموع .. قعدت تقولي اعطيني قصه في ايدي ان شاءالله و سامحيني .. و حاولت تحضني .. بس ما كانش عندي رغبه نحضنها ..
خشيت الدار رقدت .. نوضتني منار مع العصر .. نضت .. قتلي صاحبة أمك و بنتها برا 😏😏
و امك تبينا نقعمزوا نسايروا البنت .. قتلها أها هذا علاش مطيبه هي اليوم 🤔🤔
جت البنت قعدت مقعمزه معانا في دارنا .. تهدرز و جوها مليح .. تحكي على صاحبها الي هدالها سياره .. و كيف يصرف عليها بالهبل ..
و أنا و منار مصدومين 😳😳
طلعنا قعدنا مقعمزين برا مع صاحبة امي .. الغريب ان البنت تحكي عادي قدام أمها .. و أمها تقوللها فكيك منه ( فلان ) خليك مع ( فلان ) يبزي مليح 😀
أنا صارلي خدش في أحساسي .. مشدوها 😳😳 مش قادره نستوعب ..
الأم و بنتها مصاحبين زوز رجاله صحاب .. يمشوا للحمام البخاري و مزين و حنه و يياتوا في نفس الاستراحه مع بعض .. كل وحدة مع صاحبها ..
بنتها سألتني .. كيف تحافظي على جسمك ؟
رديت : نعم !!! 😳😳
عاودت سألتني ..
جاوبت : عادي ناكل زي الناس بس هكي عودي ..
قتلي انا صدري مبهدلني كبير هلبا ..
ضربتها امها ع كتفها قتلها اسكتي عاد يحبوه الجماعه 😅
أنا و منار خلاص مش مستوعبين الي نسمعوا فيه ..
فتحت البنت بلوزتها .. طلعت صدرها .. ها شوفيه كيف كبير اخي هكي محلاه الصغير ..
أنا نزلت راسي و خشيت دارنا .. قلبي ينبض بسرعه .. لا مش معقوله في ناس هكي .. مش معقوله 😳
زار كان يروح في الليل يخش يرقد و يطلع الصبح .. و مرت أيام ما تكلمش فينا أمي .. ما فيش وجبة غداء او عشاء .. حياتنا كانت خبزة و جبنه و بطاطا مقليه .. او نخش انا نطيب او منار
و في يوم و انا طالعه من الحمام خطمت من قدام دار نوم أمي .. نسمع فيها تتكلم في التليفون و كان الوقت متأخر .. قربت من الباب .. نسمع في ( آآآآآآآآآه ) مشيت لدارنا و ما كنتش نبي نسمع اكثر .. قعدت نفكر في الي سمعته .. تاني يوم جتني منار .. قتلي شوفي شن لقيت في الحمام .. قتلها شنو ؟
ورتهولي .. كانت عبارة عن نقشة حنة ( لصقه ) متع علامة ورده ..
قتلها منار هذا شنو ؟ قتلي أمك كانت تدوش و لما طلعت خشيت انا بعدها و لقيتها في الحمام ..
قتلها لي شن ؟ شن يديروا بيها ؟ قتلي شكلها مدايره حنه او صبغه في تركينه في جسمها ..
أنا 😳 تي شن هذا !!! تي اولادها رجاله استغفر الله 😠😠
ما رقدتش ليلتها .. مقعمزة في فراشي لين أذن الفجر .. خديت كتاباتي كلهم و الي قدرت نحطه في الشنطه و الباقي حطيتهم في كيسه و طلعت من الحوش .. مشيت لحوش حناي .. تفاجأت حناي بيا و قتلها راهو انا معاش بنرجع لحوشنا بكل .. جت عمتي و قعدت تقولي كيف هكي و هذا غلط .. و بعدها اقتنعوا لان لو ما قعدت عندهم كنت مستعده نقعد في اي مكان الا اني نرجع لحوشنا ..
كانت منار تجيني مرات لما تروح من الجامعه و نزار كل عشيه عندنا .. و في يوم جت منار لي حوش حناي ....
منار : في ناس بيجوا يخطبوني ..
أنا فرحت هلبا 😀😀
حناي : ان شاءالله يطلعلك وليد حلال يا رب .. لكن لازم تقولي لي أعمامك يسألوا عليهم كويس .. ما تستعجليش هذا زواج مش لعب ..
منار : مش هنا مشكلتي يا حنينه 😔 مشكلتي لو هما سألوا علينا كيف بيكون رد فعلهم !!
حناي : شن قصدك يا بنت ؟
منار : يعني يا حنينه لنفرض جو سألوا و سمعوا من الجيران ان بابا محبوس و أمي مش مزبوطه و من هالكلام ..
أنا : ليش هما ما يعرفوش ان بوك محبوس ؟
منار : يعرف هو لكن باقي العيله لا ..
حناي : اييييه يا بنتي و كانه من نصيبك ما يرده شي و كانه مش نصيبك عاد الله غالب ..
وقتها حسيت بالخوف في عيون منار .. لأن الناس تشري العيله ...
تشري الأم ...........
تشري الخوت .........
حتى لو كانت البنت مش كويسه و من تحت لي تحت .. تتزوج على عيون بوها او خوها او امها ...
——————
فاتوا أيام و جى علاء خطب منار .. و كان يعرف ان بابا محبوس .. بس من كثر ما يحبها ما سألهاش علاش محبوس ؟ و قاللها انا خديتك نعرفك و نحبك و ما فيش داعي نسأل عليكم .. تعرف على محمد و نزار و كان ديما يشكر فيهم لي منار ...
عدت أيامي عادي زي اليوم زي أمس زي الي قبله .. و قرب عرس منار اختي ..
كان يوم واحد في الصاله ..
و طبعاً أنا و عمتي و بنات عمتي مش مُرحب بينا .. بس جهزت لبستي و كل شي .. و مشيت مزين انا و أمل و إيمان .. و أنا في المزين تلاقيت مع بنت خالتي كانت بالصدفه تجهز في نفسها في نفس المزين ..
جت سلمت عليا و قتلي سبحان الله قداش تغيرتي ☺️☺️ سألتني أما سنة نقرا ؟ قتلها سنه ثالثه قانون ..
قتلي ماشاءالله و الله تغيرتي يا ميوره تهبلي الله يبارك .. 😘😘 .... جى أياد بيروح بينا للحوش نلبسوا و ناخدوا حنينه و نمشوا للصاله ..
خشيت لبست و جهزت نفسي .. نادتني حناي ..
ماريا .. يا ماريا ..
نعم يا حنينه ..
تعالي يا بنت ديريلي كحل في عيني ..
أنا : حاضر اهو جيتك .. تبي كحل و لا حاجات تانيه 😉😉
مشيت خديت كحل و خشيت على حنينه في الدار .. لقيت أياد واقف .. تحشمت و رجعت لبست عبايه .. و جيت قعدت نكحل في عيون حنينه ..
و أنا طالعه من الدار .. صكر عليا الطريق و قالي آمته بنتكحل بيك ♥️
أنا تفاجأت و تحشمت ♥️♥️ نزلت راسي و طلعت و خبطت في كتفه من كثر الربكه ..
مشينا للصاله .. خالاتي شادين تركينه بروحهم .. و كأنهم أهل العريس .. شبحاتهم توحي ان في أحقاد قديمه على أمي .. من اكثر من 3 سنين ما تلاقيتش انا و امي و لما شافتني خاشه للصاله جت تحضن فيا و تبكي .. و أنا كنت متقززه منها للغايه .. باعدتها و مشيت قعمزت ..
منار طالعه زي الأميرات .. خاشه في الزفه هي و محمد و نزار .. محمد ع يمنيها و نزار ع يسارها .. كانت و هي خاشه للصاله نتخايل في بابا مدخلها في الزفه .. خنقتني عبرتي ..
