چانوا اربعتهم يدورون على الي اتهم حُر بالتزوير، بس للان ما لگوه، تعبوا و همه يسألون عنهم او عن اي معلومه عن هويتهم! للان مو معروفين و المحكمه بعد اربعه ايام و ممكن حُر ينعدم! و جان آسر متخبل و تخبل زياده لان حُر بقى يوصيهم على إيليا، لزم آسر اخر شخص من المشتكين عليهم و بقى يسألهم على مواصفات شكل الي باعلهم السيارات، و من المواصفات تقريبا عرفه حُر، سأله بأستغراب و هو متوتر لان شاك بشخص المفروض قريب منه..!
-can I ask you something?
(هل يمكنني سؤالك شئ؟)
استغرب الرجال و ما فهم شي، باوع آسر بطرف عينه على حُر و هو يضحك على كيف،بعدين رجع باوع للرجال و گال
-يريد يسألك سؤال، اي حُر شنو السؤال؟
-احم..هل الشخص هو نفس هذا الي بالصوره؟
طلعله صوره بتلفونه و انطاها اله، استغرب الرجال شويه و باوع على حُر و هز راسه اي هو، غمض حُر عيونه عاض شفته بقوه
-he's my cousin, noah..oh god..
(انه ابن خالتي، نوح..اه الهي..)
حط إيده على راسه، طبعا بين امه الله يرحمها و خالته مشاكل لذلك ما يتقربون من بعض ابدا بس وصلت بيهم يسوون هيچ بيه؟ ممكن ينعدم من وراهم! وگف آسر تقرب من حُر حچه ويه يهدأه بصوت محد يسمعه غير حُر
-يا بعد گلبي انت اهدأ، والله اليوم الا اگصبهم گصب!
سكت حُر ما رد عليه، هز راسه اي بعدين غمض عيونه و غض خده الداخلي، ميت قهر يريد يضرب نوح بقوة على هايه الدگه الي سواها، تشكر من الرجال و طلعوا من البيت صعدوا بالسيارة، بدا آسر يسوق بينما حُر گاعد بصفه ساكتين، حُر ما اله خلگ يحچي، لزم التلفون مال آسر و حطه على الموقع المحدد مال بيت نوح، بعدين طلع تلفونه و اتصل على أبراهام يسأل على إيليا، بس ما چان أبراهام يرد، رجع اتصل على الكرار بس هو هم ما رد، استغرب بس طفه تلفونه و فرك عيونه راسه يوجعه، و آسر بقى ساكت ما يريد يزعجه.
بينما عند أبراهام و الكرار حاله خاصه! چان أبراهام يحاول يتجاهل الكرار و ظال يلعب ويه إيليا، يبوسه و يضحك وياه، و الكرار گاعد يباوع عليه بغيره، غيران من إيليا، وگف أبراهام يجيب لـ إيليا ممه بس وگف الكرار و حصره بينه و بين الحايط، اتسعت عين أبراهام و ضرب الكرار على صدره يريده يوخر
-وخر مني! الكرار لا تخليني ادوس ببطنك!
-ليش تبوسه؟
-منو؟
-ليش تبوس إيليا؟ چا اني شنو هنا؟ گواد اني هنا؟!
YOU ARE READING
أسِيرْ آسر
Teen Fiction-مَن انتَ؟ -آسير عيناك..و مَن انتَ -آسيرك رجال متزوج و يعشق زوجته و هي حاليا حامل بأبنهم و حالتهم الماديه كلش زينه لأنه يشتغل بشركه كلش چبيره و يعيش ويه أبوه و زوجته و يحب حياته و يتمنى تستمر إلى ان ماتت زوجته و أبوه و بقى هو و ابنه، رفض الزواج و ال...
