Pyar Ke Rishte

Part 2 - Mishti meets Karishma

Morning:
Maheshwari house:

Siya mandir ki saaf-safai kar rahi hai, Jasmeet aur Varsha aake usey rokti hain. Woh apne frocksuit ka dupatta sir pe lete hue Varsha aur Jasmeet ke paon chhooti hai.

Varsha - Akhand saubhagyawati ho-o.

Jasmeet - Khus raho...

Siya muskurati hai.

Jasmeet - Waise tum ye kya kar rahi thi?

Siya - Mandir saaf kar rahi thi sasu maa.

Varsha - Woh toh hume dikh raha hai, lekin kisne kaha tumse?

Rajshri ki aawaz aati hai.. -
"Isey koi kuchh kehta hai...? Apne mann se ghar ke kaamon mein lagi rehti hai.."

Teeno dekhte hain ki Rajshri hall mein khadi hai, woh log pallu lete hue aake Rajshri ke paon chhooti hain..

Rajshri - Khus raho teeno..

Vishambhar ji, Shaurya aur Anshuman upar corridor mein khade ye sab dekh rahein hote hain.

Vishambhar - Waqt aage badh gaya hai, lekin sanskar ab bhi wahi hain.

Shaurya - Ek time tha jab har subah maa aur kaki aise hi dadi ke charan-sparsh kiya karti thi.

Anshuman - Aur papa aise hi balcony se......

Woh bolte-bolte chup ho jaata hai. Vishambhar ji uski peeth thap-thapate hue bolte hain -
"Beta aise mann chhota nahi karte.... aur abhi toh hum aur aapki badi maa hain naa."

Anshuman - Isiliye toh mujhe kabhi bhi maa-papa ki kami mehsoos nahi hoti..

Vishambhar - Aur hum hone bhi nahi denge.

Anshuman muskurate hue Vishambhar ji ke gale se lipat jaata hai, dusri taraf se Shaurya bhi shaamil ho jaata hai.

Vishambhar - Aap dono humare bete hain..

Teeno muskurate hain. Niche charo aurtein baat kar rahi hoti hain.

Jasmeet - Badi maa aap theek kehti hain, ye Siya apne mann se hi sabkuchh karti hai.

Varsha - Kisi ki baat nahi sunti ye... aisi haalat mein aaram karna chahiye lekin isey toh....

Siya beech mein hi bol padti hai -
"Arey main pregnant hoon, beemar nahi hoon. Mera khus rehna jyada important hai.."

Varsha - Kya matlab tum khus nahi ho?

Siya - Arey taiji mera matlab hai mujhe aise bore hota hai..

Rajshri - Agar aisi baat hai toh kitaabein padha kar, subah-subah tehelne jaaya kar aur daily vyayam kiya kar..

Jasmeet - Kuch bhi kar lekin hum tumhe kaam toh nahi karne denge...

Siya - Lekin sasu maa.....

Bagal se Nannu bolte hue aata hai -
"Jab mumma keh rahi hain toh maan lo na Siya... Kya tum bhi har waqt apne mann ki karti rehti ho."

Jasmeet uske kandhe pe chapat lagate hue bolti hai -
"Khotteya tu bhi toh apne mann ki hi karta hai.."

Nannu - Ab maine kya kiyaa?

Jasmeet - Jaise tujhe nahi pata!! Maine tujhse kahaa tha ki pregnancy ka dhindhora nahi peet-na hai, lekin tu meri baat nahi suntaa...

Nannu (Jasmeet ko side hug dete hue) - Meri pyaari mumma!