Pyar Ke Rishte

Part 3 - Abhimanyu's dilemma!!

Rajvansh house:

Sablog bahaar khusi se ful-jhadiyaan jalaa rahein hain. Ek taraf Mishbir ke sath Amish toh dusri taraf Kuku ke sath Avikaa.... Yashpal aur Tejaswini ke chehre par bhi khusiyon ki leher hai aur ho bhi kyun na, itne saalon baad jo dono saath aayein hain. Sabke chehron pe khusiyaan hain toh wahi Priyanka gum-sum si khadi hai, Parul aur Meenakshi aake usey cheer up karte hain.

Wahi maheshwari house mein bhi sablog khusi se diwali manaa rahein hain. Iss diwali toh Jasmeet aur Anshuman ki khusiyon ka thikana nahi hai... Shaurya-Varsha bhi Arya ke sath milke masti kar rahein hain. Vishambhar-Rajshri Ananya ka mood theek karne ki koshish mein lagein hain.

Siya ko thodi bechaini hone lagti hai toh Nannu usey leke upar jaata hai, seedhiyan chadhte-chadhte Siya ka paon fisalne lagta hai lekin Nannu sambhalte hue ek-vishwas ke sath apni palkein jhapkata hai. Fir dono muskurate hue chale jaate hain. Jasmeet pareshan-si unn dono ko dekhti rehti hai..
_____________________________________

Next morning:

Roy house:

Deewar pe Saumya ki ek tasveer tangi hai jise bade hi gaur se Aakash ji dekh rahein hain, unki aankhein namm ho chali thi.. woh uss tasveer pe haath ferte hue bolte hain -
"Aakhir tu hume chhod ke kyun chali gayi Aparna.. woh bhi itni door jahaan se kabhi laut ke nahi aatein. Sabko akela chhod ke kyun chali gayi tu.."

Priyanka aake unhe sambhalte hue bolti hai -
"Khud ko sambhaliye Mr Roy.."

Aakash ji uska hath sehlaate hue bolte hain -
"Kabhi tu bhi pyar se bhaiyaa bula liya kar Priyanka..."

Unki aisi baat pe Priyanka apne hath chhudate hue bolti hai -
"Aapko bhaiyaa bulane wale logon ki kami hai kyaa, hai na aapki munhboli lekin sabse pyari behen... Arpita urf Swarna..."

Uske aise tedhe jawaab pe Aakash ji kuchh nahi boltein.

Priyanka - Aapne Abhimanyu se baat ki..?

Aakash - Aaj karungaa...

Priyanka - Itna time kyun laga rahein hain Mr Roy? Kya aapke armaan uski khusiyon se badh-kar hai??

Aakash - Aisa nahi hai... bas mauka nahi mil paaya.

Priyanka - Aaj mauka bhi hai aur dastoor bhi! Baat kar lijiyega. Main Siya se milne jaungi aaj.

Aakash - Theek hai.
_____________________________________

Maheshwari house:

Kuchh aadmi niche ke ek kamre mein saaman adjust kar rahein hain. Baaki Vishambhar, Rajshri, Ananya, Varsha, Jasmeet, Nannu aur Siya hall mein baithe hain. Rajshri kisi gehen chintan mein leen hai.

Nannu - Mumma kya zaroorat thi humara room niche shift karwane ki? Faaltu mein sab idhar-udhar ho gayaa.

Jasmeet - Sab idhar-udhar ho gaya hai toh adjust ho jaayega lekin agar seedhiyan chadhte-utarte Siya ke sath kuchh.... nahi-nahi main koi risk nahi le sakti.

Nannu - Mumma aap kuch jyada hi soch rahi hain, main rehta toh hoon humesha Siya ke sath.

Jasmeet - Jaanti hoon! Aur kal Siya ka paon fisalte bhi dekha maine, agar kuchh ho jaata toh?

Nannu - Lekin hua toh nahi na. Maine sambhal liyaa tha Siya ko.

Varsha - Lekin din ka dosh koi nahi jaanta betaa! Jasmeet tumne bilkul theek kiya jo inka kamra niche shift karwa diya.

Jasmeet - Thanks bhabhi.. Siya tujhe koi problem toh nahi hai??

Siya - Mujhe kya problem hogi sasu maa...!