Pyar Ke Rishte

Part 1 - Naamkaran ceremony at Rajvansh'

Evening:
Rajvansh house:

Ghar mein kaafi chehel-pehel hai... Maheshwaris bhi aa chuke hain... Mishti-Kuhu apne-apne bachhon ko god mein lekar pooja ke liye baith chukein hain... apni-apni patniyon ke agal-bagal Abir-Kunal bhi baithe hue hain.

Jasmeet - Meenakshi jii! Aapne naam-karan ka function kuchh jyada hi jaldi nahi rakh liaa??

Meenakshi - Utni hi jaldi rakhaa hai, jitni jaldi aapne apni bahu ko apna liaa..

Ye sunke Jasmeet ka muh bann jaata hai... Anshuman uske kaan mein bolta hai -
"Karwali beizzati, aa gaya swaad?? Ab chup rehna."

Tejaswini Meenakshi ka hath dabate hue kehti hai -
"Woh actually shubh muhurat hi nahi bann paa raha thaa..."

Yashpal - Waise bhi jo cheez jab honi hoti hai tabhi hoti hai...

Vishambhar - Fir chahe koi kuchh bhi kar le.

Rajshri - Haan...!

Varsha - Goenkas nahi aayein...?

Ispe koi kuchh bolta usse pehle hi gate se kisi ki aawaz aati hai -
"Aapne bulaya aur hum chale aayein..."

Sablog dekhte hain ki samne Suhasini, Manish, Naira aur Kartik khade hote hain...sablog unko greet karte hain. Meenakshi Suhasini ke gale lagg jaati hai -
"Maasi maa.."

Suhasini (bade hi pyar se) - Meenu....💙

Sablog andar aa jate hain, Abir-Kunal aake Kartik ko hug karte hain aur Naira jaake Mishti-Kuhu ko gale lagaati hain.

Meenakshi - Akhil aur Surekha nahi aayein??

Suhasini - Dar-asal unn dono ko urgently USA nikalna padaa..

Tejaswini - Arey haan! Akhil ka message aaya tha.

Parul - Aur baaki log.... Gayu-Shubham aur bachhein...?

Kartik - Bachhe itne thak gaye thay ki dubara travel karna unke bass mein nahi tha...

Naira - Gayu di ne zidd karke hume bhej diya aur woh dono rukk gayein...

Meenakshi - Arey waah! Ekdum sahi devrani mili hai tumhe....

Swarna - Haan! Bahut achi hai meri bahu Gayu.. warna konsi devrani hogi jo jethani ke bachhon ko sambhalegi aur jethani khud ghumne niklegi..

Ye sunke Naira ka chehra utar jaata hai... woh mann-hi-mann bolti hai -
"Sab achhe hain, sasural mein devrani achi, mayke mein papa ki bahurani achi; shayad ek main hi hoon jo na mayke mein achi hai na sasural mein".

Mishti (Swarna ko dekhte hue) - Ye aapne bilkul galat kahaa badi mami ji.....

Swarna sawaliya nazron se usey dekhne lagti hai.

Mishti - Naira di aur Gayu di jethani-devrani baad mein hai... pehle dono behenein hain..

Kuhu - Aur Gayu di badi hain toh unhone badi behen hone ka farz nibhaya hai..

Ab Swarna aage kuch bolti usse pehle hi Suhasini usey aankh dikhaati hai toh woh kuchh nahi bolti.

Kartik (baat badalte hue) - Arey Abir! Teri pyari behen Keerti toh aayi hi nahi tere bachhon ke naam-karan pe.

Abir - Haan toh kya ho gaya..! Sukh mein bhale hi nahi, lekin dukh mein toh 110% sath rehti hai Keerti di.

Kartik - Tu uska naam sunte hi hyper kyun ho jaata hai...?