أنـِتقـامَ_الدعجَاء.
بقلمـي_رفل_الدليـمي.
كُلهـن ألتَمن علـَيه!!.
.♡_♡_♡_♡_♡_♡_♡_♡_♡.
كعدت افرك بعيوني بقوة كمت شفت الساعه بـ11 ونص طفرت بسرعه رحت لبابا شفته كاعد،
:-بابا يلاااا بسرعه خلينا نروح!
:-اني ما اروح انتِ روحي.
:-بس بابـا..
:-اششش كلت ما اروح هذول اهلي ومن حقي اشوفهم حتى لو يذبحوني!!
باوعت بنضرة عتب كسرة عليه واردفت
:-تمام براحتك.،
طلعت كلبي ملچوم البيت هندس وصوت ما بيه، ضليت امشي بالممر واضرب على مكان قلبي بقوة واصيح.
:-اخخ يا نارچ ياااا گلبي!! اخخ هذااا ابوي هذااا مااا يريدني ما يريدنيييي اهمدانيييي امدانيييي انييي صوجي اجيتتت ليششش ماااا عاندتتت!!! ليششش.!!
امشي ابجي واصيح بقلب ملچوم دخلت للغرفه وبسرعه شربت علاجي لان عرفت راح يجيني نهيار عصبي طلعت رحت للمطار واخذ الجنطه قررت اروح وحدي، وصلت ونزلت لكيت حراس والمضيفه يستقبلوني بس باخر لحظه اجاني اتصال من وسام واني لاحظت هو ما موجود بسرعه رديت عليه بلهفه بكلي باابا قبل يجي وياي.. بس السمعته صعقني!!
:-ولك هااا وسام بابا راح يجي؟ موو.
:-ولججج جدج من سمع بيج رحتي سمعت خابر واحد وكال له باجر جيب جنه وراح يزوجها لابوج!!
اخذت الجنطه واطرت للبيت دخلت بهدوء حتى ميشكون اريد اصدمهم اني ما رحت!!
صعدت رتبت مالاتي الملابس بس روحي طافيه واني ما اريد ابقى!! شسوي هسه بس والله الا اكلب هذا الاسبوع سنه واخليهم يعشون برعب..!
رحت للفراش حتى ملابسي ما بدلتهم بس مجرد طفرت على السرير واستسلمت للظلام!
كعدت على ضوء الشمس القوي كمت وصحت بنزعاج ليشش ما سادين البرده!! اوف اوف.
كمت للحمام دخلت سبحت وطلعت اخذت منشفه نشفت و لبست ملابس، لبست هودي لون ماروني ولبست جينز عريض گابوي وعدلت شعري رتبت وجهي وتعطرت واخذت المبايل والسويج ونزلت لكيتهم كُلهم كاعدين!
كلهم انصدمو!! حتى بابا انصدم وتوقف عن الاكل ضحكت بصوت عالي جدا وخليتهم يصفنون..
:-صباح الخير والسعادة والعافية والسرور عليكم حبايبي ههههاااااييييي.
ردو عليه ببرود ورحت اخذت كُرسي وكعدت اكل بهدوء ومهتميت الهم، وكفت عن الاكل وكلت لبابا.
:-ايي استاذ علي؟ يعني كاعد عادي وتاكُل وبنتك مثلا اني مسافره وبنتك ما تعرفها اكلت شربت ماتت انذبحت طاحت بيه الطيارة ما تسأل؟ كاعد تاكُل وتتمضحك وياهم؟ ومتونس راح تتزوج جنه؟ بنفسي اشوفها الا ادفنها بالحديقه مال بيتهم.
